என் சிந்தனை, என் வாழ்க்கை, என் எண்ணம் - எழுத்துக்களாய்

கடவுள் மிகப் பெரியவன்!

2012-02-05T13:25:00.000-08:00

உலகத்தில் பெரும்பாலான இடத்தை கடல் நீரால் சூழ வைத்தான். அப்படி செய்தவன், அதை குடிக்கும் தண்ணீராய் படைத்திருந்தால், தண்ணீர் பிரச்சனை இல்லாமல் அனைவரும் மகிழ்ச்சியாய் இருந்திருக்கலாம். ஆனால், அதை உப்புத் தண்ணீராய் படைத்தான். தூரத்தில் இருந்து பார்க்கும் போது, குடி நீர் என்று நம்பி மனிதர்கள் அருகில் வந்து, பின்னர் குடித்த பின்னர், அது உப்பு தண்ணீர், குடி தண்ணீர் அல்ல என்று உணரும்படி செய்கிறான்.

குடிதண்ணீரை எங்கு ஒளித்து வைத்தான்?? பூமிக்கு அடியில். பல அடி பூமிக்குள் தோண்டிய பின்னர் தான் அதை எடுக்க முடியும் என்றும், கஷ்டப்படாமல் எதுவும் கிடைக்காது என்று உணர்த்தவும் அப்படி செய்தான். வெளியில் இருக்கும் கடல் நீர் உண்மையான நீர் அல்ல, அது வேறு ரகசியமான இடத்தில் இருக்கிறது என்று உணர்த்தவும் அப்படி செய்தான்.

குடி தண்ணீரை இவ்வளவு ஆழத்தில் புதைத்து வைத்தவன், உண்மையான மகிழ்ச்சியை எங்கு, எவ்வளவு ஆழத்தில் புதைத்து வைத்து இருக்கிறான்?

வெளியில் பலவற்றைப் பார்த்து ”இது தான் மகிழ்ச்சி” என்று மனிதன் நம்பினான். ஆனால், அது அவனுக்கு நிரந்திர மகிழ்ச்சியை தருவதில்லை. ஒன்றினால் சில காலம் மகிழ்ச்சி ஏற்படுகிறது. பின்னர் அவனுக்கு அதில் மகிழ்ச்சி கிடைப்பதில்லை. வேறொன்று தான் மகிழ்ச்சி என்று தேடி பெறுகிறான். இப்படி அவன் மகிழ்ச்சியை வெளியில் தேடிக் கொண்டே இருக்கிறான். ஆனால் கடவுள் மகிழ்ச்சியை எங்கு ஒளித்து வைத்து இருக்கிறார்? அவனுடைய மனதிற்குள். இது தண்ணீரைப் போல் சில அடி தோண்டினால் கிடைத்து விடாது. பல லட்சம் அடிகள் மனதைத் தோண்டி உள்ளே சென்று பார்த்தால் தான், அது கிடைக்கும் என்று நிர்மானித்தான்.

லட்சத்தில் ஒருவனே அவ்வளவு ஆழத்திற்கு சென்று உண்மையான மகிழ்ச்சியைப் பெறுகிறான். கடவுளை உணர்கிறான். உலக ரகசியத்தை உணர்கிறான். பிற மக்களோ, கடல் தண்ணீரை தூரத்தில் இருந்து குடி தண்ணீர் என்று நம்புவதைப் போல், வெளியில் இருக்கும் மகிழ்ச்சியை உண்மையான மகிழ்ச்சி என்று எண்ணி மாயையில் சிக்கி தவிக்கிறார்கள்.

கடவுள் மிகப் பெரியவன்!

பெண்ணின் கண்கள்!!

2012-02-05T10:17:00.000-08:00

சிவகாமியின் சபதம் - பல வருடங்கள் கடும் தியானத்தினால் மனதையும், உடலையும் கட்டுப்படுத்தி வாழ்ந்து கொண்டிருந்த நாகதந்தி (புத்த பிஷு), பெண்ணாசையால்(சிவகாமி மேல்) இரு பெரிய ராஜாங்கத்திற்கு இடையில் போரை உண்டாக்கினான். தன் உடன் பிறந்த சகோதரன்(புலிகேசி) உயிர் விடவும் காரணமானான்.

பொன்னியின் செல்வன் - நந்தினியின் மீது 65 வயது கிழவருக்கு ஏற்பட்ட பெண்ணாசையால் சோழ குலத்தில் என்னென்ன குழப்பங்கள். ”பெண்ணுக்கு நான் என்றும் மயங்க மாட்டேன்”, என்று கூறிக் கொண்டிருந்த பார்த்திபேந்திர பல்லவன், நந்தினியின் கண்களைப் பார்த்த ஒரு நொடியில் தலைகீழாய் மாறிவிட்டானே. அவளுக்கு அடிமையாகி விட்டானே. தன் உயிர் தோழன் ஆதித்த கரிகாலனுக்கும், சோழ குலத்திற்கும் துரோகம் செய்யவும் துணிந்து விட்டானே.

தங்கள் வீரத்தினால் பல போர்களில் வென்ற வீரர்களும், பெண்ணின் கண்களிடம் தோல்வி அடைந்து விடுகின்றார்கள். இது இயற்கையின் நீதியா, அல்லது ஆண்களின் பலவீனமா!!!

செந்தமிழின் பெருமைகள் சொல்லும் காணொளிகள்

2012-01-29T11:12:00.000-08:00

தமிழரின் பரிணாம வளர்ச்சி கோட்பாடு

தமிழின் சிறப்பு

தமிழின் பெருமை சொல்லும் பாடல்

தமிழில் ஏன் பேச வேண்டும் - கமல்

உலக தமிழ் மாநாடு 1968

பிற மொழி கலவாமல் தமிழைப் பேசுவோம்.

காலம் உணர்த்தும்

2012-01-28T03:59:00.000-08:00

இது சினிமா, அரசியல், பெண்கள், கிரிக்கெட் தொடர்பானது இல்லை. எனவே பிடிக்காதவர்கள், இங்கேயே இந்த பக்கத்தை மூடி விடுங்கள். நன்றி!!

நிலையில்லாத வாழ்க்கையில்
எதை நீ தேடுகிறாய்?

மண்ணைத் தேடுகிறாய்
பொன்னைத் தேடுகிறாய்
பெண்னைத் தேடுகிறாய்

இதெல்லாம் தேடல்
என்று உனக்கு சொல்லியது யார்?

இதெல்லாம் நிரந்திர மகிழ்ச்சி தரும்
என்று உனக்கு சொல்லியது யார்?

இதெல்லாம் நிரந்திர மகிழ்ச்சி இல்லை
என்று புரிந்த பிறகும்
அந்த தேடல்களிலே இருக்க சொல்லியது யார்?

உன்னுள் இருக்கும் இறைவனை
ஏன் உணர மறந்தாய்?

நிலையான அந்த சக்தியை
ஏன் உதாசினப் படுத்துகிறாய்?

நீ வெறுத்தாலும் உன்னை
உயிர் சக்தியாய் இருந்து இயக்கும் சக்தியை
நீ ஏன் மதிக்க மறந்தாய்?

மண்ணுக்கும், பொன்னுக்கும், பெண்ணுக்கும்
யார் யாரிடமோ கைகூப்பி வணங்குகிறாய்.
ஏன் உன்னுள் இருக்கும் இறைவனை வணங்க மறுக்கிறாய்?

காலம் உணர்த்தும்
உண்மையை உணர்த்தும்
வாழ்ந்த வாழ்க்கை மாயை என்று உணர்த்தும்
வாழப் போகும் வாழ்க்கை எப்படி இருக்க வேண்டும் என்று உணர்த்தும்

யாரை வணங்க வேண்டும் என்று உணர்த்தும்
யாரை புகழ வேண்டும் என்று உணர்த்தும்
யாரிடம் உன்னை ஒப்படைக்க வேண்டும் என்று உணர்த்தும்

(மாபெரும் தேடலில்)

காதல், காதல், காதல்!!

2012-01-25T12:35:00.000-08:00

இந்த காலத்து இளம் ஆண்களுக்கும், பெண்களுக்கும் இதை விட்டால் வேறு எதுவும் தெரியாது என்றே கருதுகிறேன். பருவ வயதில் ஆசை வருவது இயற்கை. மனிதர் குலம் தோன்றியதில் இருந்தே இது நடந்து வருகிறது. ஆனால், சமீப காலமாக தான், கலாசாரத்தை மீறி, திருமணத்திற்கு முன்னர், ஆசையைக் கட்டுப்படுத்த முடியாமல், உணர்ச்சிவசப்பட்டு தவறான காரியங்கள் செய்வது சர்வ சாதாரணமாக நடந்து கொண்டிருக்கிறது.இதற்கு பலர் உபயோகிக்கும் வார்த்தை காதல். அந்த காலத்திலும் தான் காதல் செய்தார்கள். எப்பொழுது? திருமணத்திற்கு பிறகு. ஆனால், இப்போது என்ன நடக்கிறது?
தங்களின் வசதிக்கு ஏற்ப காதல் காட்சிகள் நடைபெறும்.ஒரு கூட்டம் 11:30 மணி காட்சி திரையரங்கில் இருப்பார்கள். இன்னொரு கூட்டம் மெரீனா, பெசண்ட் நகர் பீச்சில் இருப்பார்கள்.இன்னொரு கூட்டம் வெள்ளி, சனி ஞாயிறுகளில் ஈசிஆர் ரிசார்ட்களில் இருப்பார்கள். இன்னொரு கூட்டம் பெற்றோர்கள் வீட்டில் இல்லாத சமயத்தில், வீட்டில் இருப்பார்கள்.

இப்படி பலவிதமான இடங்களில் பலவித காதல் காட்சிகள் நடைபெற்று கொண்டு இருக்கிறது. இப்படியெல்லாம் காதலித்து(இதுக்கு பேர் காதல் என்று அவர்கள் சொல்லிக் கொள்கிறார்கள்) விட்டு இறுதியில் கைகுலுக்கி பிரிந்து விட்டு, வேறோருவரை திருமணம் செய்கிறார்கள்.
, நல் ஒழுக்கத்துடன் வாழ்பவர்கள், இதையெல்லாம் பார்த்து பிறகு திருமணம் என்றாலே பயந்து ஓடுகிறார்கள். திருடனாய் பார்த்து திருந்தாவிட்டால், திருட்டை ஒழிக்க முடியாது. ஆனால், இங்கு காதல் என்ற பெயரில் லீலைகள் செய்பவர்கள், அவர்களே திருந்த போவதில்லை. ருசி கண்ட பூனை அதை விடுவது இல்லை என்பது போல், இவர்கள் உடல் ஒத்துழைக்காமல் போனால் மட்டுமே இவர்களின் ஆசைகளும் குறையும். ஆனால், அதற்குள் சமுதாயத்தில் பல பேர்,அவர்களைப் பார்த்து கெட்டு போய்விடுவார்களே!! கடவுளே, 2012 இல் உலகம் அழிய வேண்டும் என்று நீ ஆசைப்பட்டால், அதற்கு இதை விட வேறு என்ன காரணம் இருக்க முடியும்!!

பழங்களும் பயன்களும்

2012-01-24T11:17:00.000-08:00

1. மலச்சிக்கலைப் போக்கும் *நறுவிலிப் பழம்*:

நறுவிலிப் பழத்தைத் தினசரியோ அல்லது மலச்சிக்கலின்போதோ சாப்பிட்டு வரமலச்சிக்கல் அற்றுப் போகும்.

2. தாகம் தணிக்கும் *ஆல்பகோடாப் பழம்*

காய்ச்சல் வந்தபின் நாக்கு உருசி மங்கி வறட்சியாகித் தாகம் அதிகரிக்கும். அப்போது, ஆல்பகோடாப் பழம் ஒன்று அல்லது இரண்டை வாயிலிட்டுச் சுவைக்கத் தாகம் தணியும். காய்ச்சல் விலகும்.

3. இளமை தரும் *தக்காளி*

இரத்தம், குடல் ஆகியவற்றைச் சுத்தம் செய்து இளமை தரும் தக்காளி, மலச்சிக்கலையும் போக்கும்.

4. பேதியை நிறுத்தும் *எலுமிச்சம்பழம்*

எலுமிச்சம் பழச்சாறுடன் சர்க்கரை கலந்து 6 மணிக்கொருமுறை சாப்பிட்டு வர 2 நாளில் பேதி நின்றுவிடும்.

5. இன்பம் தரும் *இனிப்புக் கமலா*

இல்லற இன்பம் செழிக்க, 1 குவளை வெந்நீரில் இனிப்புக் கமலாப் பழத்தைப் போட்டுத் தேன் கலந்து சாப்பிட்டு வர தாதுபலமுண்டாகி, இல்லற இன்பம் செழிக்கும்.

6. விக்கலை நிறுத்தும் *கொய்யாப் பழம்*

கனிந்த கொய்யாப் பழம் சாப்பிட்டு வர விக்கல் வராது. இரைப்பை வலிமை பெறும்.

7. தலைக் கனம் குறைக்கும் *களாப் பழம்*

களாப் பழத்தை உணவுக்குப் பின் சாப்பிட்டு வர, தலையில் ஏறிய நீர் குறைந்து தலைக்கனம் குறையும்.

8. கருப்பைக்கு வலிமை தரும் *மாதுளை*

மாதுளை பழம் வாரம் 1 சாப்பிட்டு வர, கருப்பைக் குற்றம் வராது காக்கும். வயிற்றுக் கோளாறு வராது.

9. வாய்வுக்கும் *நாரத்தம் பழம்*

நாரத்தம் பழம் சிறிது சாப்பிட்டுவர வாய்வுக் கோளாறு நீங்கி வயிற்று உப்புசம் விலகும்.

10. கண்ணொளி தரும் *முந்திரிப் பழம்*

கொடி முந்திரிப் பழம் சாப்பிட்டு வர, கண் பார்வைத் துலங்கும்.

11. வெண்மேகம் தீர்க்கும் *கண்டங் கத்திரிப்பழம்*

கண்டங்கத்திரிப் பழம் 1 பிடி எடுத்து 2 குவளை நீரில் கொதிக்க வைத்துக் குழம்பு வைத்துக் குழம்புப் பதத்தில் தேங்காய் எண்ணை கலந்து பதத்தில் இறக்கி ஆறவைத்து வெண்புள்ளி மீது தேய்த்துவர அவை மறையும்.

12. காச நோய்க்குத் *தூதுளம் பழம்*

தூதுளம் பழத்தை அப்படியே 4 அல்லது 5 தினம் சாப்பிடக் காச நோய் தணியும். கபம் விலகும்.

13. கபால நரம்புகள் பலம் பெறப் *பலாப்பழம்*

பலாப்பழத்தைத் தேனுடன் கலந்து ஒன்றிரண்டு சாப்பிட்டு வர கபால நரம்புகள் வலிமை பெறும். அதிகம் சாப்பிட்டால் உடலில் சூடு உண்டாகும்.

14. பசியைத் 'துண்டும் *இலந்தைப் பழம்*

பகலுணவுக்குப் பின் இலந்தைப் பழம் சாப்பிட்டு வர, செரிமானம் தூண்டப்பெறும். அக்கினி மந்தம், கபக்கட்டு, பித்தம் விலகும்.

15. தாது விருத்தி தரும் *திராட்சை*

உலர்ந்த திராட்சைப் பழத்தைத் தேனில் ஊறவைத்துத் தினசரி பாலுடன் ஒரு ஸ்பூன் சாப்பிட்டுவர மலச்சிக்கல் விலகும். தாது விருத்தி பெறும்.

16. *பப்பாளிப் பழம்*

யானைக்கால் நோயால் பாதிக்கப்பட்டவர்கள் பப்பாளிப்பழம் தினம் கால் பழம் சாப்பிட்டு வர, வீக்கம் கரையும், உடலுக்கும் வலிமை சேர்க்கும்.

17. *வாழைப்பழம்*

மூளையில் செயல்திறனை ஊக்குவிக்கும் வாழைப்பழம். செவ்வாழை, மலைவாழை மூளையின் ஆற்றலைப் பன்மடங்கு பெருக்கும்.

18. *வில்வப் பழம்*

பாலில் கலந்து சாப்பிட மலச்சிக்கல் விலகும். வயிற்றுப் புண் ஆறும். சிறுநீரகம் நன்கு செயல்படும்.

19. *அரசம் பழம்*

விந்தணுக்களின் எண்ணிக்கையை அதிகப்படுத்தி, தரமான அணுக்களை உருவாக்குவதில் அரசம் பழம் முதலிடம் பெறுகிறது.

20. *சீமை அத்திப்பழம்*

மூட்டு வலியைப் போக்கி ஆரத்தச் சோகையை விலக்குவதில் சீமை அத்திப் பழம் சிறப்பாக உதவுகிறது. தினசரி 2 சீமை அத்திப்பழத்தைப் பாலில் போட்டுச் சாப்பிட மூட்டுவலி போகும். இரத்தச் சோகை விலகும்.

21. *பேரீச்சம் பழம்*

இல்லற சுகம் சோர்வின்றி இயங்கத் தினசரி 4 பேரிச்சம் பழத்தை இரவு பாலுடன் சாப்பிடுங்கள்.

22. *தர்பூசணிப் பழம்*

கோடைக்கால வெப்பத்தைத் தணிவித்து மூலநோய் வராமல் தடுக்கத் தர்பூசணிப் பழத்துடன் சிறிது தேன்கலந்து சாப்பிடலாம்.

23. *முலாம் பழம்*

மலச்சிக்கலை உடைத்து உடலுக்கு உரமளிப்பது முலாம்பழம். உடம்பு 'எடை' போட இதனை அடிக்கடி சாப்பிடலாம்.

24. *விளாம்பழம்*

பித்தம் அதிகமாகிச் சித்தம் தடுமாறுபவர்கள் காம விகாரத்தால் அவதிப்படுவர்கள். விளாம்பழத்தைக் காலை வெறும் வயிற்றில் சிறிது வெல்லம் கலந்து பிசைந்து சாப்பிட, பித்தம் தணியும். காம உணர்வு கட்டுப்படும்.

25. *அன்னாசிப் பழம்*

குடலில் பூச்சி சேருவதை வெளியேற்றிச் சிறு கட்டிகள் இருந்தால் அதனைக் கரைத்துச் சீரணத்தைத் தூண்டுகிறது அன்னாசிப் பழச்சாறு+தேன். மழைக்காலத்தில சாப்பிட்டுவர, தொண்டைக்கட்டு நீங்கும்.

நன்றி: இதயம்

பரோட்டா பிரியர்களுக்கு ஓர் எச்சரிக்கை !!!!

2012-01-22T10:52:00.000-08:00

தினமும் இரவு பரோட்டா சாப்பிட்டால் தான் சாப்பிட்ட திருப்தி கிடைக்கிறதா?
இன்று தமிழகம் முழுவதும் பரவலாக காணப்படுகிறது பரோட்டா கடை. அந்த பரோட்டாவும் ஊருக்கு ஊர் எத்தனை வகை ,அளவிலும் சுவையிலும் எத்தனை வேறுபாடு. விருதுநகர் பரோட்டா ,தூத்துக்குடி பரோட்டா ,கொத்து பரோட்டா ,சில்லி பரோட்டா ,சொல்லும்போதே நாவில் நீர் ஊறுமே .

பரோட்டாவின் கதை என்ன தெரியுமா?
பரோட்டா என்பது மைதாவால் செய்யப்படும் உணவாகும். மைதா போதுவாக கோதுமையால் தயாரிக்கப்படும். இரண்டாம் உலகப் போரின் போது ஏற்பட்ட கோதுமைப் பற்றாக்குறையால், மரவள்ளிக்கிழங்கிலிருந்து மைதா தயாரிக்க தொடங்கினார்கள். மைதா மாவினால் செய்யப்பட்ட உணவுகள் தமிழகத்தில் பரவலாகப் பயன்படத் தொடங்கின. பரோட்டாவும் பிரபலமடைந்தது.

பரோட்டா பொதுவாக எப்படி செய்வார்கள்?
மைதா மாவுல உப்பு போட்டு, தண்ணி விட்டு பிசைஞ்சு, அப்புறம் எண்ணெய் விட்டு, உருட்டி, ஒவ்வொரு உருண்டையையும் தட்டி, அடித்து, பெரிய கைக்குட்டை போல் பறக்க விட்டு, அதை அப்படியே சுருட்டி, திரும்ப வட்ட வடிவில் உருட்டி, தோசைக்கல்லில் போடுவார்கள். இப்போது பரோட்டாவின் மூலபொருளான மைதாவில் தான் பிரச்சனை துடங்குகிறது.பரோட்டா மட்டும் இல்லது இன்னும் பல வகை உணவு வகைகள் இந்த கொடிய மைதா வில் இருந்து தயாரிக்கபடுகிறது ,நம் பிறந்த நாளுக்கு கொண்டாட வாங்கும் கேக் உட்பட.

மைதா எப்படி தயாரிகிறார்கள் ?
நன்றாக மாவாக அரைக்கப்பட்ட கோதுமை மாவு(கோதுமை இல்லாத காலத்தில் மரவள்ளிக்கிழங்கு) மஞ்சள் நிறத்தில் இருக்கும். அதை பனசாயல் பெரோக்சைட் (benzoyl peroxide ) என்னும் ரசாயினம் கொண்டு வெண்மை யாகுகிறார்கள்,அதுவே மைதா. Benzoyl peroxide நாம் முடியில் அடிக்கும் டை யில் உள்ள ரசாயினம். இந்த ராசாயினம் மாவில் உள்ள protein உடன் சேர்ந்து நீரழிவு நோய்க்கு காரணியாய் அமைகிறது .

இது தவிர Alloxan என்னும் இரசாயனம், மாவை மிருதுவாக கலக்கபடுகிறது.மேலும் Artificial colors, Mineral oils, Taste Makers, Preservatives , Sugar, Saccarine , Ajinomotto போன்ற உப பொருட்களும் சேர்க்கப்படுகிறது. இது மைதாவை இன்னும் அபாயகரமாக்குகிறது .

அலொக்சான் விலங்குகள் மற்றும் மற்ற இனங்கள் கணையத்தில் உள்ள பீட்டா செல்களை அழித்து, நீரிழிவு நோய் வரவைப்பதற்கு காரணமாக அமைகிறது(சோதனைக்கூடத்தில்). ஆக பரோட்டா வில் உள்ள Alloxan மனிதனுக்கும் நீரழிவு வர துணை புரிகிறது .

மேலும் மைதாவில் செய்யும் பரோட்டா சீரணத்துக்கு உகந்தது அல்ல ,மைதாவில் நார் சத்து கிடையாது , நார் சத்து இல்லா உணவு நம் சிரண சக்தியை குறைத்து விடும் . இதில் சத்துகள் எதுவும் இல்லை குழந்தைகளுக்கு இதனால் அதிக பாதிப்பு உள்ளது , எனவே குழந்தைகளை மைதா வினால் செய்த bakery பண்டங்களை உன்ன தவிர்பது நல்லது. Europe union,UK,China இந்த மைதா பொருட்கள் விற்க தடை விதித்துள்ளன .

மைதாவை நாம் உட்கொள்ளும் போது சிறுநீரக கோளாறு ,இருதய கோளறு ,நீரழிவு நோய் போன்றவை வருவதற்கு பல வாய்ப்புகள் உண்டு.நமது அண்டை மாநிலமான கேரளத்தில் பரோட்டாவின் தீமைகள் குறித்து இப்போதே பிரச்சாரம் செய்ய தொடங்கி விட்டனர்.மேலும் மைதாவை அதன் தீமைகள் குறித்து ஆராச்சி செய்து ஆய்வறிக்கையும் சமர்ப்பித்துள்ளனர்.

இப்போதாவது நாமும் விழித்து கொள்வோம் நம் தலைமுறை காப்போம்.நண்பர்களே ஆரோக்கியமான நம் பாரம்பரிய கேப்பை, கேள்வரகு ,கம்பு உட்கொண்டு அந்நிய உணவான பரோட்டாவை புறம் தள்ளுவோம். இந்த பதிவை உங்கள் நண்பர்களுடன் பகிர்ந்து விழிப்புணர்வு செய்யுங்கள் .
நன்றி!!(இதை எழுதியவருக்கு என் நன்றி)

தமிழக இளைஞர்களே - இந்த அவல நிலையைப் பாருங்கள்

2012-01-22T06:11:00.000-08:00

இந்த இரண்டு படங்களையும் பார்த்தாலே நம் பெரும்பாலான தமிழக இளைஞர்களின் இன்றைய வாழ்க்கை முறையை நீங்கள் தெரிந்து கொள்ளலாம். சிந்தியுங்கள். செயல்படுங்கள். நேரம் பொன் போன்றது.

தமிழா - அர்த்தம் புரியாத மொழியில் பூஜை எதற்கு?

2012-01-22T03:41:00.000-08:00

தமிழ் நாட்டு கோவில்களின் பிரமாண்டம், அழகு, சிற்பகலைகள் வேரெங்கும் இல்லை. தமிழ் மொழி மிகவும் பழைய மொழி. ஆகையால் தான் அதற்கு எழுத்துக்கள் மிக குறைவு.
ஆனால் மற்ற இந்திய மொழிகள் சமஸ்கிருதத்தை சார்ந்து இருப்பதால் எழுத்துக்கள் மிக அதிகம். தமிழில் இருப்பது போல் இலக்கியங்கள் சமஸ்கிருதத்தில் கூட கிடையாது. ஆயிரம் வருடங்களுக்கு முன்னர் சோழ சக்கிரவர்த்திகள் இங்குள்ள தமிழ் அந்தணர்கள் கோவில் திருப்பணிக்கு போதாமையால் வட நாட்டில் இருந்து வேறு அந்தணர்களை கொன்டு வந்தனர். இவர்கள் தமிழ் அந்தணர்கள் போல் அல்லாமல் சமஸ்கிருதத்தில் பாடல்கள் இயற்றி அதிலேயே பூஜைகளை செய்ய ஆரம்பித்து விட்டனர். அது வரை கோவிலகளில் தேவார, திருவாசக பதிகங்கள் பாடி வந்ததை நிறுத்தி விட்டு சமஸ்கிருத ஸ்லோகங்களை சொல்ல ஆரம்பித்தனர்.இதனால் தமிழில் பூஜை செய்வது நலிவடைந்தது.

இப்போதைய தமிழனுக்கு கொஞ்சம் கூட சுய மரியாதை இல்லை. கேராளாவில் போய் கூலி வேலை, வீடு வேலை, பிச்சை எடுப்பது என்று இருப்பதால் மலையாளிகள் தமிழர்களை
கேவலமாக பேசி ஏசுகிறார்கள். (மலையாள சினிமாக்களில் வரும் தமிழர்களை அசிங்கமாக திட்டுவார்கள், வாளை பளம், குளம்பு, கிளவன் என்று வேண்டுமென்றே சொல்வார்கள்
(தமிழனுக்கு 'ழ' உச்சரிக்க வராதாம்). பிச்சை எடுப்பவன் தமிழில் பேசுவான்,ஒரு மலையாளி 10 தமிழர்களை அடிப்பான், தெருவில் அசிங்கம் பண்ணுபவர்கள் தமிழர்களாக இருப்பார்கள்). ஒரு சினிமாவில் நடிகன் ஜெயராம் ஊட்டியில் தமிழர்களை எல்லாம் அடித்து துறத்தி "முல்லைபெரியார் தண்ணீர் குடிக்கும் பயல்களே, நாங்கள் தண்ணீரை நிறுத்தினால் செத்து போவீர்கள்" என்று திட்டுவான். இந்த ஜெயராம் கும்பகோணத்தில் இருந்து முன்னர் கேரளாவிற்கு குடி பெயர்ந்த பிராமண குடும்பத்தை சேர்ந்தவர்).

நன்றி ராஜா லோகநாதன் (கேரளா)

வீராதி வீரன் நேதாஜியைப் பற்றிய காணொளி - தமிழில்

2012-01-22T00:11:00.001-08:00

நேதாஜி (தலைவர்) என்று இந்திய மக்களால் மரியாதையுடன் அழைக்கப்படும் சுபாஷ் சந்திர போஸ் (1897 - உறுதிபடுத்தப்படவில்லை) இந்திய சுதந்திரப் போராட்டத் தலைவராவார். இரண்டாம் உலகப் போர் சமயத்தில் வெளிநாடுகளில் போர்க் கைதிகளாய் இருந்த நூற்றுக்கணக்கான இந்தியர்களை ஒன்றுதிரட்டி இந்திய தேசிய ராணுவத்தை உருவாக்கி அப்போது இந்தியாவை ஆட்சி செய்த ஆங்கிலேயர்க்கு எதிராகத் தாக்குதல் நடத்தியவர்.

இந்திய தேசிய ராணுவம் நெருக்கடியான நிலையில் இருந்த போது ஆகத்து 15, 1945இல் அவர் இறுதியாக அறிக்கை வெளியிட்டார்.அதன்படி,

"நமது சரித்திரத்தில் நாம் சற்றும் எதிர்பாராத நெருக்கடியில் சிக்கியுள்ள இந்த நேரத்தில் உங்களுக்கு ஒரு வார்த்தை கூற விரும்புகிறேன். இந்த தற்காலிக தோல்வியால் மனச்சோர்வு அடைந்து விடாதீர்கள். நம்பிக்கையுடன் இருங்கள். உங்கள் உணர்வுகளை தளர விடாதீர்கள். எல்லாவற்றிற்கும் மேலாக இந்தியாவின் எதிர்காலத்தின் மீது நீங்கள் வைத்திருக்கும் நம்பிக்கையை தவறாக மதிப்பிட்டு விடாதீர்கள். இந்தியாவை நிரந்தரமாக அடிமைத் தளையில் கட்டிவைக்கும் ஆற்றல் இந்த உலகில் எந்த சக்திக்கும் இல்லை. நீண்ட காலத்திற்குப் பிறகு அல்ல. விரைவில் இந்தியா விடுதலை அடையும். ஜெய் ஹிந்த்!"

இங்கு காணொளியைக் காணலாம்

நான் படித்த புத்தகங்கள்

2012-01-21T11:52:00.000-08:00

சிவகாமியின் சபதம்
வேறுபடும் உணர்வுகளும் மாறுபடும் செயல்களும்
ஜென் தத்துவ கதைகள்
சுவாமி விவேகானந்தரின் வரலாறும் அறிவுரைகளும்

சுவாமி விவேகானந்தரின் வரலாறும் அறிவுரைகளும்

2012-01-21T11:09:00.000-08:00

சமீபத்தில் இந்த புத்தகத்தைப் படிக்கும் பாக்யம் எனக்கு கிடைத்தது. இதை ஏற்படுத்தி தந்த கடவுளுக்கு முதலில் என் நன்றியைத் தெரிவித்துக் கொள்கிறேன்.

சுவாமி விவேகானந்தரின் வாழ்க்கை வரலாறும் எழுச்சி தரும் அவரது சில அறிவுரைகளும் அடங்கிய இந்நூல் அழகிய ஓவியங்களுடன் எளிய நடையில் அனைவருக்கும் பயனளிக்கும் வகையில் எழுதப்பட்டுள்ளது. சுவாமி விவேகானந்தரின் 150வது பிறந்த ஆண்டு விழாவை முன்னிட்டு ராமகிருஷ்ண மடம் மற்றும் ராமகிருஷ்ண மிஷனின் சார்பாக இந்த நூல் வெளியிடப்பட்டது. அனைத்துத் தரப்பினரையும் சென்றடைய வேண்டும் என்ற நோக்கத்தில் இந்நூல் சிறப்புச் சலுகை விலையில் வெளியிடப்பட்டுள்ளது(4 ரூபாய் மட்டுமே).

விவேகானந்தர் என்ற பெயர் இந்திய மக்கள் அனைவரின் உள்ளத்திலும் உன்னதமான இடம் பெற்ற ஒன்று ஆகும். மிகச் சிறந்த ஆன்மீகத் தலைவர்களில் ஒருவர் அவர். 1893 ஆம் ஆண்டு சிகாகோவில் நடைபெற்ற சர்வமத மகாசபையில் அவர் சொற்பொழிவாற்றினார். அதைத் தொடர்ந்து நாலரை ஆண்டுகள் அவர் அமெரிக்காவிலும், இங்கிலாந்திலும் சொற்பொழிவுகளும் பிரசாரப் பணிகளும் மேற்கொண்டார். அதன்மூலம் இந்தியாவைப் பற்றி மேலைநாட்டினர் கொண்டிருந்த தாழ்வான கருத்துகளை மாற்றி ஆன்மீகம், நல்லிணக்கம் மற்றும் மிகச் சிறந்த கலாசாரப் பாராம்பரியம் கொண்ட புனித பூமி அது என்று இந்தியாவின் பெருமையை உயர்ந்ததொரு பீடத்தில் அமர்த்துவதிலும் அவர் பெரும் வெற்றி பெற்றார்.

தாயகம் திரும்பியவுடன் அவர் நாடு முழுவதும் எழுச்சிமிக்க சொற்பொழிவுகளை ஆற்றினார். இந்தியர்களின் மனதில் தாய்நாட்டின் சிறப்புமிக்க கலாச்சாரப் பாரம்பரியம் பற்றிய விழிப்புணர்வை ஏற்படுத்தினார். தன்னம்பிக்கையும் ஆக்கப்பூர்வமான சிந்தனைகளும் அவர்களிடம் மேலோங்கும்படிச் செய்தார்.

இன்றைய இளைய சமுதாயத்திற்கு உலகளாவிய ஒரு லட்சிய மனிதர் விவேகானந்தர். தமது முப்பத்து ஒன்பதரை வயதிலேயே அவர் இவ்வுலகைவிட்டு மறைந்து விட்டார் என்றாலும் அதற்குள்ளாகவே அவர் மகத்தான பல சாதனைகளை செய்து முடித்தார்.மனிதகுல நலன், மேம்பாடு மற்றும் ஆன்மீக உயர்வுக்காகத் தமது குறுகிய இளமைப் பருவத்திலேயே அவர் ஆற்றிய பங்கு மிகவும் பெரியதாகும்.

இந்த நூல் குறிப்பாக இளைய சமுதாயத்தினருக்காகவே எழுதப்பட்டது என்றாலும் அனைவருமே இந்நூலைப் படித்துப் பயன் பெறலாம். எல்லா மக்களும், குறிப்பாக நம் நாட்டின் இளைஞர் அனைவரும், விழிப்புணர்வு தரும் வற்றாத ஊற்றாகவும் வாழ்விற்கு நல்லதொரு வழிகாட்டியாகவும் இந்நூலை உணர்வார்கள் என்று நம்புகிறேன்.

இந்த நூலில் இருந்து சில கருத்துகள்:

மனிதனின் நிரந்திரமான, எல்லையற்ற, மரணமற்ற ஆன்மாவை எந்த ஆயதங்களாலும் வெட்ட முடியாது. எந்தச் சூட்டினாலும் உலர்த்த முடியாது. நெருப்பினால் எரிக்க முடியாது. நீரினால் நனைக்க முடியாது. அது எல்லையற்றது, பிறப்பற்றது, இறப்பற்றது, ஆரம்பமும் முடிவும் இல்லாதது. அதன் முன்னிலையில் சுரிய சந்திரர்களும், வான மண்டலங்களும் கூட கடலின் முன் சிறு துளிகளாகத் தோன்றுகின்றன. அதன் பெருமைக்கு முன்னால் இடம்(space) என்பது சூன்யத்தில் கரைகிறது. காலம் என்பது இல்லாமல் ஒடுங்கி விடுகிறது. பெருமை மிக்க இந்த ஆன்மாவில் நாம் நம்பிக்கை கொள்ள வேண்டும். அதிலிருந்து எல்லையற்ற ஆற்றல் வரும்.

’எல்லையற்ற வலிமை கொண்ட ஆன்மா நான்’ என்று எல்லாரும் சிந்தியுங்கள். எவ்வளவு வலிமை உங்களிடம் வெளிப்படுகிறது என்பதை அப்போது காண்பீர்கள்

'அறிவே ஆற்றல்’ என்கிறது ஒரு முதுமொழி. இல்லையா?
அறிவின் மூலமாகத்தான் ஆற்றல் வருகிறது. மனிதன் தன்னை எல்லையற்ற ஆற்றலும் வலிமையும் கொண்டவனாக அறிந்துகொள்ள வேண்டும். உண்மையில் இயல்பாகவே அவன் எல்லாம் வல்லவனாகவும் எல்லாம் அறிந்தவனாகவும் இருக்கிறான். அதை அவன் அறிந்துகொள்ள வேண்டும். தன்னுடைய ஆத்மாவை எந்த அளவிற்கு உணர்கிறானோ அந்த அளவிற்கு ஆற்றலை அவன் வெளிப்படுத்துகிறான். அவனுடைய தடைகள் நொறுங்கிவிடுகின்றன. முடிவில் அவன் சுதந்திரனாகிறான்.

என்னால் இதைச் செய்ய முடியும், இதைச் செய்ய முடியாது என்று கூறுவதும் கூட பொருளற்றவைகளே. நம்மால் எதையும் செய்ய முடியும்.

ஒவ்வொரு மனிதனும் முதலில் தன்னிடம் நம்பிக்கை வைக்க வேண்டும் என்பதை வேதாந்தம் போதிக்கிறது. நமது ஆத்மாவின் மகிமையில் நம்பிக்கையின்மையே நாத்திகம். இது அடைய முடியாத குறிக்கோள் என்று நம்மில் பலரும் நினைக்கலாம். ஆனால் இதை ஒவ்வொரு மனிதனாலும் அடைய முடியும் என்று வேதாந்தம் வலியுறுத்துகிறது.

எப்போதும் ஆன்மாவைப் பற்றியே பேசு, கேள், சிந்தனை செய். இவ்வாறு செய்துகொண்டே வந்தால், காலப் போக்கில் உன்னுள்ளும் சிங்கம் சிலிர்த்து எழுவதைக் காண்பாய்.

உள்ளிருக்கும் ஆன்மா எப்போதும் ஒளிந்து கொண்டிருக்கிறது. அந்த ஒளியிலிருந்து வேறு பக்கம் திரும்பிக் கொண்டு, தசையாலும், எலும்பாலுமான இந்த உடம்பை நாடியவாறு, ‘நான், நான், நான்’ என்று அடித்துக் கொள்கின்றனர். இதுதான் எல்லா பலவீனங்களுக்கும் அடிப்படை.

சிந்தனை எல்லாவற்றையும் விட மிகவும் வலிமையானது. இந்த சிந்தனை உங்கள் வாழ்க்கையில் முத்திரை பதிக்கட்டும். எல்லாம் வல்ல உங்கள் ஆற்றல், உங்கள் சிறப்பு, உங்கள் மகிமை இவை பற்றிய சிந்தனையால் உங்களை நிறையுங்கள்.

உடல் என்பதை மறந்து, ஒவ்வொருவரும் தன்னை ஒரு ஆன்மாவென நினைக்க வேண்டும். மீனவன் தன்னை ஆன்மாவென நினைத்தால், சிறந்த மீனவன் ஆவான். மாணவன் தன்னை ஆன்மாவென நினைத்தால், சிறந்த மாணவன் ஆவான். ஆக மொத்தத்தில், மனிதன தன்னை ஆன்மாவென நினைத்தால், சிறந்த மனிதன் ஆவான்.

ஜென் தத்துவ கதைகள்

2012-01-21T10:01:00.000-08:00

இந்த புத்தகத்தை என் உறவினர் ஒருவர் எனக்கு பரிந்துரை செய்திருந்தார். இந்த புத்தகத்தை எழுதியிருப்பவர் குருஜி வாசுதேவ். 77 சிறு கதைகளில் ஜென் தத்துவங்களை ஆசிரியர் விளக்கியுள்ளார். கதைகள் அனைத்தும் ஒரே மாதிரி இருப்பதாக சில சமயம் உணர்வு ஏற்பட்டாலும், அங்காங்கே சொல்லப்பட்டு இருக்கும் நல்ல கருத்துகளினால் அந்த உணர்வுகள் மறைந்து விடும்.

ஜென் என்றால் என்ன - ”இயல்பாயிருத்தல்” என்பதே அதன் அர்த்தம். எது நடந்தாலும், அதன் போக்கில் விட்டு விடு. எதையும் விரும்பாதே, எதையும் வெறுக்காதே. ஜென் குருக்கள் இந்த தத்துவங்களைப் பின்பற்றி வாழ்ந்தார்கள். அவர்கள் தங்களின் சீடர்களின் கேள்விகளுக்கு அவர்களுக்கு தானாகவே பதில் தெரியும் வகையில் மிக இயல்பாய் பதில் சொல்வது வழக்கம். மக்கள் ஜென் குருக்களிடம் சென்று , “எனக்கு ஒரு வார்த்தை சொல்லுங்கள்” என்று கேட்டு பெறுவது பிரபலமான ஒன்றாக இருக்கிறது.

இந்த புத்தகத்திலிருந்து ஒரு கதை உங்களுக்காக!!

“பண்டிகை வரப்போகிறது. அதற்கு பலி கொடுப்பதற்கு தான் இந்த ஆட்டை கூட்டிச் செல்கிறேன்” என்று ஒரு கூயவன் ஜென் குருவிடம் சொன்னான்.

“பலியா?” குரு வியப்புடன் கேட்டார்.

“ஆமாம் சாமி. தெய்வத்துக்கு திருவிழா அன்றைக்குப் பலி கொடுத்தால் விசேஷம். தெய்வம் மகிழ்ந்து வரம் கொடுக்கும். எல்லாம் சுபீட்சமாகயிருக்கும்”

இதைக்கேட்ட குரு எழுந்தார். அந்த குயவனின் மண் பானையை எடுத்து ஓங்கித் தரையில் அடித்தார். பானை துண்டு துண்டாகச் சிதறியது.

குயவன் கோபத்துடன் துறவியைப் பார்த்தான்.

துறவி நிதானமாகக் கீழே குனிந்தார். சிதறிய ஓட்டாஞ் சில்லுகளை ஒன்றுவிடாமல் அடுக்கினார். குயவனிடம் நீட்டினார்.

“என்ன இது?” என்றான் குயவன் கோபமாக.

“உனக்குப் பிடிக்குமே, அப்பா?” என்றார் குரு.

“என்ன உளறுகிறீர்கள். நான் கஷ்டப்பட்டு செய்த பானையை உடைத்து விட்டு அது எனக்கு பிடிக்கும் என்று என்னிடமே நீட்டுகிறீர்கள். கேலியா? கிண்டலா? உங்களுக்கு பித்தா?” என்று ஆத்திரப்பட்டான் குயவன்.

“அப்படியெல்லாம் எதுவும் இல்லையப்பா. உண்மையான அன்புடன் தான் செய்தேன்.” என்று குரு சிறிதும் பதட்டப்படாமல் சொன்னார்.

“நான் செய்த அந்தப் பானையில் என் உழைப்பு முழுவதும் அடங்கியிருக்கிறதே! அதை உடைக்க நான் எப்படிச் சம்மதிப்பேன்? இது எனக்குப் பிடிக்கும் என்று யார் உமக்குச் சொன்னது?”

“நல்லது. ஆண்டவன் படைத்த ஓர் உயிரை கதறக் கதற வெட்டிக் கொன்று பலியிடலாம் என்று உனக்கு யார் சொன்னது? இதை இறைவன் மகிழ்ந்து ஏற்றுக்கொண்டு வரம் தருவான் என்று நீ எப்படி நம்புகிறாய்? எந்தத் தாய் தன் குழந்தை கதறுவதைக் கேட்டு சகிப்பாள்? எந்தத் தகப்பன் தன் குழந்தை கொல்லப்படுவதை விரும்புவான்?” என்று குருவிடமிருந்து அடுக்கடுக்காகக் கேள்விகள் பிறந்தன.

குயவன் நிதானமாக ஆட்டின் கழுத்திலிருந்த கயிற்றை அவிழ்க்கத் தொடங்கினான்.
_________________________________________________________________________________
வெறுமையை உணரும் முன்பு அதுபற்றி எவரும் கற்பனைகூட செய்ய முடியாது. அதுபற்றி உணர்ந்த பிறகோ அதைப் பற்றிப் பேசவும் முடியாது. அதைப் பற்றிப் பேசுவதற்கு சொற்களும் கிடையாது.
_________________________________________________________________________________

எதைச் செய்கிறாயோ அதுவாகவே மாறிவிடு. எதையும் தேடித் துரத்தாதே. எப்போதும் இயல்பாயிரு. தன்னைத்தான் அறி.
_________________________________________________________________________________

ரஜினி அரசியலுக்கு வரமாட்டார்- லதா ரஜினிகாந்த்!!

2012-01-21T09:13:00.000-08:00

ரஜினி மனைவி லதா “ஆஸ்ரம்” என்ற பெயரில் பள்ளிகள் நடத்துகிறார். அவற்றின் ஆண்டுவிழா தேனாம்பேட்டை காமராஜர் அரங்கில் நடந்தது. இதில் ரஜினி பெயரில் சிறந்த சாதனையாளர் விருதுகள் வழங்கப்பட்டன.

இயக்குனர் கே.பாலசந்தர், நடிகை ஆஷா பரேக், மறைந்த நடிகை ஷம்மிகபூர் ஆகியோருக்கு இவ்விருதுகளை லதா ரஜினிகாந்த் வழங்கினார். ஷம்மிகபூர் சார்பில் அவரது மகன் ஆதித்யா பெற்றுக் கொண்டார்.

விழாவில் ரஜினிகாந்த் பேசும்போது, “கே.பாலசந்தர், ஷம்மி கபூர் ஆகியோருக்கு விருது கொடுத்துள்ளது மகிழ்ச்சியாக இருக்கிறது. ஆனால் எனது பெயரில் என் குருநாதர் பாலசந்தருக்கு விருத்து கொடுத்தது தர்மசங்கடமாக இருந்தது. எனவே என் பெயரில் விருது வழங்க வேண்டாம் என்று சொன்னேன். அடுத்த ஆண்டில் இருந்து இவ்விருதுகள் பாலச்சந்தர் பெயரில் வழங்கப்பட உள்ளன.” என்றார்.

லதா பேசும்போது, “என் கணவர் இந்திய அளவில் மிகச் சிறந்த தேசியவாதி. அவரை பலரும் அரசியலுக்கு வா வா என்று அழைக்கிறார்கள். அரசியலுக்கு வந்து தான் மக்களுக்கு சேவை செய்ய வேண்டும் என்பதில்லை. அதில் இல்லாமலும் சேவை செய்யலாம். எனவே தயவு செய்து அவரை இனிமேல் அரசியலுக்கு வரவேண்டும் என்று அழைக்காதீர்கள். அவர் வர மாட்டார். நான் இப்போது மக்களுக்கு சேவை செய்ய வேண்டும் என்பதற்காகவே இந்திய அளவில் ஒரு புது அமைப்பை தொடங்கியிருக்கிறேன். அதன் மூலம் மக்களுக்கு நிறைய பொதுச்சேவைகள் செய்ய திட்டமிட்டிருக்கிறேன். சில சமூக அமைப்புகளுடன் இணைந்து செயல்படவும் திட்டம் வகுத்துள்ளேன்.” என்றார்

என்ன கொடுமை இது? பள்ளியை நடத்துவது இவர் மனைவி. இவர் பெயரில் விருது வழங்க போவது இவருக்கு முன்னரே தெரியாதா? அதை ஏன் தடுக்கவில்லை?

“கடவுள் சொன்னால், அரசியலுக்கு வந்து விடுவேன்”, என்று தன் ரசிகர்களிடம் ரஜினி இத்தனை காலம் கூறிக் கொண்டு வந்தார். லதா தைரியமாக அவர் அரசியலுக்கு வரமாட்டார் என்று வெளியிட்டதற்கு எங்களின் மனமார்ந்த நன்றி.

வேறுபடும் உணர்வுகளும் மாறுபடும் செயல்களும்

2012-01-21T05:31:00.000-08:00

இந்த புத்தகத்தை எழுதியிருப்பவர் புலவர் என்.இ.இராமலிங்கம். இவர் என்னுடைய தாத்தா என்று சொல்லிக் கொள்வதில் எனக்கு கர்வம் அதிகமாகவே இருக்கின்றது. ஏனெனில் தமிழுக்காக தன் வாழ்வையே அர்ப்பணித்து கொண்டிருக்கிறார். பணி செய்து கொண்டிருந்த காலத்தில், தினமும் மாணவர்களுக்கு திருக்குறள் வகுப்புகள் நடத்தியிருக்கிறார். பணி ஒய்வு பெற்றதிலிருந்து ஆண்டுக்கு குறைந்தது ஒரு நூல் இவர் வெளியிட்டுக் கொண்டிருக்கிறார். தமிழ்நாடு அரசின் ‘திருக்குறள் நெறித்தோன்றல்’ எனும் பட்டமும், ‘இறைமையும் முறைமையும்’ எனும் நூலுக்கான முதற்பரிசும் என எண்ணற்ற விருதுகளும், பரிசுகளும் பெற்றிருக்கிறார்.

நான் சிறுவனாய் இருந்த காலத்திலிருந்தே எங்கள் வீட்டிற்கு வந்து அவர் எழுதிய புத்தகங்களை அவ்வப்போது கொடுத்து செல்வது வழக்கம். ஆனால், புத்தகங்கள் படிப்பதில் எனக்கு நாட்டம் இல்லாததால், நான் படித்ததே இல்லை. நவம்பர் மாதம் அவருடைய இல்லத்திற்கு சென்ற போது, அவர் எழுதிய இரண்டு புத்தகங்களை எனக்கு கொடுத்தார். இம்முறை அவர் கொடுத்த இரண்டு புத்தகங்களையும் படிக்க வேண்டும் என்ற ஆர்வம் ஏற்பட்டது. இரண்டையும் படித்தேன். அவற்றில் ஒன்றைப் பற்றி இங்கு பார்ப்போம். “வேறுபடும் உணர்வுகளும், மாறுபடும் செயல்களும்’.

சிலப்பதிகாரம், மணிமேகலை, தொல்காப்பியம், திருக்குறள், அகனாநூறு, புறனாநூறு கம்பராமாயணம், பெரிய புராணம் ஆகியவற்றில் இருந்து கருத்துகளை உதாரணமாக காட்டி, மனிதனின் உணர்வுகளைப் பற்றியும், உணர்வுகளுக்கு ஏற்ப எவ்வாறு செயல்கள் மாறுபடுகிறது என்பதையும் அருமையாக கூறியிருக்கிறார் ஆசிரியர். மேற்கூறிய சங்க இலக்கியங்களை முழுமையாக படிக்க வேண்டும் என்ற ஒரு ஆவலை உங்கள் மனதில் உருவாகும்.

காரைக்கால் அம்மையார், கண்ணப்பர், புனிதவதியார், திருநாவுக்கரசர், திருஞானசம்பந்தர் அகிய சிவபக்தர்கள் பற்றியும் நாம் தெரிந்து கொள்ளலாம். இதுவல்லவோ பக்தி என்று நம்மை வியக்கவைக்கும். இது தான் பக்தி,வழிபாடு இப்படி தானே இருக்க வேண்டும் என்று நம் மனதில் ஒரு விழிப்புணர்வையும் ஏற்படுத்தும்.

இந்த புத்தகத்தில் இருந்து சில வரிகள் உங்கள் பார்வைக்கு.

பொருளாகட்டும், மதிப்பாகட்டும்,
ஒழுக்கமாகட்டும்! எதுவானாலும் ஒருமுறை இழந்தால் இழந்ததுதான்!!

விட்டுக் கொடுக்கும் குணத்தால் யாரும் கெட்டுப் போவதில்லை.

பிறர் பழியைப் பொறுத்துக் கொள்வது போற்றற்குரிய பண்பு. ஆனால் அதை மறந்து விடுவது அதை விட சிறந்தது.
_____________________________________________________________________________________

தொண்டர்கள் பலர் படை சூழ நாளும் இன்னிசையால் தமிழ் பரப்பிய ஞான சம்பந்தர், மக்கள் உள்ளத்தைத் தம் அருந்தமிழ்ப் பாடல்களால் ஈர்த்தவர்.

சிவபெருமான் எங்குள்ளான்? என்பார்க்கு, அவன் இக்கோயிலில் உள்ளான், அக்கோயிலில் உள்ளான், காசியிலோ, கயிலாயத்திலேயோ உள்ளான்! என்று கூறாமல், என் சிவபெருமான், “எங்கெல்லாம் தமிழின் பெருமை பேசப்படுகின்றதோ, எங்கெல்லாம் தமிழிசை ஒலிக்கின்றதோ, அங்கெல்லாம் எழுந்தருளி அருள் புரிவார்” என இறைவனுக்கும், தமிழுக்கும் உள்ள தொடர்ப்பைத் தாம் பாடியருளிய செந்தமிழ்ப் பாடல்கள் வழியாகத் திருஞானசம்பந்தர் உணர்த்தும் திறனை அனைவரும் போற்றுவர்.

திருஞான சம்பந்தர் பாடியுள்ள 385 பதிகங்கள், முதல் மூன்று திருமுறைகளாகத் தொகுக்கப் பெற்றுள்ளன.
_____________________________________________________________________________________
நிறப்பெரும் படைக்கலம்
நிறத்தின் நேர்உற

மறப்பயன் விளைக்குறும்
வன்மை அன்றுஅரோ!

இறப்பினும் திருஎலாம்
இழப்ப எய்தினும்

துறப்பிலர் அறம் எனில்
சூரர் ஆவதே

(கம்ப ராமாயணம் : அயோத்தி:தைலம்:30)

விளக்கம் : மாற்றான் படையை நேருக்கு நேர் நின்று எதிர்த்துப் போராடி, பகைவனை வீழ்த்தி வெல்வதால், ஒருவர் சூரர்(வீரர்) ஆகிவிட முடியாது! தன்னுயிர் போயினும், தன் செல்வம் அனைத்தும் இழக்க நேர்ந்தாலும் அறத்தை விடாமல், ‘அறநெறி நிற்பவர் எவரோ’ அவர் தான் சூரர்(வீரர்) ஆவார்! என இராமன் சுமித்தரனுக்கு அறிவுறுத்துவதாகக் கம்பர் கூறுகிறார்.
_____________________________________________________________________________________
இறைவன் உடனாய், ஒன்றாய், வேறாய் இருப்பவன். அதாவது மூன்று நிலைகளில் இருந்து உயிர்கட்கு அருள் புரியும் இயல்பினன் என்பர். இது ஒரு வகை அனுபவ உண்மை என்று அறியத்தக்கது.

1) தாய் தன் சேய்க்குப் பாலூட்டி சீராட்டி வளர்ப்பதைப் போன்று, இறைவன் ஆன்மாக்களுடன் “உடனாய்” நின்று உதவும் இயல்பினன் ஆவான்.
2) உயிர்க்குயிராய் இருந்து, பிரிக்க இயலாதவாறு ”ஒன்றாய்” நிற்கும் இயல்பினனும் ஆவான்.
3) உயிர்களின் ”வேறாய்” நின்று, அவ்வுயிர்களை இயக்கும் இயல்பினனாகவும் திகழ்கிறான்.

சிந்தித்து உணருபவர்களுக்கே இவ்வுண்மைகள் புலப்படும்.
_____________________________________________________________________________________

பரபரப்புடன் விற்றனவா பாரதியாரின் நூல்கள்?

2012-01-21T02:16:00.001-08:00

பரபரப்புடன் விற்றனவா பாரதி நூல்கள்?
-செ.திவான்

பாரதி மறைவிற்குப் பின் பாரதி நூல் களையெல்லாம் பிரசுரிக்க வேண் டும்; இந்நூல்களின் விற்பனை மூலம் பாரதி குடும்பத்திற்கு உதவ வேண்டும் என்று எண்ணினர். 1921 செப்டம்பரிலேயே சென்னையில் கூடிய பாரதி நண்பர்கள் சோம தேவ சர்மா உள்ளிட்டதொரு கமிட்டியை நிறுவினார்கள். நண் பர்களும் உதவினர்; தமிழ் மக்கள் 12 ரூபாய் வீதம் முன்பணம் அனுப் பினர்; திலகர் ஸ்வராஜ்ய நிதியி லிருந்து ஆயிரம் ரூபாய் வழங்கப் பட்டது. ரங்கூன் தமிழ் அன்பர்கள் கொஞ்சம் நிதி அனுப்பினர்.

பாரதியின் மனைவி செல்லம் மாளும், மைத்துனர் அப்பாத்துரை யும் திருவல்லிக்கேணி பெரிய தெருவில் ‘பாரதி ஆசிரமம்’ என்ற அமைப்பை ஏற்படுத்தி பாரதி நூல்களை வெளியிட்டனர்.

பாரதியின் ‘ தேசிய கீதங்கள்’ இரு பாகங்கள் ‘ குயில்’ ‘கண்ணன் பாட்டு’ ‘பாரதி அறுபத்தாறு’ மூன் றும் அடங்கிய நூலும் வெளியா யின. நூல்களின் விற்பனை அவ்வ ளவாக இல்லை. அதன் பின் வர இருந்த நூல்கள் வரவில்லை.

பாரதி இருந்த காலத்தில் அவ ருக்குப் பொருளுதவி செய்தவர்; பாரதியை கானாடுகாத்தானுக்கு அழைத்துச் சென்று உபசரித்து அங்கேயே குடும்ப சகிதம் நிரந்தர மாய் வசிக்கும்படி வேண்டிக் கொண்டவர் வை.சு. சண்முகம். பாரதி மறைவிற்குப்பின், அவரது குடும்பத்தின் சிரமத்தைப் போக் கும் வகையில், பாரதி நூல்களின் உரிமைக்கு ரூ. 10,000 கொடுத்திட வும், அதனை முறைப்படி பிரசுரித் திடவும் முயன்றார். இதற்கு செல் லம்மாள் பாரதி சம்மதித்தார். ஆனால் அவரது தமையனார் ஆர் வம் காட்டாததால் அந்த ஏற்பாடு நடைபெறவில்லை.

1923 ஆம் ஆண்டுக்குள் ‘பாரதி ஆசிரம்’ நூல் பதிப்பு வேலை நின்றே போயிற்று. நூல்களின் விற்பனையும் நடைபெறவில்லை.

விற்பனையாகாமல் முடங்கிக் கிடந்த பாரதி நூல்களின் பிரதி களை, பாரதியின் ‘ இந்தியா’ பத்தி ரிகையில் பணியாற்றிய வி. ஹரி ஹர சர்மாவிடம் ஒப்படைத்தனர். அவர் அந்த நூல்களை விற்று பாரதி யின் குடும்பத்திற்கு மாதம் ஒரு தொகை தருவதற்கு ஏற்பாடு ஆயிற்று.

பாரதி நூல்களின் உரிமைகளை விற்பது பற்றி பேச்சு திரும்பவும் எழுந் தது. இப்போது ரூ. 3500க்கு மேல் தர யாரும் முன்வரவில்லை. அதையும் தவணை முறையில் தருவதாகவே சொன்னார்கள்.

ஹரிஹரசர்மாவும், பாரதியார் தம்பி சி. விசுவநாதனும் பாரதியின் இளைய புதல்வி சகுந்தலாவின் திரு மணத்திற்காக பாரதி நூல்களை வைத்து ரூ.2000 கடனாகப் பெற்றார்கள்.

பாரதி அன்பர் பூ. சுப்புராஜா 1924 - ல் 2000 ரூபாய் நன்கொடை அளித்தார். திருமணம் நடந்தேறி யது.

ஹரிஹரசர்மா, சி.விசுவநாதன், சகுந்தலாவின் கணவர் நடராசன் மூவரும் சேர்ந்து ‘ பாரதி பிரசுரால யம்’ அமைத்தனர். பாரதி நூல்க ளின் உரிமை பாரதி குடும்பத்தாரி டமே இருக்க, பாரதி நூல்களை வெளியிடும் பணியை பாரதி பிரசு ராலயம் மேற்கொண்டது.

திருவல்லிக்கேணி பாரதி ஆசிரமம் வெளியிட்டுள்ள பாரதி ‘தேசிய கீதங்கள்’ இரண்டு பாகங் களும் பர்மா மாகாணத்தில் நுழையக் கூடாதென்று 1928 ஆகஸ்ட் 7ல் பர்மா கவர்னர், தடைபிறப்பித்தார். இந்தியாவில் ஒரு மாகாணமாக இருந்த பர்மா அரசாங்க உத்தரவு சென்னை அரசாங்க கெஜெட்டில் வெளியாயிற்று. திருவல்லிக்கேணி தலையாரி தெருவிலிருந்து பாரதி ஆசிரமமும், பாரதி நூல்களை விற்று வந்த ஓ.என். தண்டபாணி கம்பெனியும் சோதனைக்குள்ளா யிற்று. பாரதியாரின் நூல்களும் பறிமுதல் செய்யப்பட்டன. இது குறித்து சட்டசபையில் 1928 அக்டோபர் 9ல் ஒத்தி வைப்பு பிரேரணை (தீர்மானம்) கொண்டு வரப்பட்டது.

பாரதி குடும்பத்தார் பாரதி நூல்களின் உரிமைகளை 4000 ரூபாய்க்கு பாரதி பிரசுராலயத்திற்கு 1931ல் விற்றனர்.ஏற்கெனவே பாரதி யின் இளையமகள் சகுந்தலாவின் திருமணச் செலவுக்காக வாங்கிய கடன்களைத் தீர்க்கவும், மீதித் தொகையைத் தவணைகளில் செல் லம்மாளிடம் தரவும் ஒப்பந்தமா யிற்று.

பாரதி பாடல்களை ஒலிப்பதிவு செய்யும் உரிமை ஸரஸ்வதி ஸ்டோர் வெளியிட்டு வந்த ‘பிராட்காஸ்ட்’ ரிக்கார்டுகளுக்காக 400 ரூபாய்க்கு, ஏ.வி. மெய்யப்ப செட்டியாரால் வாங்கப் பெற்றது.

பாரதி நூல்களின் விற்பனை யினால், செல்லம்மாள் பாரதிக்கு தக்க லாபம் எதுவும் கிடைக்க வில்லை என்றும், செல்லம்மாள் வறுமையில் வாடுவதாயும், பாரதி பிரசுராலயம் குறித்த தவணைகளில் பணம் அனுப்பவில்லை என்றும், விவரம் தெரியாமல் நூல்களின் உரிமைகளைக் கொடுத்துவிட்ட தாயும், நூல்களின் விற்பனையால் கிடைக்கும் லாபத்தில் தனக்கு பங்கு வேண்டும் என்றும் செல்லம் மாள் பாரதி கோரிக்கை வைத்தார்.

கவிச் சக்கரவர்த்தி ‘சுப்பிர மணிய பாரதி சரித்திரம்’ எனும் நூலை எழுதியவரான (புத்தக வடிவில் வெளிவந்த முதல் பாரதி சரித்திரம் இதுவாகும்) ஆக்கூர் அனந்தாச்சாரி போன்றவர்கள் செல்லம்மாவிற்காக ஆதரவுக் குரல் கொடுத்தனர்.

பாரதியின் மகள் சகுந்தலாவின் கணவர் நடராசன் பாரதிபிரசுரால யத்திலிருந்து விலகிக் கொண்டார்.

ஹரிஹரசர்மாவும் 1941 ல் விலகிக் கொண்டார். பாரதி பிரசு ராலயம் பாரதி தம்பி விசுவநாத னின் தனிப்பொறுப்புக்கு வந்தது.

பாரதி நூல்களை அரசுடைமை யாக்க வேண்டுமென்ற கோரிக்கை நாளுக்கு நாள் வலுத்தது. சென்னை மாகாண முதன்மந்திரி ஓமந்நூர் பி. ராமசாமி ரெட்டியார் நடவடிக்கை எடுத்தார். 1949 ஆம் ஆண்டில் பாரதி பிரசுராலயத்திடமிருந்த பதிப்புரிமையை சி. விசுவநாதனிட மிருந்து அரசாங்கம் விலைக்கு வாங்கியது. பாரதியின் மனைவி செல்லம்மாளுக்கு 10,000 ரூபாயும், பாரதியின் புதல்வியார் தங்கம் மாள், சகுந்தலா இருவருக்கும் தலா 5000 ரூபாயும் வழங்கப்பட்டது.

பாரதி பாடல்களின் ஒலிப்பதிவு உரிமையை ஏ.வி. மெய்யப்ப செட்டி யார் இலவசமாகவே வழங்கினார். பாரதியார் பாடல்கள் நாட்டு டைமை ஆயிற்று.

தமிழன் என்று சொல்லடா - தலை நிமிர்ந்து நில்லடா

2012-01-20T16:25:00.000-08:00

ஒரு மொழியைச் செம்மொழியாக ஏற்றுக்கொள்ள வேண்டுமெனில் அதற்கு பதினொரு (11) தகுதிப்பாடுகள் இருக்க வேண்டும் என்று மொழியியல் வல்லுநர்கள் வரையறை செய்துள்ளனர். இந்தப் 11 தகுதிப்பாடுகளையும் உருவாக்கியவர்கள் மேலை நாட்டு மொழி அறிஞர்கள் என்பது குறிப்பிடத்தக்கது.

உலகில் பழம்பெரும் மொழிகளாக அடையாளம் காணப்பட்டுள்ள எந்த ஒரு மொழிக்கும் செம்மொழிக்குரிய 11 தகுதிகளும் முழுமையாக இல்லை. சமற்கிருதத்திற்கு 7 தகுதிகளும், இலத்தின், கிரேக்க மொழிகளுக்கு 8 தகுதிகளும் மட்டுமே உள்ளன என்பது அறிஞர்கள் கூற்று.

ஆனால், என்ன ஒரு வியப்பு என்றால், நம் அன்னைத் தமிழுக்கு மட்டுமே செம்மொழித் தகுதிப்பாடுகள் பதினொன்றும் முழுமையாக உள்ளது. மேல்நாட்டு வல்லுநர்கள் வகுத்த மொழித் தகுதிப்பாட்டுக்கு நம்முடைய தமிழ்மொழி முற்றும் முழுவதுமாக ஒத்துப் போவது மிகப்பெரிய வரலாற்று உண்மையாகும்.

இனி, தமிழ்ச் செம்மொழிக்கு இருக்கின்ற அந்தப் 11 தகுதிகளைக் காண்போம்
1.தொன்மை (Antiquity)
2.தனித்தன்மை (Individuality)
3.பொதுமைப் பண்பு (Common Characters)
4.நடுவு நிலைமை (Neutrality)
5.தாய்மைத் தன்மை (Parental Kinship)
6.பண்பாடு, கலை, பட்டறிவு வெளிப்பாடு (Finding expression in the culture art and life experiences of the civilized society)
7.பிறமொழிக் கலப்பில்லாத் தனித்தன்மை (Ability to function independently without any impact or influence of any other language and literature)
8.இலக்கிய வளம் (Literary prowess)
9.உயர்சிந்தனை (Noble ideas and ideals)
10.கலை, இலக்கியத் தனித்தன்மை வெளிப்பாடு (Originality in artistic and literary expressions)
11.மொழிக் கோட்பாடு (Linguitik principles)

இப்படி 11 தகுதிகளும் முழுமையாக பெற்றுள்ள தமிழ் மொழியைத் தாய்மொழியாகப் பெற்றதற்காக ஒவ்வொரு தமிழரும் பெருமையும் பீடும் கொள்ள வேண்டும். மொழியின் பெருமையை, வரலாற்றை, பாரம்பரியத்தை அறிந்து உணர்ந்துகொண்டால் தமிழர்கள் உலக இனங்களுக்கு இணையாக நிமிர்ந்து நிற்க முடியும் என்பது திண்ணம்.

தனித்த விழுமியங்களோடு உலகில் உய்வதற்கும் வாழ்வில் உயர்வதற்கும் தமிழர்களுக்குப் பெரும் தன்னம்பிக்கையத் தரவல்லது தமிழ்மொழி ஒன்றே. தமிழை முன்னெடுத்தால் ஒழிய தமிழர் வாழ்வு வளம் பெறாது. தமிழே தமிழரின் முகவரி என்பதை ஒவ்வொரு தமிழரும் உணர்ந்து தெளிய வேண்டும்.
நன்றி : சுப.நற்குணன்

குடிசை சகோதரி - அன்னை தெரேசா

2012-01-20T15:41:00.000-08:00

அன்னை தெரேசா தனது சேவையில் பல அவமானங்கள சந்தித்து இருக்கிறார். இவற்றையெல்லாம் கடந்தே இவர் பல சேவைகளை செய்துள்ளார் , இவரது வாழ்க்கையில இடம்பெற்ற நிகழ்வுகளில் சில.

அதிகாலையிலேயே எழுந்து குளித்து விட்டு, தெரு தெருவாகப் போய் யாசகம் கேட்டு தனது சேவை மையங்களுக்கு நிதி திரட்டுவது வழக்கம். ஒரு நாள், ஒரு கடைக்கு முன் சென்று நின்று யாசகம் கேட்டுக் கொண்டு இருந்தார். அந்தக் கடைக்காரர் வெற்றிலை பாக்கு போட்டுக் கொண்டு பார்த்தும் பார்க்காதது போல் இருந்தார். கடைக்காரரிடம் இருந்து எதையாவது வாங்கிட வேண்டும் என்று உறுதியுடன் தொடர்ந்து கேட்டுக் கொண்டே இருந்தார். கடைக்காரர் தெரசாவை கோபமாக பார்த்து விட்டு ‘”தெரசா நீட்டிய கையில் எச்சிலைத் துப்பினார்”. அப்போது சற்றும் மனம் தளராமல் “மிக்க நன்றி!!! நீங்கள் கொடுத்தது எனக்கு, என் விடுதியில் இருக்கும் அனாதை குழந்தைகளுக்கு ஏதாவது கொடுங்கள் என்று கேட்டார்” அந்தக் கடைக்காரர் “இப்படி ஒரு சகிப்புத்தன்மை உடைய பெண்ணை இப்பொழுதுதான் முதன் முறையாக பார்க்கிறேன்” என்று கூறி விட்டு நொடிப் பொழுதில் கல்லாப்பெட்டியில் இருந்த மொத்த பணத்தையும் எடுத்து அன்னை தெரசா நீட்டிய இரு கைகளிலும் வைத்து விட்டார். இறுதி வெற்றி தெரசாவுக்குத்தான். இப்படி தெரசாவின் ஒவ்வொரு வெற்றியின் பின்னணியிலும் பல்வேறு அவமானங்கள் இருந்தன.

ஒரு முறை போப்பாண்டவர் இந்தியா சுற்றுப்பயணம் மேற்கொண்டபோது, தனது சுற்றுப்பயணத்திற்காக பயன்படுத்திய விலையுயர்ந்த காரை அன்னை தெரசாவுக்கு அன்பளிப்பாக கொடுத்தார். சொகுசு காரில் பயணம் செய்வதற்கு சிறிதளவும் விருப்பமில்லை ஆனாலும் அதனை மறுக்கவும் விருப்பமில்லை. எனவே புன்னகையோடு ஏற்றுக்கொண்டார். அடுத்த நிமிடமே அந்தக் காரை ஏலம் விடுமாறு கோரிக்கை விடுத்தார். அந்தப் பணத்தை அறகட்டளை நிதியில் சேர்த்துக் கொண்டார். இது பலரையும் ஆச்சரியத்தில் மூழ்கடித்த சம்பவம். இது போன்று தாம் பெறும் அனைத்து பரிசுகளையும் ஏலமிட்டு அந்தப் பணத்தை அறக்கட்டளை நிதியில் சேர்த்தார்.

தனது முழுநேரமும் ஏழைகளுக்காகவும், ஏழைக் குழந்தைகளின் கல்விக்காகவும், குடிசை வாசிகளின் மருத்துவம் மற்றும் சுகாதாரத்துக்காவும் செலவழித்தார். இதனால் அனைவரும் அன்னை தெரசாவை ‘குடிசை சகோதரி’ என்று அழைக்க ஆரம்பித்தனர்.

தாம் வாழ்ந்த போது அவரிடமிருந்த சொத்தெல்லாம் மூன்று வெள்ளைச் சேலைகளும் ஒரு சிலுவையும் ஒரு ஜெபமாலையும்தான். ஆனால் விலைமதிப்பற்ற அன்பை மட்டும் அவர் அமுத சுரபியாக அள்ளியள்ளி வழங்கினார். அதனால்தான் ஒரு கவிஞர் அவரை சாக்கடையோரச் சந்ததிக்கும் சாமரம் வீசிய பூமரம் என்று வருணித்தார். அன்பிற்கு அன்னை தெரேசா என்ற புதிய இலக்கணத்தை இன்று இவ்வுலகம் கற்றுக் கொண்டிருக்கிறது

"வணங்கும் உதடுகளை விட உதவும் கரங்களே சிறந்தவை"

கொங்குத் தமிழ் என்பது..

2012-01-20T15:21:00.000-08:00

கொங்குத் தமிழ் என்பது கொங்கு நாட்டு மக்கள் பேசும் தமிழ் மொழி ஆகும். கொங்கு என்ற சொல்லுக்குத் தேன், பூந்தாது என்று பொருள். ஆயினும் அதற்கும் இந்த நாட்டின் பெயருக்கும் தொடர்பிருப்பதாக இன்னும் மொழியியல்படிச் சான்றுகள் இல்லை.

தமிழின் சிறப்பு ‘ழ’ என்பது போல் கொங்குத் தமிழின் சிறப்பு ‘ற’ மற்றும் ‘ங்’ என்பனவாகும். என்னுடைய, உன்னுடைய என்பதை என்ற, உன்ற என்றும், என்னடா என்பதை என்றா என்பார்கள். சாப்பிட்டுவிட்டு, குளித்துவிட்டு என்பனவற்றை சாப்டுபோட்டு, “தண்ணிவார்த்துகுட்டு”, ‘தண்ணிஊத்திக்கிட்டு’ என்று கூறுவார்கள்.

மரியாதை கொடுத்துப் பேசும் தமிழ் கொங்குத் தமிழ். ஏனுங்கோ, சொல்லுங்கோ, வாங்கோ, போங்கோ என்று எதிலும் ‘ங்கோ’ போட்டு மரியாதையாகப் பேசுவார்கள். பெரியவர்களிடம் பேசும் போது ‘ங்கோ’ என்பதற்கு பதில் ‘ங்’ போட்டும் பேசுவார்கள். சொல்லுங், வாங், போங், சரிங், இல்லீங் என்று ‘கோ’ வை சொல்லாமல் முழுங்கி விடுவார்கள்.

கொங்குப் பகுதியில் புழங்கும் சில சொற்கள் (அகரவரிசையில்)

* அக்கட்ட, அக்கட்டு. அக்கட்டாலே – அந்த இடம், அந்த இடத்திலே. “நீ அக்கட்டாலே போய் உட்காரு”
* அங்கராக்கு – சட்டை
* அட்டாரி, அட்டாலி – பரண்
* அப்பச்சி , அப்புச்சி- தாய்வழித் தாத்தா
* அப்பு - அறை. (அவள ஓங்கி ஒரு அப்பு அப்புடா, செவுனி திலும்பரப்பல)
* அம்மாயி - அம்மாவின் அம்மா
* அப்பத்தாள் - அப்பாவின் அம்மா
* ஆம்பாடு - காலும் இடுப்பும் சேரும் மடிப்பான இடம் (ஆம்பாட்டிலே தேய்த்துக் குளி)
* இக்கட்டு - இந்த இடம்
* இட்டாரி (இட்டேறி) - தடம் (வயல்களினிடையே செல்லும் வரப்புப்பாதை, வண்டிப்பாதை)
* இண்டம் பிடித்தவன் - கஞ்சன்
* உண்டி – (sample) = உண்ணும் பதம்? - தர்பூசணியில் உண்டிபோட்டுக்கொடு; எப்படி இருக்கிறதென்று பார்க்கலாம்
* ஊக்காலி (?ஊர்க்காலி)- பெரியவர்கள் சொல் மதியாமல் தான்தோன்றித்தனமாக சுற்றுபவர்களை ஊக்காலி என்பர். ( ரவுடி )
* எச்சு - அதிகம்.
* எகத்தாளம் - நக்கல், பரிகாசம்
* ஏகமாக - மிகுதியாக
* ஒட்டுக்கா - ஒரேயடியாக, இணைந்து (இரண்டு பேரும் ஒட்டுக்காகப் போயிட்டு வாருங்கள் – இருவரும் இணைந்து சென்று வாருங்கள்)
* ஒடக்கான் - ஓணான்
* ஒப்பிட்டு - போளி
* ஒளப்பிரி - உளறு “இவன் என்ன இப்படி ஒளப்பிரிக்கிறான்”
* ஒறம்பற - உறவினர் (உறவின்மு்றை) – விருந்தினர்
* ஓரியாட்டம் – சண்டை: அவிய பங்காளிகளுக்குள்ள எப்பவுமே ஓரியாட்டம்தான்.
* கட்டுத்தரை - மாட்டுத் தொழுவம்
* கட்டிச்சோற்று விருந்து - கட்டிச்சாத விருந்து , வளைகாப்பு
* கரடு - சிறு குன்று
* கண்ணாலம் - கல்யாணம் \ திருமணம்
* கூம்பு - கார்த்திகை தீபம் ( கூம்பு அவிகிறதுக்குள்ளே அந்தக் காரியத்தைப் பண்ணிடு )
* குரல்வளை \ தொண்டை
* கோடு - கடைசி ( கோட்டுக்கடை – கடைசிக்கடை, அந்த கோட்டில பாரு – அந்த கடைசில பாரு)
* சாடை பேசுறான் - மறைமுகமாக தாக்கிப் பேசுகிறான்
* சிலுவாடு - சிறு சேமிப்பு
* சீரழி - நிலைகுலைதல் (அங்கிங்கே அலைந்து சீரழியவேண்டாம்)
* சீராட்டு - கோபம். (கட்டிக் கொடுத்து மூணுமாசம் கூட ஆகலை. அதுக்குள்ளே பிள்ளை சீராடிட்டு வந்துவிட்டது)
* சுல்லான் (சுள்ளான்?) - கொசு
* செம்புலிகுட்டி - செம்மறியாட்டுக்குட்டி
* சோங்கு - சோலைபோலும் மரஞ்செடித்தொகுதி
* தாரை - பாதை
* தொண்டுப்பட்டி - மாடு/ஆடு அடைக்கும் இடம், தொழுவம் – ஆட்டைத் தொண்டுப்பட்டியிலே அடை
* துழாவு - தேடு
* நலுங்கு - உடல் நலம் குன்றிய ( குழந்தைகள் உடல் நலம் குன்றி இருந்தால் மட்டுமே நலுங்கு என்ற சொல்லை புழங்குவார்கள், பெரியவர்களுக்கு இச்சொல்லை பயன் படுத்த மாட்டார்கள் – அவங்க குழந்தை நலுங்கிகிச்சாம் )
* நாயம் - பேச்சு ( அவன் பேச்சு யாருக்கு வேணும் – அவன் நாயம் யாருக்கு வேணும், அங்க என்னடா பேச்சு – அங்க என்னடா நாயம் )
* நோக்காடு - நோய், வலி: அவனுக்கென்ன நோக்காடோ தெரியலை. இன்றைக்கு வரக் காணோம்.
* நோம்பி - (நோன்பு) திருவிழா
* பவுதியாயி நோம்பி - பகவதி அம்மன் திருவிழா
* படு - குளம்போன்ற ஆழமில்லாத நீர்நிலை
* பழமை - பேச்சு ( அங்க என்ன பேச்சு – அங்க என்ன பழமை )
* பாலி - குளத்தை விடச் சிறிய நீர்நிலை.
* பிரி - பெருகு, கொழு (“பெண்கள் மாசமாக இருக்கும்பொழுது வயிறு பிரியும்”)
* புண்ணியாசனை - (< வடமொழி: புண்யாகவசனம்) புதுமனை புகுவிழா
* பெருக்கான் - பெருச்சாளி
* பொக்கென்று - வருத்தமாக (மிட்டாய் தரேனென்று சொல்லிட்டுத் தராமல் இருந்தால் குழந்தை பொக்கென்று போயிடும்)
* பொட்டாட்ட - அமைதியாக இருத்தல்
* பொடக்காலி - புழக்கடை
* பொடனி, பொடனை – (புடனி, பிடனி, பிடரி) பின்கழுத்து
* பொறந்தவன் - உடன் பிறந்த சகோதரர்
* பொறந்தவள் - உடன் பிறந்த சகோதரரி
* மச்சாண்டார் - கணவனின் அண்ணன்
* மழைக்காயிதம் - பாலிதீன் காகிதம்
* மலங்காடு - மலைக்காடு
* முக்கு - முனை, மூலை, வளைவு
* வெகு - அதிக
* வெள்ளாமை - வேளாண்மை \ விவசாயம்

நன்றி -முகமது அலி முகமது முகைதீன்

சிவகாமியின் சபதம் - என் பார்வையில்

2012-01-20T15:03:00.000-08:00

நான் நவம்பர் மாதம் சென்னைக்கு சென்றிருந்தேன். மூன்று வார காலம் அங்கு தங்கியிருந்தேன். அங்கு இருந்து திரும்பும் போது முக்கியமாக செய்ய வேண்டிய வேலைகளில் மிக முக்கியமானதாய் ஒன்று இருந்தது. தமிழ் நாவல்கள் நிறைய வாங்கி வர வேண்டும். நண்பர் ஒருவரிடம் கேட்டேன். அவர் சில நாவல்களை எனக்கு பரிந்துரை செய்தார். அவைகளை நான் வாங்கிக் கொண்டு கிளம்பி வந்தேன்.

சிவகாமியின் சபதத்தை முதலில் படிக்க வேண்டும் என்று என் மனம் சொல்லியதால், அதன்படி செய்தேன். சின்ன சின்ன புத்தகங்கள் நிறைய படித்திருக்கிறேன். ஆனால், இவ்வளவு பெரிய புத்தகம்(1054 பக்கங்கள்) இதுவரை படித்ததில்லை. என் கவனம் சிதையாமல், முழு புத்தகத்தையும் விரைவாக படிக்க வேண்டும் என்று கடவுளை வேண்டிக் கொண்டு தொடங்கினேன். தினமும்(திங்கள் முதல் வெள்ளி) காலை 1 மணி நேரம், மாலை 1 மணி நேரம் பேருந்தில் பயணம் செய்வேன். அந்த நேரத்தில் நான் தூங்குவது வழக்கம்.

ஆனால் சிவகாமியின் சபதம் தொடங்கியதில் இருந்து அந்த நேரத்தில் நான் தூங்குவது இல்லை. நான் ஞாயிற்றுகிழமை இரவுகளில் வழக்கம் போல் சொல்லும் “அய்யோ. திங்கள் வந்து விட்டதே. ஆபிஸ் போகனுமே” என்று புலம்பாமல், “திங்கள் வந்து விட்டது. சிவகாமியின் சபதம் படிக்கலாமே” என்று ஆர்வமுடன் சொல்லினேன். எனக்கு திங்கள் கிழமை மேல் ஆர்வம் உண்டானது. அதே போல் அலுவலகத்தில் இருந்து மாலை கிளம்பும் போதும், இதை போலவே உணர்ந்தேன். இதன் காரணமாக சினிமா மீது எனக்கு இருந்த மோகம் காணாமல் போய்விட்டது. தேவையில்லாத சிந்தனைகளும் காணாமல் போய்விட்டது.

சரியாக மூன்று வாரத்தில் இந்த புத்தகத்தைப் படித்து முடித்தேன். சரி கதையை பற்றி நான் சொன்னால், நீங்கள் படிக்கும் போது உங்கள் சுவாராசியத்தை குறைத்து விடும். அதனால் உங்களுக்கு பாதிப்பு ஏற்படாத வகையில் எனது சில கருத்துகளை நான் பகிர்ந்து கொள்கிறேன்.

இந்த புத்தகத்தின் வாயிலாக, பல்லவ வம்சத்து மகேந்திர பல்லவர் பற்றியும், அவர் சிற்பகலை,சித்திரகலை, தமிழ்மொழி மேல் வைத்திருந்த காதலை பற்றியும், அவரது மகன் மாமல்லர் பற்றியும், அவரது வீரத்தை பற்றியும், அவரின் சேனாதிபதி பரஞ்சோதியைப் பற்றியும், அப்பர் பெருமானைப் பற்றியும், பண்டைய கால மாமல்லபுரத்து சிற்பங்கள், காஞ்சிபுரம் பற்றியும் நாம் நிறைய தெரிந்து கொள்ளலாம். மேலும் வடக்கில் மன்னராக இருந்த புலிகேசியைப் பற்றியும் அங்கே பிரசித்தி பெற்ற அஜந்தா ஓவியங்கள் பற்றியும் தெரிந்து கொள்ளலாம்.

இந்த புத்தகத்தை படித்த பிறகு, சரித்தர கதையை இவ்வளவு சுவாரசியமாக சொல்ல முடியுமா என்று ஆச்சரியம் ஏற்பட்டது. கல்கி அவர்களைப் புகழ வார்த்தையில்லை. மகேந்திர பல்லவர், மாமல்லர், சிவகாமி, நாகதந்தி பிஷு, ஆயனர், கண்ணபிரான், சத்ருகணன், குண்டோதரன் ஆகிய கதாபாத்திரங்கள் இந்த சரித்திர நாவலுக்கு மிக பெரிய பலத்தைச் சேர்க்கிறார்கள். கதை முடிந்த பிறகும், உங்கள் மனதில் சில காலம் அவர்கள் நிச்சயம் தங்கி இருப்பார்கள்.

பண்டைய தமிழகத்தின் பண்பாடு, கலை உணர்வு, வீரம், கொடை குணம் ஆகியவற்றை தெரிந்து கொண்டதில் மிகுந்த பெருமிதம் அடைகிறேன். மெய் சிலிர்க்கிறது என்றே கூற வேண்டும். மேலும் பல சரித்திர நாவல்கள் படிக்க வேண்டும் என்று பேராவலை எனக்குள் ஊட்டியது.

அடுத்த பயணம்: பொன்னியின் செல்வன் - திங்கள்கிழமை தொடக்கம்.

இருட்டுக்குள் மாபெரும் தேடல்!!

2012-01-18T12:20:00.000-08:00

ஒரே கும் இருட்டு. பார்வையை எங்கே செலுத்த வேண்டும் என்பதில் குழப்பம். அங்கு சரியாக இருக்குமோ, இங்கு சரியாக இருக்குமோ என்று யோசித்து யோசித்து தலைவலி ஆரம்பித்து கொண்டிருக்கிறது. இந்த போராட்டம் ஒரு பக்கம் இருக்க, நிறைய சிந்தனைகள் மனதில் வருகிறது, "அலுவலகத்தில் அடுத்த நாள் செய்ய போகும் வேலைகள், நாளைக்காவது சீக்கிரம் அலுவலகத்திற்கு போகனும்"

"அச்சோ, ஏய் தேவையற்ற சிந்தனைகளே விலகி போங்கள். என்னை கவனம் செலுத்த விடுங்கள். விலகுங்கள், விலகுங்கள்", என்று மறுபடியும் இருட்டினில் எங்கே பார்வையை செலுத்த வேண்டும் என்ற தேடல் தொடங்கியது. இது சரியாக இருக்கும். இருட்டோ இருட்டு. கும் இருட்டு. அதன் உள்ளே பயணம் செய்து போய்க் கொண்டே இருக்க வேண்டும், மனதில் பேரமைதி நிலவ வேண்டும் என்று ஒரு பக்கம் லேசாக சிந்தனையுடன், அந்த இருட்டில் மனதை செலுத்தினேன். எனக்கு அது பிடித்திருந்தது. ஆனால், வெகு நேரம் அந்த அமைதியான இருட்டில் சிந்தனையை வைக்க இயலவில்லை. காரணம்? லேசாக ஓரத்தில் இருந்த சிந்தனை தலைதூக்கி காரியத்தையே கெடுத்து விட்டது. "ஏய் மனமே!! நான் சொல்வதை நீ கேட்கவே மாட்டாயா" என்று நொந்து கொண்டேன்.

ஏதாவது சிந்தனைகள் என்னை அறியாமல் எட்டி பார்த்து, என் கவனத்தை சிதைக்கிறது. போராட்டம், மாபெரும் போராட்டம். கோபத்தில் ஒரு வித வேகத்துடன் கத்தி எடுத்துக் கொண்டு போருக்கு கூட போய் விடலாம் போல் இருக்கிறது. ஆனால், தியானம் செய்ய பழகிக் கொள்ளும் காலங்களில் இருக்கும் கஷ்டம் எல்லாவற்றையும் விட கடினமாகவே இருக்கிறது. ஏனெனில், ஒரு வித வேகத்தினாலோ, கோபத்தினாலோ அல்லது மற்ற உணர்ச்சிகளினாலோ நமக்கு தியானம் செய்வதில் பலம் கிடைப்பதில்லை. இருந்தாலும் விடப்போவதில்லை. என்னுடைய தேடலுக்கு பதில் கிடைக்க நான் நீண்ட நேரம் என்னை மறந்து தியானம் செய்ய வேண்டும். இன்ப துன்ப உணர்வில் இருந்து மீண்டு வர வேண்டும். எல்லா நாளும், ஒவ்வொரு நொடியும் அமைதியுடன் பேரானந்தமாக இருக்க வேண்டும். இதற்கு ஒரே வழி, தியானத்தில் வெற்றி பெற வேண்டும். இறைவனை உணர வேண்டும். ஆன்மா தான் இறைவன் என்பதை உணர வேண்டும். உலக ரகசியத்தை உணர வேண்டும்.

இது என்னுடைய தேடல் மட்டும் இல்லை. இது உங்களுடைய தேடலாகவும் இருக்க வேண்டும். இன்ப துன்ப வேதனையில் இருந்து விடுபடுவோம். இது மிகப் பெரிய பயணம். எனினும் நிச்சயமாக கடவுள் துணையால் நாம் வெற்றி பெறலாம் என்ற நம்பிக்கை இருக்கிறது.

ஏனெனில், நம்பிக்கை தானே வாழ்க்கை!!

இந்த தருணத்தில் எனக்கு சிவகாமியின் சபதம் புத்தகத்தில் இருந்து சில வரிகள் நினைவிற்கு வருகிறது.

பெற்ற மகளை(சிவகாமி) பிரிந்து தவிக்கும் ஆயனரிடம் திருநாவுக்கரசர்(அப்பர் பெருமான்) இதை சொல்கிறார்.
“சிற்பியாரே! அடியேன் கண்ட உண்மையை உமக்குச் சொல்கிறேன்.
நாம் துன்பம் என்று நினைப்பது துன்பம் அல்ல!
இன்பம் என்று கருதுவது உண்மையில் இன்பம் அல்ல!
இன்ப துன்ப உணர்ச்சியானது உலக பாசத்தினால் ஏற்படுகிறது.
இந்தப் பாசத்தைத் தான் பெரியோர் மாயை என்கிறார்கள்.
மாயை நம்மைவிட்டு அகலும் போது இன்பமும் இல்லை, துன்பமும் இல்லை என்பதை அறிவோம்.அந்த இறைவனுடைய திருவருளாகிய பேரின்பம் ஒன்றுதான் மிஞ்சி நிற்கக் காண்போம்”

நாசர் பொங்கல் வாழ்த்து சொல்ல மறுக்கிறார் - ஏன்?

2012-01-17T10:47:00.000-08:00

நாசரிடம் மக்களுக்கு பொங்கல் வாழ்த்து சொல்ல கேட்கிறார் ஒரு நிருபர். ஆனால் நாசர் கடும் கோபத்துடன் வாழ்த்து சொல்ல மறுத்து விட்டார். ஏன் அவர் மறுத்தார்? நம்முடைய சிந்தனையை தூண்டும் காணொளி. தமிழகத்தின் இன்றைய உண்மையான நிலையை நமக்கு அவர் உணர்த்துகிறார். அனைவரும் கண்டிப்பாக இதைப் பார்க்க வேண்டும். முழு காணொளியையும் தயவு செய்து பாருங்கள்.

இங்கு காணலாம்

நீங்கள் அஜீத், விஜய், சூர்யாவின் வெறியர்களா?

2012-01-16T11:17:00.000-08:00

நீங்கள் அஜீத், விஜய், சூர்யா அல்லது மற்ற நடிகர்களின் வெறியர்களாக? இந்த காணொளியைக் காணுங்கள். வயிறு வலிக்கும் அளவுக்கு நம்மை சிரிக்க வைப்பார் இந்த திறமையான மிமிக்ரி கலைஞர். சிரிக்க மட்டும் வைக்க மாட்டார். சிந்திக்கவும் வைப்பார். இவர் பல சமுதாய பிரச்சனைகளுக்கு தன் மிமிக்ரி மூலம் நல்ல கருத்துகளைப் பரப்பிக் கொண்டிருக்கிறார். முல்லை பெறியாறு பிரச்சனை, கோடிஸ்வரன் மூலம் விஜய் டிவி செய்யும் பகல் கொள்ளை ஆகியவை இதில் அடங்கும். இந்த மனிதருக்கு எங்களின் மனமார்ந்த நன்றி!!

காணொளியில் ரஜினி அவர்களை நல்ல விதமாக சொல்லியிருக்கிறார். அதை ஒப்புக் கொள்ள முடியாது. “அரசியலுக்கு வருவேன், வரமாட்டேன்” என்று தைரியமாக சொல்ல முடியாமல் இருக்கும் இவரும் தலைவர் அல்ல. அன்னா அசாரே போராட்டத்துக்கு தன் கல்யாண மண்டபத்தை கொடுத்து தன் ஆதரவை வெளிப்படுத்திய ரஜினி அவர்கள், முல்லை பெறியாறு பிரச்சனையிலும், கூடங்குளம் பிரச்சனையிலும் மற்றும் பிற தமிழர்களின் பிரச்சனைகளுக்கும் வாயை திறக்காமல் மவுனமாக தானே இருக்கிறார்!!
இங்கு காணொளியைக் காணலாம்

மரணத்திற்கு பின் என்ன?

2012-01-15T13:10:00.000-08:00

விஞ்ஞானத்தில் நாளுக்கு நாள் எவ்வளவோ முன்னேற்றங்கள் நிகழுகிறது. ஆனால் ஒன்று மட்டும் விஞ்ஞானத்திற்கு அப்பாற்பட்டு நிற்கிறது. “மரணத்திற்கு பின் என்ன?” என்பது தான் அது. ஒரு மின்விசிறி, மின்சாரம் இல்லாமல் போனால் நின்று விடுகிறது. அது போல் உயிர் போனால், மனிதன் பிணமாகி எல்லாம் அங்கு முடிந்து போகிறது என்று யாராலும் உறுதியாக சொல்ல முடியாது.

இறந்த பின் என்னவோ நடக்கிறது என்பது பெரும்பாலானவர்களின் மனதிலும் இருக்கும் கருத்து. ஆனால் அதை நிருபிக்க முடியாது. ஆனால் ஒன்றை மட்டும் நாம் நினைவில் கொள்ள வேண்டும். இறந்த பின் நம்முடைய ஆத்மா(மனது) மட்டும் வாழுமானால், நாம் செய்த பழி பாவங்களை எண்ணி அது வருந்துமே. அந்த நிலை நமக்கு வரக்கூடாதே.

அப்படி என்றால் என்ன செய்ய வேண்டும். பிறருக்கு கெடுதல் நினைக்காமல் வாழ வேண்டும். ஒவ்வொரு நொடியையும் அனுபவித்து வாழ வேண்டும். வாழ்வில் எப்பொழுதும் திருப்தியுடன் இருக்க வேண்டும். அனைவரையும் சந்தோசப்படுத்த வேண்டும். அப்படி செய்தால், நாம் மரணத்திற்கும் பயப்பட தேவையில்லை.மரணத்திற்கு பின் இருக்கும் வாழ்வை நினைத்தும் அச்சப்பட தேவையில்லை. மரணத்திற்கு பின் இருக்கும் வாழ்க்கையைப் பற்றி தெரிந்து கொள்ளும் ஒரு ஆவலுடன், மகிழ்ச்சியுடன் மரணத்தைச் சந்திக்கலாம்.

நம் குழந்தைகளுக்கு தமிழில் பெயர் வைப்போம்!!

2012-01-15T11:22:00.000-08:00

ஏட்டில் பெயர் பட்டியலை பார்க்கும்போதும் இன்ன பெயரைக்கொண்டவர் இன்ன மொழிக் குடும்பத்தைச் சார்ந்தவர் என்பதையும் சொல்லிவிடலாம். ஆனால் தமிழரை மாத்திரம் பெயரை வைத்து (பிற மொழி தாங்கியவர்)தமிழர் என்று இனம் காணமுடியாமல் உள்ளது.மற்றும் நேரில் பார்த்தவுடன் இவர் தமிழர் என்று தெரிந்தும் பெயரைக கேட்டால் பிற மொழி இனத்தவர் பெயரை தாங்கி இருப்பார்.இந்த குறைப்பாடு பிறமொழி இனத்தவரிடமில்லை.தன்னை மறந்தும் தமிழ் பெயர்களை யாரும் தங்களுக்குள் சூட்டிக்கொள்வதில்லை.ஒவ்வொரு மொழிக்குடும்பத்தினரும் தம்மொழி உணர்வுடன் தம் நிலைப்பாட்டில் பிடிப்புடன் இருக்கும்வேளை தமிழர்கள் மட்டும் தமிழ் மொழி இனவுணரற்ற நிலையிலேயே உள்ளனர்.

தமிழ் பெயர்களை தங்கள் குழந்தைகளுக்கு வைக்க பெற்றோர்கள் வைக்கவில்லை. அதனால், தமிழர்களிடையே தமிழ் பெயர்கள் குறைந்து வருகிறது. இப்படியே சென்று கொண்டிருந்தால், தமிழ் பெயர் ஒன்றை கூட நாம் கேட்க முடியாமல் போய்விடும். இந்த நிலைமை மாற வேண்டும்.தமிழ் மீது பற்று கொள்வோம். தமிழ் மீது காதல் கொள்வோம். தமிழ் எங்கள் உயிர் என்று எண்ணுவோம். தமிழ் பெயர்களை மீட்டெடுப்போம். தமிழர் பண்பாட்டை நிலைநாட்டுவோம். நம் குழந்தைகளுக்கு நல்ல பொருள் நிறைந்த தமிழ் பெயர்களை சூட்டுவோம்.

இங்கு ஒரு சிறிய காணொளி இணைத்து இருக்கிறேன். அதை தயவு செய்து பாருங்கள்
காணொளியை இங்கு காணலாம்.

தூய தமிழில் பெயர்கள்

வள்ளலார் பாடல்கள் - கருவில் கலந்த

2012-01-15T09:58:00.000-08:00

பாடலை இங்கு கேளுங்கள்

கருவிற் கலந்த துணையேஎன் கனிவில் கலந்த அமுதேஎன்
கண்ணிற் கலந்த ஒளியேஎன் கருத்திற் கலந்த களிப்பேஎன்

உருவிற் கலந்த அழகேஎன் உயிரிற் கலந்த உறவேஎன்
உணர்விற் கலந்த சுகமேஎன் னுடைய ஒருமைப் பெருமானே

தெருவிற் கலந்து விளையாடுஞ் சிறியேன் தனக்கே மெய்ஞ்ஞான
சித்தி அளித்த பெருங்கருணைத் தேவே உலகத் திரளெல்லாம்

மருவிக் கலந்து வாழ்வதற்கு வாய்த்த தருணம் இதுஎன்றே
வாயே பறையாய் அறைகின்றேன் எந்தாய் கருணை வலத்தாலே

வள்ளலார் அருளிய திருஅருட்பா பாடல்கள் - ஒலி வடிவில்

2012-01-15T09:26:00.000-08:00

வள்ளலார் என்று அழைக்கப்படும் இராமலிங்க அடிகளார் (அக்டோபர் 5, 1823 - ஜனவரி 23, 1873)சிதம்பரத்தில் இருந்து 10மைல் தொலைவிலுள்ள மருதூரில் பிறந்தவர். பெற்றோர் இராமையாபிள்ளை, சின்னம்மையார்.இவரோடு சபாபதி, பரசுராமன், உண்ணாமுலை, சுந்தராம்பாள் ஆகிய நால்வரும் உடன்பிறந்தவர்கள்.இராமலிங்கர் பிறந்த எட்டாம் மாதத்திலேயே தந்தையை இழந்தார். தாயார் குழந்தைகளோடு பொன்னேரி சென்று வாழ்ந்தார். பின்னர் சென்னையில் ஏழுகிணறு பகுதி வீராசாமி பிள்ளை தெருவில் குடியேறினார்.

இவர் பாடிய ஆறாயிரம் பாடல்களின் திரட்டு திருவருட்பா என்று அழைக்கப்படுகிறது.இது ஆறு திருமுறைகளாக பகுக்கபட்டு உள்ளது.திருஅருட்பா முதலில் இராமலிங்கஅடிகளின் தலைமை சீடர் தொழுவூர் வேலாயுதனார் அவர்களால் நான்கு திருமுறைகள் வெளியிடப்பட்டது.பின்னர் ஐந்து மற்றும் ஆறாம் திருமுறைகள் வெளியிடப்பட்டது. இவரது உரைநடை, கடிதங்கள், யாவும் தொகுக்கப்பெற்றுத் தனி நூலாக முன்னாள் அறநிலையத்துறை ஆணையாலர் உயர்திரு பாலகிருஷ்ணன் அவர்கள் வெளியிட்டார்.பின்னர் ஊரன் அடிகளும் காலமுறை பதிப்பு வெளியிட்டுள்ளார். (நன்றி - விக்கிபிடியா)

வள்ளலார் அவர்களின் ஒரு பாடலை(ஒலி வடிவில்) இணைத்து இருக்கிறேன். படிப்படியாக நிறைய பாடல்கள் இங்கு இணைக்கப்படும். பக்தி பரவசத்தைத் தரும் இப்பாடல்களைக் கேட்டு இறை சக்தியை உணர்ந்து, ஆனந்தமாக வாழ்வோம்.

1) கருவில் கலந்த

இளைஞர்களே, இது மட்டும் தான் வாழ்க்கையா?

2012-01-15T03:08:00.000-08:00

இளைஞர்களே,
இது மட்டும் தான் வாழ்க்கையா?
1) அலுவலகம்/படிப்பு
2) காதல்
3) பேஸ்புக்
4) மது/புகை
5) சினிமா

தொல்காப்பியம், அகத்தியம் படிக்கவில்லை.
பகவத் கீதை படிக்கவில்லை.
அகநானூறு, புறநானூறு ஆகிய எட்டுத்தொகை நூல்களைப் படிக்கவில்லை.
திருக்குறள், குறிஞ்சிப்பாட்டு ஆகிய பதினெண்கிழ்க்கணக்கு நூல்களைப் படிக்கவில்லை
சிலப்பதிகாரம், மணிமேகலை ஆகிய ஜம்பெரும்காப்பியங்களைப் படிக்கவில்லை.
கல்கி போன்றோரின் வரலாற்று நாவல்களைப் படிக்கவில்லை.
வள்ளலார், இராமகிருஷ்ணர்,விவேகானந்தர் ஆகிய ஆன்மிக சிந்தானையார்களைப் பற்றி படிக்கவும் இல்லை.
நம்முள் இருக்கும் இறைவனை உணர முயற்சியும் செய்யவில்லை.
நம் வாழ்க்கையை வீணடித்து கொண்டிருக்கிறோம் என்பதை விரைவில் உணர்ந்து கொண்டு, வாழ்க்கையை ஒரு அர்த்தமுள்ள வாழ்க்கையாக்க முயற்சிக்க வேண்டும்.

அறத்துப்பால்/ The Worthiness of Virtue

2012-01-14T12:21:00.000-08:00

திருக்குறள் - ஒலி வடிவில்

2012-01-14T11:33:00.000-08:00

திருக்குறள் (Thirukkural) உலகப்புகழ் பெற்ற தமிழ் இலக்கியமாகும். இதனை இயற்றியவர் திருவள்ளுவர். இதில் 1330 குறள்கள் பத்து பத்தாக 133 அதிகாரங்களின் கீழ் தொகுக்கப் பெற்றுள்ளன. திருக்குறள் சங்க இலக்கிய வகைப்பாட்டில் பதினெண்கீழ்க்கணக்கு எனப்படும் பதினெட்டு நூல்களின் திரட்டில் இருக்கிறது. இது அடிப்படையில் ஒரு வாழ்வியல் நூல். மாந்தர்கள் தம் அகவாழ்விலும் சுமுகமாக கூடி வாழவும், புற வாழ்விலும் இன்பமுடனும் இசைவுடனும் நலமுடனும் வாழவும் தேவையான அடிப்படைப் பண்புகளை விளக்குகிறது. இந்நூல் அறம், பொருள், இன்பம் அல்லது காமம் என்னும் முப்பெரும் பிரிவுகளாய் (முப்பால்) பிரித்து விளக்குகிறது.

உலகிலேயே அதிக மொழிகளில் மொழிபெயர்க்கப்பட்டுள்ள நூல்களில் மூன்றாம் இடத்தைத் திருக்குறள் வகிக்கிறது. இதுவரை 80 மொழிகளில் மொழி பெயர்க்கப்பட்டுள்ளது. வாழ்வியலின் எல்லா அங்கங்களையும் திருக்குறள் கூறுவதால், அதைச் சிறப்பித்துப் பல பெயர்களால் அழைப்பர்: திருக்குறள், முப்பால், உத்தரவேதம், தெய்வநூல், பொதுமறை, பொய்யாமொழி, வாயுறை வாழ்த்து, தமிழ் மறை, திருவள்ளுவம் என்ற பெயர்கள் அதற்குரியவை. கருத்துக்களை இன, மொழி, பாலின பேதங்களின்றி காலம் கடந்தும் பொருந்துவது போல் கூறி உள்ளதால் இந்நூல் "உலகப் பொது மறை" என்றும் அழைக்கப்படுகிறது.

திருக்குறள் இயற்றப்பட்ட காலம் இன்னும் சரியாக வரையறுக்கப்படவில்லை. இந்நூல் ஏறக்குறைய 2000 ஆண்டு பழமையானது என்று கணிக்கப்படுகிறது. மறைமலை அடிகள் செய்த ஆராய்ச்சியின் பயனாய், தமிழ்நாட்டில் ஆண்டுகளைக் குறிக்க திருவள்ளுவர் ஆண்டும் பயன்படுத்தப்படுகின்றது. திருவள்ளுவர் ஆண்டு என்பது பொது ஆண்டோடு 31 ஆண்டுகள் கூட்ட வேண்டும்.

திருவள்ளுவர் கி.மு. முதல் நூற்றாண்டில், தற்பொழுதைய சென்னை நகருக்கருகில்,மயிலாப்பூரில் வாழ்ந்து வந்தார் என்றும் அவரின் மனைவி பெயர் வாசுகி என்றும் நம்பப்படுகிறது. திருவள்ளுவர், திருக்குறளை தமிழ்ச்சங்கத்தில் அரங்கேற்றம் செய்ய மிகவும் சிரமப்பட்டதாகவும், முடிவில் ஒளவையாரின் துணையோடு,மதுரையில் அரங்கேற்றியதாகவும் நம்பப்படுகிறது. திருவள்ளுவர், அனைத்து தமிழர்களாலும் அறிந்து போற்றப்படுபவராகவும் தமிழர்களின் பண்பாட்டுச் செறிவின் அடையாளமாகவும் திகழ்கிறார்.

திருவள்ளுவரை நாயனார், தேவர், தெய்வப்புலவர், செந்நாப்போதர், பெருநாவலர், பொய்யில் புலவர், பொய்யாமொழிப் புலவர் என்று பல சிறப்புப்பெயர்களால் அழைப்பர். தமிழ்நாடு அரசு 133 அடி உயரமுள்ள திருவள்ளுவர் சிலை ஒன்று அவரின் நினைவாக நிறுவியுள்ளது. இது முக்கடல் சங்கமிக்கும் கன்னியாகுமரியில் அமைந்துள்ளது . இந்த சிலையை வடிவமைத்தவர் , பிரபல சிற்பி , கணபதி ஸ்தபதி என்பவர்.

சென்னையில் வள்ளுவர் நினைவாக, வள்ளுவர் கோட்டம் ஒன்று அமைக்கப்பட்டுள்ளது. வள்ளுவர் இயற்றிய திருக்குறளின் 1330 குறள்களும், இங்குள்ள குரல் மண்டபத்தில் பொறிக்கப்பட்டுள்ளது. அது மட்டுமின்றி , கோயில் தேர் போன்ற தோற்றமுடைய நினைவிடமும் உள்ளது.

இத்தனை சிறப்பான திருக்குறளின் மீது சமீக காலபமாக எனக்கு மிக பெரிய ஈர்ப்பு ஏற்பட்டது. திருக்குறளைப் படிக்க படிக்க அதன் மீது ஈர்ப்பு அதிகமாக ஆகிக் கொண்டிருக்கிறது.”ஒரு மனிதன், எப்படி எல்லா விடயத்தையும் இப்படி சிறப்பாக சொல்ல முடியும்”, என்று வியப்பில் ஆழ்ந்து கொண்டு இருக்கிறேன். நம் மக்கள் இதனை படித்து, அதில் சொல்லப்பட்டுள்ள கருத்துகளைப் பின்பற்றி வாழவேண்டும். திருக்குறளுக்கு நிறைய பேர் உரை எழுதி இருக்கிறார்கள். ஆனாலும், நானும் எழுத வேண்டும் என்று ஆசைப்படுகிறேன். அப்போது தான் அதன் சுவையை நான் முழுமையாக உணர முடியும். ஆனால், அதை நான் முடிக்க பல ஆண்டுகள் ஆகும்.

திருக்குறளின் அதிகாரங்கள் மூன்று பெரும் பகுதியைக் கொண்டது.
1) அறத்துப்பால்/ The Worthiness of Virtue
2) பொருட்பால்/ World and Wealth
3) காமத்துப்பால்/ Pristine Path leading to Love-Perfection

சில தினங்களுக்கு முன்பு எனக்கு திருக்குறள் ஒலி வடிவில் கிடைத்தது. பாடல்களும், அதன் எளிமையான விளக்கமும் இருக்கிறது. உங்களுடன் பகிர்ந்துக் கொள்ள வேண்டும் என்று ஆசைப்படுகிறேன். சிறிதாக, சிறிதாக அனைத்து அதிகாரத்தின் ஒலி வடிவையும் வெகு விரைவில் இணைத்து விடுவேன். கேட்டு மகிழுங்கள். இதை உருவாக்கியவர்களுக்கு நம் மனமார்ந்த நன்றியைத் தெரிவித்துக் கொள்வோம்.

வாழ்க்கைக்குத் தேவையான நல்ல கருத்துகளை நம் தாய்மொழயில் கேட்டு பயன் அடைவது பேரின்பம் தருவதாகும்.

1) அறத்துப்பால்

நம் மூச்சான தமிழைக் காப்போம்!!

2012-01-14T10:29:00.000-08:00

எங்கள் குடும்பத்தில் உள்ள ஒவ்வொருவரும் காலையில் எழுந்தவுடன் தமிழ் நாளிதழைப் படிக்க தவறுவதில்லை. எங்கள் தாத்தா காலத்தில் இருந்தே இந்த பழக்கம் இருக்கிறது. எங்களுக்கு தமிழ் மீது பற்றும், மரியாதையும் வரவைத்த எங்கள் முன்னோர்களுக்கு மிக்க நன்றி.

அதே போல், நம் குழந்தைகள் வளரும் போதே தமிழ் பாலை ஊட்டி வளர்க்க வேண்டும். பள்ளியில் ஆங்கிலம் சொல்லி கொடுப்பார்கள். தமிழும் சொல்லி கொடுப்பார்கள். ஆனால் தமிழ் பாடம் சொல்லித் தரும் நேரத்தில் மட்டும் தான் தமிழ் பேசுவார்கள். மீதி நேரங்களில் ஆங்கிலத்திலேயே பேசுவார்கள். அதனால் அவர்கள் ஆங்கில அறிவைப் பள்ளி வளர்க்கும். நாம் கவலை கொள்ள வேண்டிய அவசியம் இல்லை. தமிழ் அறிவை நாம் தானே வளர்க்க வேண்டும்.

தமிழ் நாளிதழ் வாங்குவதைப் பழக்கமாக வைய்யுங்கள். நாம் செய்வதைத் தான் நம் குழந்தைகள் செய்வார்கள். நீங்கள் தமிழ் நாளிதழைப் படிப்பதைப் பார்க்கும் உங்கள் குழந்தைகள் தாங்களும் அதைப் படிக்க வேண்டும் என்று உணர்வார்கள். அதன் பிறகு அவர்கள் வாழ்வில் அது ஒரு அங்கமாக இருக்கும். தமிழ் தான் நம் மூச்சு. அதன் சிறப்பை நம் அடுத்த தலைமுறைக்கு முழுமையாக எடுத்து சொல்வோம் என்று உறுதிமொழி ஏற்போம்.

கீழே கொடுக்கப்பட்டள்ள வீடியோ காட்சியில் நம் தமிழின் பெருமை சொல்லப்பட்டிருக்கிறது. தவறாமல் பாருங்கள். தமிழன் என்று கர்வத்துடன் சொல்லுங்கள். தலை நிமிர்ந்து நில்லுங்கள். தமிழர்களாய் பிறந்ததற்கு கடவுளுக்கு நன்றியை சொல்லுங்கள்.

இங்கு வீடியோவை காணலாம்

சேர, சோழ, பாண்டியர்களின் வரலாறு(வீடியோ)

2012-01-14T04:51:00.000-08:00

இந்த வீடியோவை இன்று பார்த்தேன். இது தமிழர்களின் வரலாறு. நம் மன்னர்கள் சேர, சோழ, பாண்டியர்களின் வரலாறு. இதை நாம் அனைவரும் பார்க்க வேண்டும் என்ற காரணத்தினால், இங்கு பகிர்ந்துக் கொள்கிறேன். தமிழன் என்று சொல்லடா, தலை நிமிர்ந்து நில்லடா!!

இங்கு காணொளியைக் காணலாம்

Reasons to visit India before you die

2012-01-14T04:22:00.000-08:00

Recently, my eyes saw this video in facebook. When my swedish colleagues ask me about India, I would tell everything which come across my mind at that time. But video like this would be very much useful for people like us to spread the beauty and value of your holy country.

Please watch this video. It is just saying "25 reasons to visit India before we die". But this is just a sample. There are much more reasons to visit India. Feel proud to be Indian.

Click here to see the video

ஏன் நண்பன் படம் எனக்கு பிடித்திருந்தது

2012-01-13T17:04:00.000-08:00

புத்தருக்கு போதி மரத்தின் கீழ் ஞானம் கிடைத்தது போல்,ஓஸ்தி படம் பார்த்த பிறகு, எனக்கும் ஒரு ஞானம் தோன்றியது. இனிமேல், “அனைத்து படங்களையும் பார்த்து நேரத்தை வீணடிக்க மாட்டேன். கருத்துள்ள படங்களை மட்டுமே பார்ப்பேன், “ என்பது தான் அது. சினிமாவுக்கு அடிமையாகி காலத்தை வீணாக்கியதை உணர்ந்து நான் எடுத்த முடிவின் பயனாக,கடந்த ஒரு மாதமாக, நான் பேஸ்புக்கில் சினிமா செய்திகளைப் படிப்பதையும், பகிர்வதையும் நிறுத்திக் கொண்டேன்.

நண்பன் படம் வெளியான பிறகு, அதை பார்க்க வேண்டும் என்ற ஆவல் எனக்கு ஏற்படவில்லை. காரணம் நான் ஹிந்தியில் படத்தைப் பார்த்து விட்டேன். மேலும், சமீப காலமாக நான் தமிழ் நாவல் படிப்பதிலும், திருக்குறள் படிப்பதிலும் என்னுடைய பெரும்பாலான நேரத்தை செலவு செய்து கொண்டு இருந்தேன்.

நண்பன் படம் வெளியானதில் இருந்து, அதற்கு அனைத்து தரப்பு மக்களிடமும் இருந்து நல்ல விமர்சனங்களே வந்து கொண்டு இருக்கின்றன. தூங்கிக் கொண்டு இருந்தாலும், விஜயைக் கிண்டல் பேசும் நண்பர்களும், இந்த படத்தைப் புகழ்ந்து பேஸ்புக்கில் எழுதி இருந்தார்கள். “மாற்றான் வீட்டு தோட்டத்து மல்லிகைக்கும் மணம் உண்டு”, என்று அவர்கள் கூறியது படத்தின் மேல் எனக்கு ஒரு ஆவலை உண்டாக்கியது.

இது நான் பார்க்க வேண்டிய படம் தான் என்று மனசு சொல்ல, படத்தைப் பார்த்தேன். படம் பார்த்ததில் மிக்க மகிழ்ச்சி. நினைத்தது போல், நல்ல படத்தையே பார்த்திருக்கிறேன் என்ற திருப்தி!!

ஏன் எனக்கு நண்பன் படம் பிடித்திருந்தது

1) பரீட்சை, மார்க் என்பது வாழ்க்கை இல்லை. வாழ்க்கை என்பது வேறு.

2) மனதுக்கு பிடித்ததை நம்முடைய வேலையாய் பெற்று, அதை மனமகிழ்ந்து செய்வது.

3) நண்பர்கள் கையைப் பிடித்து நல் வழியைக் காண்பிப்பது.

4) எதிர்காலத்தை நினைத்து பயத்துடன் நிகழ்காலத்தை கழிக்க கூடாது.

5) கல்வி நாம் புதிதாக ஒன்றைக் கற்றுக் கொள்ள போகிறோம் என்ற ஆவலைக் கொடுக்க வேண்டுமே தவிர, மார்க் வாங்க நான் இதைப் படித்த ஆக வேண்டும் என்ற எண்ணத்தை ஏற்படுத்த கூடாது.

6) படிப்பதைப் புரிந்து படிக்க வேண்டும், அது அறிவாய் பெற்றிட வேண்டும். பெற்ற அறிவை நுட்பமாக பயன்படுத்தவும் தெரிய வேண்டும். கல்வி திட்டம் இது போல் மாற்றப்பட வேண்டும்.

என்று இன்னும் ஏராளமான நல்ல கருத்துகளை எடுத்துரைக்கிறது இந்த திரைப்படம். கல்வி என்பது என்ன? அது எவ்வாறு அமைந்திட வேண்டும் என்று மாணவர்களுக்கும், ஆசிரியர்களுக்கும், பெற்றோர்களுக்கும் விளக்கிடும் பாடமாய் இந்த திரைப்படம் அமைந்திருக்கிறது. இந்த திரைப்படத்தை பார்த்த பிறகு, மார்க் மட்டும் வாழ்க்கை இல்லை, செய்முறை அறிவு தான் மாணவனின் வாழ்க்கைக்கு தேவையான சொத்தாக விளங்கும் என்பதை புரிய வைக்கும் விதமாய் கல்வி திட்டத்தில் மாற்றம் கொண்டு வருவார்கள் என்று நம்புகிறேன்.

இந்த காட்சி எனக்கு பிடித்திருக்கிறது, அந்த காட்சி எனக்கு பிடித்திருக்கிறது என்று என்னால் சொல்ல இயலாதபடி அனைத்து காட்சிகளும் நன்றாகவே இருந்தது. இந்தியில் இருந்து அப்படியே எடுத்து இருந்தாலும், வசனங்களில் இருக்கும் சக்தியே படத்தை ஜெயிக்க வைத்திருக்கிறது என்று கூறலாம். எந்திரன் என்னும் படத்தை எடுத்த பிறகு, ஒரு அர்த்தமுள்ள படத்தைக் கொடுக்க வேண்டும், ரீமெக் படம் தானே என்று ஏளனம் பேசுவோர் பேசட்டும். “என்னுடைய மன நிம்மதிக்கு நான் இந்த படத்தை எடுத்து தமிழ் மக்களுக்கு அர்ப்பணம் செய்கிறேன்”, என்று இயக்குனர் சங்கர் இந்த படத்தை நமக்கு கொடுத்து இருக்கிறார்.

சண்டை காட்சிகள் இல்லாத விஜய் படத்தைப் பார்த்து நிறைய வருடங்கள் ஆகின்றன. நண்பன் படத்திற்கு முன் ஒரு சண்டை காட்சி கூட இல்லாமல் வெளிவந்த விஜய்யின் திரைப்படம் என்னவென்று தங்களுக்கு தெரியுமா? உங்கள் பதிலை பதிவு செய்யுங்கள்.

இந்த நல்ல படத்தில் வேலை செய்த அனைவருக்கும் என் மனமார்ந்த வாழ்த்துகளும், நன்றியும்!!

நிரந்திரம் இல்லை!!

2012-01-11T12:23:00.000-08:00

உதிக்கும் சூரியன் நிரந்திரம் இல்லை
பால் மழை பொழியும் சந்திரன் நிரந்திரம் இல்லை

மழை நிரந்திரம் இல்லை
வெயில் நிரந்திரம் இல்லை

காணும் காட்சிகள் நிரந்திரம் இல்லை
கேட்கும் ஒலிகள் நிரந்திரம் இல்லை

உறக்கம் நிரந்திரம் இல்லை
நெருக்கம் நிரந்திரம் இல்லை

மயக்கம் நிரந்திரம் இல்லை
தயக்கம் நிரந்திரம் இல்லை

மண்ணும் நிரந்திரம் இல்லை
பொன்னும் நிரந்திரம் இல்லை

போகும் பாதை நிரந்திரம் இல்லை
வாழும் வாழ்க்கையும் நிரந்திரம் இல்லை

எதுவும் நிரந்திரமில்லாத இந்த மாய உலகில்
மகிழ்ச்சி நிரந்திரமாய் இருக்க வேண்டும் என்று நினைப்பது மடத்தனம் இல்லையா?

குடிப்பழக்கத்தை ஏன் விட வேண்டும்?

2012-01-10T13:09:00.000-08:00

இன்றைய காலத்தில் குடிப்பழக்கம் சாதாரணமான ஒன்றாகி விட்டது. பத்து பேர் ஒன்று சேர்ந்தால், குடிக்கமாட்டேன் என்று சொல்பவர்கள் ஒன்று அல்லது இரண்டு பேர் தான் இருக்கிறார்கள். இதைப் பார்த்து விட்டு, அந்த ஒன்று இரண்டு பேரும் குடிக்கத் தொடங்கி விடுகிறார்கள் என்பது மிகவும் வேதனையானதாகும்(ஒரு சில பேர் இருக்கிறார்கள். எவ்வளவு கட்டாயப்படுத்தினாலும் குடிப்பதில்லை என்று ஒரு திடமான முடிவுடன் வாழ்பவர்கள். அவர்களை நான் மனமாற பாராட்டுகிறேன்).

குடிப்பவர்கள் எண்ணிக்கை நாளுக்கு நாள் உயர்ந்து கொண்டு இருக்கிறது. டாஸ்மார்க் வருமானம் ஆண்டுக்கு ஆண்டு பெருகி கொண்டே இருக்கிறது. ஏன் இந்த அவல நிலை என்பதை என்னுடைய முந்தைய போஸ்ட்களில் சொல்லி இருந்தேன். எனவே அதைப் பற்றி இங்கு பேசப் போவதில்லை. சனிக்கிழமை வந்தால் போதும், இரவு குடிக்காவிட்டால்,அது சனிக்கிழமையே இல்லை என்று நம் குடிமகன்கள் கூறுவார்கள். ஒவ்வொரு சனிக்கிழமையும் ஆயிரக் கணக்கில் பார்களில் செலவு செய்கிறார்கள். இப்படி ஒரு கூட்டம் இருக்கையில் நாம் இன்னொரு கூட்டத்தையும் பார்க்க வேண்டும்.

நம் நாட்டில் வறுமை என்ற கொடிய நோய் இருப்பது எல்லாரும் அறிந்ததே. அவர்கள் வீட்டு குழந்தைகள் பணம் இல்லாத காரணத்தால், படிக்க முடியாமல், குழந்தை தொழிலாளர்களாய் மாறி, அவர்கள் வாழ்க்கையை தொலைத்துக் கொண்டு இருக்கிறார்கள். அவர்கள் வாழ்க்கையை மேன்படுத்த வேண்டும் என்று என்றைக்காவது சிந்தித்தது உண்டா நண்பர்களே.
நம்மைப் படிக்க வைக்கும் பண வசதி இருந்ததால், நம் பெற்றோர் நம்மைப் படிக்க வைத்தார்கள். அதனால் இன்று நாம் எல்லாரும் ஒரு நல்ல நிலையில் இருக்கிறோம். இதுவே நாம் ஏழைக் குடும்பத்தில் பிறந்திருந்தால், நம்முடைய நிலைமை என்னவாயிருக்கும் என்று எண்ணியது உண்டா?

அந்த குழந்தைகளுக்கு கல்வி கிடைத்தால் அவர்களும் நல்ல நிலைமைக்கு வருவார்கள். அவர்கள் மட்டும் இல்லாமல், அவர்களுடன் சேர்ந்து அவர்கள் குடும்பமும் முன்னேறும். அதன் பிறகு அவர்கள் நாலு பேரைக் கை கொடுத்து தூக்கி விடுவார்கள். மனிதர்களான நாம், சக மனிதர்களுக்கு உதவ வேண்டியது நம் கடமையே.

எந்த செலவைக் குறைத்து இவர்களுக்கு உதவுவது என்று தானே கேட்கிறீர்கள்? குடிப்பழக்கம் தான். வேறு என்ன இருக்க முடியும். குடியினால், ஒரு சில மணி நேரத்திற்கு தான் போதை கிடைக்கும். ஆனால், நம்மால் ஒரு குழந்தை கல்வி கற்று, அவர்களுடன், அவர்கள் குடும்பமும் முன்னேறும் போது, நமக்கு வாழ்நாள் முழுவதும் மகிழ்ச்சி கிட்டுமே. எது உண்மையான மகிழ்ச்சி என்று என்பதை சிந்தித்து பாருங்கள்.

நம்மால் முடியாதது என்று ஒன்று கிடையாது. எனவே குடிப்பழகத்தை நிச்சயமாக விட முடியும்.

தானத்தில் சிறந்த தானம் கல்வி தானம்!!

சிந்தியுங்கள் தமிழர்களே - பகுதி 7

2012-01-09T11:46:00.000-08:00

மக்களே, ஏழாம் அறிவு படம் பார்த்தீர்களா?? எப்படி பார்க்காமல் இருந்திருப்பீர்கள். “ஒவ்வொரு தமிழனும் கண்டிப்பாக பார்க்க வேண்டிய படம்” என்று கூவி கூவி தானே வியாபாரம் செய்தார்கள். அதற்காக தானே, நானும் அந்த படத்தைப் பார்த்தேன். தமிழனின் பெருமையை உலகறிய எடுத்த திரைப்படத்தில் எதற்காக வெளிநாட்டு பாடல் காட்சிகள், எதற்காக கதாநாயகி பாடல் காட்சிகளில் கவர்ச்சி உடை அணிந்து இருக்கிறார்கள், தமிழ் வார்த்தைகளை சரியாய் உச்சரிக்க கூட தெரியாத சுருதியை எதற்காக நடிக்க வைத்தார்கள், இறுதி காட்சியில் எதற்காக சூர்யா வேட்டி, சட்டை அணியாமல் வெள்ளைக்காரன் போல் உடை அணிந்து வருகிறார் என்றெல்லாம் பல பேர் கேட்டார்கள். அவை நியாயமான கேள்விகள். ஆனால் அதற்கு இயக்குனரிடமோ, கதாநாயகனிடமோ பதில் கிடையாது.

“எனக்கு திருமணம் என்ற வார்த்தையிலே உடன்பாடு கிடையாது”. இதை யார் சொன்னார்கள் தெரியுமா? முதலில் கமல்ஹாசனும், அதன் பிறகு அவரின் மகள் சுருதிஹாசனும். தமிழினின் பெருமையை எடுத்து சொல்லும் படத்தில், தமிழ் கலாசாரத்தைச் சீரழிக்கும் இந்த சுருதியை நடிக்க வைத்த கொடுமையை எங்கு போய் சொல்வது. குடித்து விட்டு கும்மாளம் போடுவது, திருமணம் செய்யாமல் யார் கூட வேண்டுமானாலும் வாழ்வது ஆகியவை தான் சுருதியின் சிறப்பம்சங்களாகும். எனக்கு தெரிந்து மிருகங்கள் தான் அப்படி வாழும். தமிழ் கலாசாரத்தை தூக்கி எறிந்து விட்டு, மிருகத்தின் கலாசாரத்தில் வாழும் சுருதி ஹாசன் தமிழின் சிறப்பைப் பற்றி, தமிழை உச்சரிப்பில் கொலை செய்து விளக்கும் காட்சிகளில், என்னை போன்றவர்களின் இரத்தம் கொதித்தது.

பணத்திற்காக மட்டுமே இயங்கிக் கொண்டிருக்கிறது இந்த சினிமாத்துறை(ஒரு சில நல்ல திரைப்படங்களை தவிர்த்து). நியாயம், நேர்மை என்பதெல்லாம் அவர்கள் பார்ப்பது கிடையாது என்பது தெள்ள தெளிவாய் தெரிகிறது. சினிமாவிற்கு அடிமையாகி நம் அருமை கலாசாரங்களை விட்டு விலகி போய்க் கொண்டிருக்கின்றோம். நாம் விழித்துக் கொள்ள வேண்டும் நண்பர்களே. தமிழ், தமிழ் என்று பேசி தமிழை வளர்க்காமல், அவர்கள் வீட்டு கஜானா பெட்டியை மட்டும் வளர்த்துக் கொண்டு இருக்கும் சினிமாக்கார்கள் பலர்(ஏழாம் அறிவு படக்குழுவை போல்). அவர்களை அடையாளம் கண்டு கொள்ள வேண்டும். நல்ல படங்களை மட்டுமே ஆதரிப்போம் என்று உறுதிமொழி எடுப்போம். (தொடரும்)(பிற பகுதிகளை கீழே காணலாம்)

சிந்தியுங்கள் தமிழர்களே - பகுதி 6

2012-01-08T04:14:00.000-08:00

”காதல் என்றால் என்ன?” என்பது பல பேருக்கு தெரிவதே இல்லை.

அம்மாவுக்கும், அப்பாவிற்கும், குழந்தைக்கும் இடையில் இருக்கின்ற உணர்வு அன்பு. அண்ணனுக்கும், தம்பிக்கும் இடையில் இருக்கின்ற உணர்வு அன்பு. இது போல் அனைத்து மக்களுக்கும் இடையில் இருக்கும் உணர்வு அன்பு.

அப்படியென்றால் காதல் என்றால் என்ன?

காதல் = அன்பு + காமம்.

ஆணும், பெண்ணும் ஒரு வயதை அடையும் போது, அவர்கள் உடலிலும், மனதிலும் ஒருவித மாற்றம் ஏற்படும். அப்போது காமம் என்ற ஒரு உணர்வு ஏற்படும். ஒரு ஆண் பெண் மீதோ, ஒரு பெண் ஆண் மீதோ, ஆசைப்பட்டு, அன்பாலும், காமத்தாலும் இணைவது தான் காதல் என்பதாகும்.

ஆனால், இன்றைய கால கட்டத்தில் பெரும்பாலான மக்களுக்கு காதல் என்பதன் அர்த்தம் என்னவென்று தெரியுமா?

காதல் = காமம்

அன்பு காணாமல் போய்விட்டது. அன்பு இல்லாத காதல், காதலே இல்லை என்பதை மறந்து கலாச்சாரத்தை சீரழித்து கொண்டு இருக்கிறார்கள். இந்த நிலைமை ஏற்பட்டதற்கு என்ன காரணம் என்று சிந்தித்தது உண்டா? சினிமாவை தவிர வேறு எதை சொல்ல முடியும்.

“தீ பிடிக்க, தீ பிடிக்க என்னை தொடு டா”
“கட்டிப்பிடி, கட்டிப்பிடி டா”

இதைப் போன்று இன்னும் எத்தனையோ பாடல்கள் ஒரு இளம் ஆண், பெண் மனதின் ஓரமாய் நின்று கொண்டிருக்கும் காம உணர்வை தூண்டிவிட்டு, அவர்கள் மனதை சிதைத்து, திருமணத்திற்கு முன்னரே அவர்களை தவறு செய்ய வைக்கிறது.

ஏன் இப்படி செய்கிறீர்கள் என்றால் அது கலாச்சாரம் என்கிறார்கள். ஒருவனுக்கு ஒருத்தி என்ற கலாசாரம் காலப்போக்கில் காணாமல் போனால், சினிமாவை தவிர வேறு யார் அதற்கு காரணமாய் இருக்க முடியும். ஒரு மனிதன் தன் வாழ்க்கையை நல்லபடியாக அமைத்து கொள்ள வேண்டுமென்றால், அவன் பார்க்கும், கேட்கும் விஷயங்கள் நல்லபடியாக இருக்க வேண்டும். இன்று பெரும்பாலான நேரத்தை இளசுகள் திரைப்படத்தில் தானே செலவழிக்கிறார்கள். அதில் சொல்வது தானே அவர்கள் மனதில் பதியும், அவர்கள் வாழ்க்கை முறையை நிர்ணையிக்கும்.

என்னுடைய 10 முதல் 15 வயதுகளில் நான் குடும்பத்துடன் சென்று நிறைய படங்கள் பார்த்திருக்கிறேன். உதாரணமாக,

உன்னிடத்தில் என்னைக் கொடுத்தேன்
பூவே உனக்காக
கோகுலத்தில் சீதை

இந்த படங்களை பார்த்து விட்டு வெளியே வரும் போது, ஒரு ஆணுக்கும், பெண்ணுக்கும் இடையில் இருக்கும் ஒரு தெய்வீகமான அன்பே என் மனதில் பதிந்து இருக்கும். ஆனால், இன்றைய திரைப்படங்களைப் பார்த்து விட்டு, அதே வயது ஆண் அல்லது பெண் திரையரங்கை விட்டு வெளியில் வரும் போது, அவர்கள் மனதில் காமம் மட்டும் தானே பதியும். அப்படி தானே இன்றைய திரைப்படங்கள் இருக்கின்றது.

இந்த அவலத்தை தடுத்து நிறுத்த வேண்டாமா? நம்முடைய வாரிசுகள் நல்ல பண்புகளுடன் வாழ, நாம் வழிவகை செய்ய வேண்டாமா? சிந்தியுங்கள் தமிழர்களே. நல்ல திரைபடங்களை மட்டும் ஆதரிப்போம். கலாசாரத்தை சீர் குலைக்கும் படங்களை விரட்டி அடிப்போம். (இதன் தொடர்ச்சியைப் படிக்க கீழே பார்க்கவும்.)

சிந்தியுங்கள் தமிழர்களே - பகுதி 5

2012-01-08T03:38:00.000-08:00

இன்று குடிப்பது சர்வ சாதாரணமான பழக்கமாகி விட்டது. குளிப்பது, சாப்பிடுவது, தூங்குவது போல் குடிப்பது மனிதன் வாழ்க்கையில் இன்றியமையாத ஒன்றாகி விட்டது. 2010-2011ம் ஆண்டில் டாஸ்மாக் வருமானம் 14 ஆயிரம் கோடி ரூபாய். மற்ற துறைகளைக் காட்டிலும் அரசுக்கு டாஸ்மாக் மூலம் வரக்கூடிய வருவாய் 15 முதல் 20 சதவீதம் அதிகம். ஏன் இந்த அவலமான ஒரு நிலை நம் தமிழ்நாட்டுக்கு வந்தது என்று சிந்தித்து பார்த்தது உண்டா?

இந்த நிலைக்கு சினிமா தான் முக்கிய பங்கு வகிக்கின்றது. கடந்த சில ஆண்டுகளில் குடியைப் படிபடியாக திரைப்படங்கள் பிரபலப்படுத்தி வருகிறது. இதன் உச்சம் தான், ”வா, Quarter Cutting" என்ற திரைப்படம். நான் எல்லா திரைப்படங்களையும் தவறாக சொல்லவில்லை. நல்ல படங்களும் வருகின்றன. ஆனால், எத்தனை பேர் அந்த படங்களை பார்க்கிறார்கள், எத்தனை பேர் அதில் உள்ள நல்ல கருத்துகளை பின்பற்றி நடக்கிறார்கள். நல்ல படங்களுக்கு கொடுக்க வேண்டிய மரியாதையைக் கொடுக்க முடியாத அளவுக்கு மக்கள் மாசுப்பட்டு இருக்கிறார்கள். அந்த அளவுக்கு அவர்களை மாசுப்படுத்தியது யார்? தீய கருத்துகளையும், தீய எண்ணங்களையும் விதைக்கும் திரைப்படங்கள் தானே?

நான் கல்லூரியில் படித்துக் கொண்டு இருக்கும் போது, எனது நண்பன் ஒருவன் தீவிர விஜய் ரசிகன். அவன் எப்பொழுது குடிக்க ஆரம்பித்தான் தெரியுமா? விஜய் நடித்து பகவதி என்று ஒரு திரைப்படம் வெளியானது. அதில் “கோக்கோ கோலா பிரவுன் கலர் டா” என்று ஒரு பாடல் இருக்கிறது. அதில் விஜய் பீரைக் குடித்து விட்டு ஆடுவது போல் காட்சி அமைந்திருக்கும். அதைப் பார்த்து ரசித்த என் நண்பன், முதன் முதலாக பீர் குடிக்க ஆரம்பித்தான். அப்படி ஆரம்பித்த அவனுடைய குடிப்பயணம் இன்று எப்படி இருக்கிறது தெரியுமா? இன்று அவன் ஒரு மொடா குடிக்காரன் ஆகி விட்டான். குடித்து, குடித்து அவன் உடல் பருமன் அடைந்து, பார்ப்பதற்கே பரிதாபமாய் இருக்கிறான். உடலின் வெளியே தெரியும் பாதிப்பை விட, உடலின் உள்ளே என்னென்ன பாதிப்பு இருக்கிறது என்பது அவனுக்கு தான் தெரியும்.

ஒரு நடிகனை பார்த்து, விளையாட்டாய் கிளம்பிய குடிப்பழக்கம் இன்று அவனை குடிக்கு அடிமையாக்கி அவன் வாழ்க்கையை சீரழித்துக் கொண்டிருக்கிறது. இவனை போல், இன்னும் பல பேர் தன் ஹீரோக்களைத் திரையில் பார்த்து, குடிப்பழக்கத்திற்கும், புகைப்பழக்கத்துக்கும் அடிமையாகி வருகிறார்கள்.

அஜீத் நடித்து சமீபத்தில் வெளியான திரைப்படம் மங்காத்தா. அஜீத் அவர்களுக்கு எவ்வளவு ரசிகர்கள் இருக்கிறார்கள் என்பது அனைவரும் அறிந்த விஷயமே. அவர் குடிப்பதை நியாயப்படுத்தியும், கொள்ளை அடிப்பதை நியாயப்படுத்தியும் தன் சினிமாவில் பேசினால், அவர் ரசிகர்கள் வாழ்க்கையை எந்த அளவுக்கு அது சீர்குலைக்கும் என்று நான் சொல்லி தெரிய வேண்டியதில்லை. குற்றங்கள் விண்ணைமுட்டும் அளவுக்கு நாளுக்கு நாள் உயர்ந்து கொண்டிருக்கும் இந்த காலக்கட்டத்தில் ஒரு நடிகனின் கடமை என்னவாக இருக்கவேண்டும்? அந்த குற்றங்களைக் குறைத்து, மக்களை நல்வழிப்படுத்துவது தானே அவர்கள் கடமையாக இருக்க வேண்டும். அதைவிட்டு, அவர்கள் அந்த குற்றங்களை மேலும் அதிகமாக்குவது போல் தானே தங்கள் படங்களில் நடிக்கிறார்கள்.

ஆனால், இதையெல்லாம் நடிகர்கள் உணர மறுப்பது ஏன்?? பணம் மற்றும் புகழ் அவர்கள் கண்களை மறைக்கின்றதா? இதற்கு அரசும் எந்த வித தடையும் சொல்வதில்லை. “நீங்கள் முடிந்தவரை குடிப்பழக்கத்தை பிரபலப்படுத்த வேண்டும். அப்போது தான் எங்களின் டாஸ்மார்க் வருமானம் அதிகமாகி கொண்டே இருக்கும். அதை வைத்து தான் அரசே இயங்கிக் கொண்டு இருக்கிறது”, என்று சொல்வது போல் தானே தெரிகிறது!!(இதன் தொடர்ச்சியைப் படிக்க கீழே பார்க்கவும்.)

சிந்தியுங்கள் தமிழர்களே - பகுதி 4

2012-01-08T02:48:00.000-08:00

”தமிழ் படங்களுக்கு தமிழில் பெயர் வைத்தால் கேளிக்கை வரிவிலக்கு அளிக்கப்படும்”, என்று கலைஞர் முதலமைச்சராக இருந்த போது அறிவித்திருந்தார். அதற்கான காரணம். தமிழ் மீது அவர் வைத்திருந்த பாசமும், தமிழை வளர்க்க வேண்டும் என்ற ஆர்வமும் தான் என்று கூறினார்கள். அம்மா அவர்கள் முதலமைச்சர் ஆன பிறகும் இந்த திட்டம் தொடர்கிறது. தமிழை வளர்க்க நினைக்கும் இவர்கள் ஆவலை நான் பாராட்டுகிறேன். ஆனால், தமிழில் படங்களின் பெயரை வைத்தால், தமிழ் வளர்ந்து விடுமா? படத்தின் உள்ளே தமிழ் கலாசாரத்தை சீர் குலைக்கும் காட்சிகள் இருக்கிறதே. கலாசாரம் கெடும் போது, தானாகவே மொழி சிதைந்து விடும் என்று அவர்களுக்கு தெரியாதா அல்லது தெரிந்தும் தெரியாதது போல் இருக்கிறார்களா?

தமிழில் பெயர் மட்டும் வைத்து விட்டு, படத்தில் பெரும்பாலான வசனங்களில் ஆங்கிலம் தானே கலந்திருக்கிறது. நம் கலாசாரத்தை சீர் குலைக்கும் ஆபாச பாடல்களும், காட்சிகளும் தானே இருக்கிறது. ஆனால் தமிழில் பெயர் வைத்த காரணத்தினால், அந்த படங்களுக்கெல்லாம் வரி விலக்கு அளிக்கப்படுவது நியாயம் தானா?

அதுவும், தலைப்பு முழுமையாக தமிழில் இருக்கிறதா என்று கேட்டால் இல்லை என்றே சொல்ல வேண்டும்.

சிவாஜி, The boss
எந்திரன், The Robot
வா, Quarter Cutting
மங்காத்தா, A Venkat Prabhu Game
காவலன், the bodyguard
வித்தகன், with the gun

ஆகிய படங்கள் வரி விலக்கு பெற்ற படங்கள். ”தமிழை வளர்ப்பது மாதிரி தெரிய வேண்டும், ஆனால் தமிழ் வளரக் கூடாது”,என்று அவர்கள் நினைப்பதாய் தானே தெளிவாய்த் தெரிகிறது. தமிழ், தமிழ் என்று கூவி நம்மவர்களை ஏமாற்றும் இந்த அரசியல்வாதிகளிடம் நாம் எச்சரிக்கையாகவே இருக்க வேண்டும். உண்மையான தமிழ் பற்றுள்ள ஒருவரை கண்டுபிடித்து, ஆட்சியில் அமர வைப்போம். அன்று தான் நம் தாய்மொழி தமிழ் வளரும். அதன் பெருமையை மக்கள் உணர்வார்கள். (இதன் தொடர்ச்சியைப் படிக்க கீழே பார்க்கவும்.)

சிந்தியுங்கள் தமிழர்களே - பகுதி 3

2012-01-07T11:20:00.000-08:00

”அவன் கொலவெறி என்னும் அர்த்தமற்ற பாடலைப் பாடி இந்தியா முழுவதும், மேலும் வெளிநாடுகளிலும் பிரபலம் அடைந்து விட்டான். எனக்கு வயிறு எரிகிறது. நானும் ஏதாவது செய்ய வேண்டும். உலகம் முழுவதும் பிரபலம் அடைய வேண்டும்”, என்று சிம்பு நினைத்து, “love anthem" முயற்சியைத் தொடங்கி இருப்பார் என்றே தோன்றுகிறது.

இதற்கு அவர் ரசிகர்கள் பேஸ்புக்கில் என்ன என்ன பதிவு செய்கிறார்கள் தெரியுமா?

“என் தலைவர் STR வாழ்க”

“STR இன் இந்த முயற்சிக்கு உலகத் தமிழர்கள் அனைவரும் ஆதரவு தர வேண்டும். தமிழனின் பெருமை உலகம் முழுவதும் பரவினால், தமிழர்கள் அனைவருக்கும் பெருமை”

“உலக மக்களை, தமிழன் STR திரும்பி பார்க்க வைத்திருக்கிறார். நன்றி தலைவா”

எனக்கு ஒரே ஒரு சந்தேகம். தமிழர்கள் அனைவரும் இவருக்கு எதற்கு ஆதரவு கொடுக்க வேண்டும். தமிழின் பொக்கிஷங்களான சிலப்பதிகாரம் அல்லது தொல்காப்பியத்திற்கு எளிய தமிழ் உரை எழுதினாரா? தமிழில் நாவல் ஏதாவது எழுதினாரா? தமிழில் கவிதை தொகுப்பு வெளியிட்டாரா? அல்லது இவர் படத்தில், அனைத்து வசனங்களும் தமிழில் இருந்ததா? இதில் ஏதாவது ஒன்றை செய்திருந்தால், தமிழ் மீது அவர் வைத்திருக்கும் பாசத்திற்காக அவருக்கு வாழ்நாள் முழுவதும் நாங்கள் முழு ஆதரவு கொடுத்திருப்போம்.

ஆனால் இப்போது, ஒரு பாடலில் ஒரு வார்த்தை தமிழில் இருக்கிறது என்பதற்காக நாங்கள் ஏன் இவருக்கு ஆதரவு கொடுக்க வேண்டும். ஒரு வார்த்தை தமிழ் சேர்த்தாலே, அவன் தமிழ் ஆர்வம் மிகுந்தவன் என்று கேவலமாய் நினைக்கும் காலத்தில் நாம் இருக்கின்றோம் என்று நினைத்தால் வேதனையாக இருக்கிறது.

அது சரி, எதற்காக இந்த பாடல் எழுதினாராம்?
உலக அமைதிக்காக, காதல் என்ற வார்த்தையை பல மொழிகளில் இருந்து எடுத்து, கோர்த்து, இதை உருவாக்கி இருக்கிறாராம்.

உலக அமைதி இருக்கட்டும், தம்பி சிம்பு உள்ளூரில் நடக்கும் பிரச்சனைகளுக்கு அமைதி காண ஏதாவது முயற்சி செய்தாரா? என்று கேட்டால், “ஒன்றும் இல்லை” என்று தான் சொல்ல வேண்டும். அப்புறம் எதற்காக உலக அமைதியைப் பற்றி நினைப்பு.

எல்லாம் காசுக்காக போடும் வேஷம், புகழ் வேண்டி செய்யும் நாடகம். நடிகர்கள் வீசும் இந்த வலைகளில் நாம் விழக் கூடாது. சினிமாவைப் பற்றியும், சினிமாகாரர்களையும் பேசுவதற்காக மட்டுமே நாம் வாழ்கிறோமா. வேறு கடமைகள் ஏதும் இல்லையா. வேறு பொழுதுபோக்கு ஏதும் இல்லையா. ஏன் இல்லை? கிணற்று தவளை போல் இல்லாமல், சற்று வெளியே வர வேண்டும். தெரிந்துக் கொள்ள இந்த உலகத்தில் பல அறிய விசயங்கள் இருக்கின்றன. சினிமா என்னும் போதையில் சிக்கி தவிப்பதை நம் தலைமுறையுடன் நிறுத்த வேண்டும் நண்பர்களே. (இதன் தொடர்ச்சியைப் படிக்க கீழே பார்க்கவும்.)

சிந்தியுங்கள் தமிழர்களே - பகுதி 2

2012-01-07T11:06:00.000-08:00

பிரதமர் விருந்துக்கு அழைத்தார். உண்மையான தமிழ் உணர்வும், சக தமிழ் மக்களின் மீதும் அக்கறை, மனிதாபிமானம் கொண்ட ஒருவன் என்ன சொல்லியிருப்பான்.

“ஐயா, எங்கள் மக்கள் முல்லை பெறியாறு அணை தண்ணீருக்காக போராடுகிறார்கள், கூடங்குளம் அணுமின் நிலையத்தை தடுக்க போராடுகிறார்கள்.இந்த நிலையில் விருந்துக்கு வருவதற்கு என் மனம் விரும்பவில்லை. என்னை மன்னிக்கவும். எங்கள் மக்களின் பிரச்சனைகளை விரைவில் நீங்கள் தீர்த்து வைக்க வேண்டும் என்று தாழ்மையுடன் கேட்டுக் கொள்கிறேன்.” என்றல்லவா சொல்லிருப்பான்.

ஆனால் என்ன நடந்தது. இந்த சினிமாகாரர்களின் உண்மையான குணம் இப்பொழுதும் நமக்கு விளங்கவில்லை என்றால், நம்மை விட பெரிய முட்டாள்கள் யாரும் கிடையாது.

இன்று தனுஷ் அவர்கள் இந்தியா முழுவதும் பிரபலம் அடைந்து விட்டார். ஏதாவது , ஒரு பேட்டியிலாவது, அவர், “முல்லை பெரியாறு அணை பிரச்சனையை சுமுகமாக தீர்த்து வைக்க வேண்டும்” என்று கூறியதுண்டா? தலை கால் புரியாமல் தானே ஆடிக் கொண்டு இருக்கிறார்.

”அல்பத்திற்கு வாழ்வு வந்தால் அர்த்த இராத்திரியில் குடை பிடிக்கும்”, என்ற பழமொழிக்கு ஏற்ப, எல்லா தொலைக்காட்சிக்களுக்கும் பேட்டி கொடுப்பதும், விருது வழங்கும் நிகழ்ச்சிகளில் கலந்து கொண்டும், குடித்து விட்டு ஆட்டம் போட்டுக் கொண்டும் இருக்கிறார். இதற்கு எல்லாம் உச்சமாக, இவர் ஒரு ஹிந்தி படத்தை இயக்கப் போகிறாராம். அதற்கு தான், அவர் தன்னை மேலும் மேலும் வட இந்தியாவில் பிரபலப்படுத்திக் கொள்வதற்கு காரணமாம்.

“ஏன் இந்த கொலவெறி” ஐயா, உங்கள் கதைக்கு ஏற்ற கதாநாயகன் தமிழ் நடிகர்களில் இல்லையா. கண்டிப்பாக இருக்கிறார்கள். அப்படி இருக்கும் போது, ஏன் இந்த ஆசை. ஆசைப்படுவதில் தவறே இல்லை. ஆனால், தமிழ் மொழியை அவமானப்படுத்தி,பெயர் வாங்க நினைப்பது தவறு தான். தாய்மொழி தமிழை கொன்று பிரபலம் அடைவதும், இந்தியில் படம் இயக்கப் போவதும், உங்கள் தமிழ் மொழி பற்றைத் தெள்ள தெளிவாய் காட்டுகிறது. போகட்டும். எவ்வளவு காலத்திற்கு தான் உங்கள் ஆட்டம் என்று பார்ப்போம். மக்கள் விழித்து கொள்ளும் வரை தான் உங்களுக்கு நல்ல காலம்.

விழித்திருங்கள் மக்களே. போதும் இந்த சினிமா மோகம்.(இதன் தொடர்ச்சியைப் படிக்க கீழே பார்க்கவும்.)

என் தமிழ்மொழி மேல் உனக்கேனிந்த கொலைவெறிடா..?

2012-01-06T17:40:00.001-08:00

இங்கு வீடியோவை பார்க்கவும்

என் தமிழ்மொழி மேல் உனக்கேனிந்த கொலைவெறிடா..?
என் தமிழ்மொழி தாய்மொழி செம்மொழி பாவமடா…

கல் தோன்றி மண் தோன்ற முன்வந்த தமிழ்மொழிடா…
நீ தமிழன் என்றால் கொஞ்சம் தன்மானம் இருக்கணும்டா…

செம்மொழி போற்றும்
செந்தமிழ் நாட்டில்
தமிழிற்கேன் பஞ்சம்?
தமிழை விற்று
பதக்கம் வாங்கும்
தமிழா கேள் கொஞ்சம்…

கம்பனின் வரிகள்…
வள்ளுவன் குறள்கள்…
பாரதி கவிகள் எங்கே?
தொன்று தொட்டு…
பழமை பாடும்…
தமிழர் பெருமை எங்கே?

என் தமிழ்மொழி மேல் உனக்கேனிந்த கொலைவெறிடா…? – தமிழா
என் தமிழ்மொழி தாய்மொழி செம்மொழி பாவமடா – தமிழா

யேசு, புத்தன்,
காந்தி சொன்ன
அகிம்சை வழியைக் கேளு – தினம்

தமிழின் செழுமை
படித்து வந்தால்
தணியும் கொலவெறி பாரு..!
ஆஸ்கார் வாங்கிய
தமிழன் சபையில்
பெருமை சேர்த்தான் தமிழில்
செம்மொழி பாடிய
புரட்சிக் கவிஞன்
தன்னுயிர் கலந்தான் தமிழில்..!

தமிழை வாழவை இல்லை வாழவிடு
இன்னும் தாங்காதடா மனசு
தமிழன் என்றுசொல்லு தலை நிமிர்ந்து நில்லு
நமக்கு அதுமட்டுந்தான் இருப்பு

தமிழுக்காக உழைத்தவனெல்லாம்
வாய்ப்பைத் இழந்து நின்றான்…
தமிழை விற்றுப் பிழைச்சவனெல்லாம்
நான் தான் கலைஞன் என்றான்…

பணத்திற்காக படைப்பவன் எவனும்
உண்மைக் கலைஞனில்ல – அவன்
கொடுத்ததெல்லாம் ருசிப்பவன் என்றால்
அவனும் ரசிகனில்ல

என் தமிழ்மொழி மேல் உனக்கேனிந்த கொலைவெறிடா – தமிழா
என் தமிழ்மொழி தாய்மொழி செம்மொழி பாவமடா – தமிழா

யாழ்ப்பாணம் என்றும் செந்தமிழுக்கு இலக்கணம்டா – தமிழா
எம் தாய் மொழி காப்பது தமிழன் உன் கடமையடா

சிந்தியுங்கள் தமிழர்களே - பகுதி 1

2011-12-29T14:40:00.000-08:00

ரஜினி அவர்கள் தன் கறுப்புப் பணத்தில் தான் இராகவேந்திரா மண்டபம் கட்டினார் என்று இளங்கோவன் அறிக்கை விட, உடனே ரஜினி ரசிகர்கள் இளங்கோவனின் கொடும்பாவியை எரிக்கிறார்கள்.

கேரளா நம்மிடம் தண்ணீர் இல்லை என்று கூறியபோது, வராத கோபம் இப்போது வந்து என்ன பயன்? உண்மை எது, மாயை என்று உணர வேண்டிய நேரம் இது. சினிமாகாரர்களிடம் நாம் அடிமையாகி சீரழிந்தது போதும். சினிமாகாரர்களை தலையில் வைத்து கொண்டாடுவதை தவிர்த்து, நாம் செய்ய வேண்டிய கடமைகளைப் பற்றி சிந்திக்க வேண்டும்.

சினிமாவும், சினிமாகாரர்களும் மட்டும் நம் வாழ்க்கையில்லை. ஏதாவது ஒரு சினிமாகாரனுக்கு ரசிகன் ஆவதும், அவர் என்ன படம் நடித்தாலும் பிரமாதம் என்று சொல்வதும், படம் நன்றாக இல்லை என்பவரை அடிக்க செல்வதும் மூட்டாள் தனமாக இல்லையா?

தமிழர்களாகிய நாம், நம்முடைய பண்டை பழக்க வழக்கங்களை மறந்து சினிமாவினால் சீரழிந்து போகிறோம். நாகரீகம் என்ற பெயரில் நாளுக்கு நாள நாசமாகி வருகின்றோம். குடிப்பது இக்காலத்தில் சர்வ சாதாராணமாகி விட்டது. “சனிக்கிழமை இரவு முழுக்க முழுக்க குடித்தேன்” என்று பேஸ்புக்கில் ஒருவர் பதிவு செய்கிறார். அதற்கு பல பேர் லைக் செய்கிறார்கள். “ஏன் என்னை கூப்பிடவில்லை என்று பல பேர் கமெண்ட் அடிக்கிறார்கள்”. குடிப்பது நம் வாழ்க்கை முறையில் எவ்வளவு அழுத்தமாக பின்னிக் கொண்டிருக்கிறது என்பதை தெள்ளத் தெளிவாகவே அது காட்டுகிறது. இந்த அவல நிலைமை வருவதற்கு என்ன காரணம் என்று சிந்தித்தது உண்டா அருமை தமிழர்களே. சினிமாவை தவிர வேறு என்ன காரணம் சொல்ல முடியும்.

எம் ஆர் ராதா இதைப்பற்றி அன்றைக்கே ஒன்றை சொன்னார்.“நடிகர்கள் மோசக்காரர்கள். வரி ஏய்ப்பு செய்பவர்கள். அவர்களை நீங்கள் கடவுள் போல நினைப்பது மூட்டாள் தனம். சிந்தியுங்கள் மக்களே”. நாம் அவர் சொன்னதை கேட்கவில்லையே. இப்பொழுதும் நமக்கு உண்மை விளங்கவில்லையென்றால் அந்த கடவுள் கூட நம்மை காப்பாற்ற முடியாது.

இதற்கு நம் தலைமுறையிலேயே ஒரு தீர்வு காணப்பட வேண்டும். இல்லையென்றால் நம்முடைய அருமையான கலாசாரம் காணாமல் போவதற்கும், அது மூலம் நம் தமிழ் மொழி அழிவதற்கும் ஒரு பெரிய காரணமாக அமைந்துவிடும்.(இதன் தொடர்ச்சியைப் படிக்க கீழே பார்க்கவும்.)

திரைப்பட விமர்சனம்/Movie Reviews

2011-12-26T03:03:00.000-08:00

திரைப்பட விமர்சனம்/Movie Reviews

மௌன குரு - படம் எப்படி இருக்கு??

Poraali - Movie review

Mayakkam Enna - Movie Review

ஒஸ்தி - படம் எப்படி??

ஏன் நண்பன் படம் எனக்கு பிடித்திருந்தது

மௌன குரு - படம் எப்படி இருக்கு??

2011-12-26T00:32:00.000-08:00

அருள்நிதி நடித்த முந்தைய இரண்டு படங்களை நான் பார்க்கவில்லை. பெரும்பாலும் யாருமே பார்த்திருக்க மாட்டார்கள். திமுக ஆட்சியில் இருந்தபோது வெளிவந்ததால், திமுகவினர் மட்டும் பார்த்திருக்கலாம். முதல் இரண்டு படங்களுமே தோல்வி படங்கள். மூன்றாவது படத்தில் ஜெயித்தாக வேண்டும் என்ற எண்ணம் படம் துவங்குவதற்கு முன் கட்டாயம் இருந்திருக்கும். இந்த படத்தில் வேலை செய்து இருக்கும் அனைவரும் புது ஆட்களாகவே தெரிகின்றனர். இயக்குனர் சாந்த குமார் அவர்களுக்கும் முதல் படம்.

இயக்குனர் அவர்களுக்கு பணக்கார தயாரிப்பாளர் கிடைத்திருந்தாலும், படத்தின் பட்ஜெட் அதிகம் இல்லை என்பது சொல்லப்பட்டிருக்கும். தயாரிப்பாளரின் மகன் தான் ஹீரோ, ஆனால் அவருக்கு நடிக்கும் திறன் அதிகம் இல்லை என்பதும் அவருக்கு தெரிந்திருக்கும். வேலை செய்ய போகும் தொழில்நுட்ப கலைஞர்கள் அனைவருமே புதியவர்கள், இசையமைப்பாளர் தமனைத் தவிர.

ஒரு சராசரி இயக்குனருக்கு இப்படி ஒரு டீம் கிடைத்திருந்தால் என்ன செய்திருப்பார்கள்?தமனை வைத்து ஒரு ஜந்து பாடல்கள் உருவாக்கியிருப்பாளர்கள். நடனம் ஆடத் தெரியாத ஹீரோவைக் கொடுமைச் செய்து ஆட வைத்து, பார்க்கும் மக்களுக்கு வெறுப்பை உண்டாக்கி இருப்பார்கள். ஹீரோ அரசியல் குடும்பத்தில் இருப்பதால், ஒரு ஆக்‌ஷன் ஸ்டோரி ஒன்று தயார் செய்திருப்பார்கள். குறைந்தது நூறு பைட்டர்களை வைத்து, அங்கும் இங்கும் பறப்பது போல் நிறைய ஷ்டண்ட் காட்சிகளும், பஞ்ச் வசனங்களும் வைத்திருப்பார்கள்.

ஆனால், இந்த படத்தின் இயக்குனர் சாந்தகுமார் இப்படி செய்யவில்லை. இருக்கும் ஹீரோவிற்கு ஏற்ற மாதிரி ஒரு கதை தயார் செய்திருக்கிறார். படத்தில் தேவையில்லாமல் பாடலை திணிக்காமல், கதையுடன் ஓட்டி வருவது போல் சில பாடல்களை மட்டும் வைத்திருக்கிறார். அதற்காக இயக்குனருக்கு ஒரு சபாஷ்.

ஒரு சராசரி இளைஞனின் வாழ்க்கையை கண் முன்னாடி பார்ப்பது போல் இருக்கிறது. சினிமா மாதிரி உணர்வே வராது. அவ்வளவு யதார்த்தம். வராத நடிப்பை கஷ்டப்பட்டு நடித்தால், அது திரையில் தெளிவாக காட்டிக் கொடுத்து விடும். அதனால் இந்த படத்தின் ஹீரோ அவர் பாணியில் யதார்த்தமாக நடித்திருப்பது மிகவும் இயல்பாக இருக்கிறது. படம் பார்க்கும் மக்களுக்கு இந்த படத்தின் மீது ஒரு நம்பிக்கையை உருவாக்குகிறது. படம் தொடங்கி சில நிமிடங்களில், தங்கள் டிக்கெட் காசு வீணாகவில்லை என்பதை மக்கள் உணர்வார்கள்.

ஹீரோவின் அண்ணன் காதல் திருமணம் செய்து கொண்டு சென்னையில் மனைவியுடன் தங்கியிருக்கிறார். ஒரு கட்டத்தில் ஹீரோவும் , அவரது அம்மாவும் சென்னை செல்லும் அவசியம் ஏற்படுகிறது. அப்போது ஹீரோ பேசும் வசனங்கள் நெஞ்சில் நிற்கும்.

1) எப்படியோ, உன்னோட வேலை நடந்திருச்சு.(கைக்குழந்தையை பார்த்துக்க ஆள் கிடைச்சாச்சு)
2) தன் தம்பியை ஒரு நாள் கூட தன் வீட்டில் தங்க வைக்காத அண்ணன். ஆனால் தன் மனைவியின் தங்கை அந்த வீட்டிலேயே தங்கி படிக்கிறார். இது தெரிய வரும் காட்சியில், ஹீரோ தன்னுடைய ஆதங்கத்தை யதார்தமாக வெளிப்படுத்தி இருக்கிறார்.
3)”இவனை வச்சிக்கிட்டு நான் எப்படி நல்லா இருக்கிறது” என்று அம்மா ஹீரோயினிடம் சொல்ல, “ஏங்க இப்படி. நான் போன அப்புறம், என்னை பற்றி நிறைய சொல்லுவாங்க. பொறுமையா கேட்டுக்கொங்க” என்று ஹீரோ சொல்லும் வசனங்கள் மிகவும் யதார்த்தம்.

இது மாதிரி படத்தில் இருக்கும் அனைத்து வசனங்களும், உங்கள் வாழ்க்கையில் பேசும் வசனங்களைப் போல் யதார்த்தமாக இருக்கும்.
படத்தின் ஹீரோயின் இனியா. வாகை சூட வா படத்தின் மூலம் நடிக்க தெரிந்த நடிகை என்று பெயர் பெற்றவர். இந்த படத்தில் இவருக்கு நிறைய காட்சிகள் இல்லை. ஆனால், வரும் காட்சிகளில் தன் யதார்த்த நடிப்பால் நம் மனதை கவர்ந்து விடுகிறார்.

படத்தின் கதையைப் பற்றி இங்கு சொல்லமாட்டேன். அது சுவாராசியத்தைக் குறைத்து விடும். விறுவிறுப்பான ஒரு படம். அடுத்து என்ன நடக்கும் என்று ஒரு ஆவலை கூட்டிக் கொண்டே போகும்.

போலீஸ்காராக வரும் ஜான் விஜய் நடிப்பில் அசத்தியிருக்கிறார். ஒரு போலீஸுக்கான மிடுக்கு அவரிடம் யதார்த்தமாக தெரிகிறது. உமாரியாஷ் கான் கற்பினி போலீஸ் வேடத்தில் பிரமாதமாக நடித்து இருக்கிறார். எவ்வளவு யதார்த்தம். நடிப்பில் அப்படி ஒரு முதிர்ச்சி தெரிகிறது. இந்த இருவருமே காமெடியில் தான் கலக்கி கொண்டு இருந்தார்கள். இவர்களுக்குள் இருக்கும் நடிப்பு திறமையை வெளிக்கொண்டு வந்த இயக்குனருக்கு நன்றி.

இந்த படம் முடியும் போது, ஒரு நல்ல படம் பார்த்த திருப்தி ஏற்படும். இந்த படத்தின் மூலமாக இயக்குனர் சொல்வது இது தான்.

“எந்த சூழ்நிலையிலும், தவறு செய்யக் கூடாது. ஒரு தவறு செய்தால், அதை மறைக்க பல தவறுகளை செய்ய வேண்டிஇருக்கும். அதனால் எப்போதும் பயத்துடன் வாழ வேண்டியிருக்கும். நிம்மதி என்பது காணாமல் போய்விடும்”

பெண்களே, சேலையில் பைக்கில் பயணம் செய்யும் போது ஜாக்கிரதை..

2011-12-25T15:34:00.000-08:00

பெண்கள் சேலை கட்டிக் கொண்டு, பைக்கில்(இரு சக்கர வாகனம்) செல்லும் போது தங்கள் இரண்டு கால்களையும் ஒரே பக்கத்தில் வைத்துக் கொண்டு பயணம் செய்வார்கள்.

சேலை கட்டியிருப்பதால், ஆண்களைப் போல், இரு பக்கம் காலை வைத்துக் கொள்ள முடிவதில்லை. சுடிதார், ஜீன்ஸ் அணியும் பெண்களுக்கு இந்த பிரச்சனை இல்லை

ஒரு பக்கத்தில் உட்காருவதால் நிகழும் ஆபத்து என்ன??

வண்டியை ஓட்டுபவர் வண்டியை ஒட்டுவதில் வல்லவராகவே இருக்கலாம். ஆனால் தெருவில் வண்டி ஓட்டும் அனைவரும் அப்படி இருப்பார்கள் என்று சொல்ல முடியுமா?

அதனால் நாம் சரியாக வண்டியை ஓட்டினாலும், விபத்துகளைத் தவிர்க்க முடியாது. எனவே விபத்து ஏற்பட்டாலும், உயிருக்கு பாதிப்பு ஏற்படாதவாறு முன்னெச்சரிக்கையுடன் இருக்க வேண்டும். என்ன செய்ய வேண்டும்??

பின்னால் உட்கார்ந்து இருப்பவரும், தலைகவசம் அணிய வேண்டும். ஏன் அணிய வேண்டும்?

பின்னால் பெண் ஒரு பக்கத்தில் உட்கார்ந்து இருக்கும் போது, ஒரு வேளை தன் வண்டியை வேறு எவறாவது லேசாக இடித்து விட்டால் வண்டியின் balance போய் சாயத் தொடங்கும். அப்படி சாயும் போது, வண்டியை ஓட்டுபவர், சாய்வதை உணர்ந்து தன் காலால் அதை தாங்கிடுவார். அவர் காலால் தாங்குவதற்கு முன், பின்னால் அமர்ந்திருக்கும் பெண், balance இழந்து நிலை தடுமாறி கீழே விழுந்து விடுவார்.

அப்படி விழும் போது, அவர் தலையில் அடிப்படுவதற்கு நிறைய வாய்ப்புகள் இருக்கிறது. தலையில் அடிப்பட்டு, நினைவாற்றல் இழந்து பின்னர் உயிர் இழந்தவர்களும் உண்டு.எனக்கு மிகவும் நெருங்கிய சொந்தத்தில் ஒருவருக்கு இந்த கோர சம்பவம் நிகழ்ந்து அநியாயமாக உயிரை இழக்க நேர்ந்தது.

இன்னுமொரு உறவினர்(பெண்), இதே போல் விழுந்து, தலையில் அடிப்பட்டு கோமாவில் சில நாட்கள் இருந்து, கடவுள் அருளால் உயிர் பிழைத்து வந்தார். இது போன்று இன்னுமொரு சம்பவம் நடந்துவிடக் கூடாது என்பதற்காகவே நான் இதை எழுதுகிறேன். இதைத் தவிர்க்க என்ன செய்ய வேண்டும்?

1) சேலைக் கட்டியிருக்கும் போது, வண்டியில் பின் ஒரு பக்கமாக உட்கார்ந்து பயணம் செய்வதை தவிர்க்க வேண்டும். உடையை மாற்றிக் கொண்டு பயணம் செய்யலாமே! அதற்கு வழி இல்லாத பட்சத்தில், தலை கவசம் அணிந்து கொண்டு பயணம் செய்யலாம். அதுவும் இல்லையென்றால், காசு போனால் போகட்டும் என்று ஆட்டோ அல்லது டாக்சியில் பயணம் செய்யுங்கள். காசுக்காக பார்த்து, விலை மதிப்பில்லாத உயிரை இழந்துவிடக்கூடாது.

2) கைக் குழந்தையுடன் பயணம் செய்யும் போது, தலைகவசம் அணிந்தாலும், ஒரு பக்கமாக உட்கார்ந்து பயணம் செய்ய உட்காரவே கூடாது.

பெண்கள் சேலை அணிவதைத் தான் ஆண்கள் விரும்புவார்கள். அவர்கள் விருப்பத்துக்கு எதிராக நீங்கள் ஜீன்ஸ் அணிந்து செல்ல வேண்டும் என்று நான் சொல்லவில்லை. சேலை உடுத்திக் கொண்டு பயணம் செய்தாலும், மேற்சொன்னபடி பாதுகாப்பாக பயணம் செய்ய வேண்டும். அது தானே புத்திசாலித்தனம்.

“வரும் முன் காப்போம். உயிரைக் காப்போம்”

சுவாமி விவேகானந்தரின் வாழ்வில் ஒரு அற்புதமான சம்பவம்

2011-12-24T16:14:00.001-08:00

என்சைக்ளோபீடியாவின் புதிய பதிப்பு ஒன்று சுவாமியின் மடத்தில் இருந்தது. மொத்தம் இருபத்தைந்து பெரிய தொகுதிகள் கொண்டது அந்த நூல். அவர் அதைப் படிக்க ஆரம்பித்தார். அவருடைய மன ஒருமைப்பாடு அபாரமானது. வெகு விரைவிலேயே அவர் பத்து தொகுதிகளை முடித்துவிட்டு, பதினொன்றாவதை ஆரம்பித்திருந்தார். அப்போது அங்கு வந்த ஒரு சீடர் அந்த நூல் வரிசையைக் கண்டு, ‘ஒருவன் வாழ்நாள் முழுவதும் படித்தாலும் இத்தனை நூல்களையும் முடிக்க முடியாது’ என்று கூறினார்.

‘அது எப்படி? நான் ஏற்கனவே பத்து தொகுதிகளை முடித்துவிட்டேனே! என்ன கேள்வி வேண்டுமானாலும் அதிலிருந்து கேள்’ என்றார் சுவாமி.

சீடர் ஒவ்வொரு தொகுப்பிலிருந்தும் மிகக் கடினமான கேள்விகளைக் கேட்க சுவாமி அவற்றிற்குச் சரியாக விடையளித்தார். சிலவற்றில் அவர் நூலில் கொடுக்கப்பட்ட அதே சொற்களைக் கூறினார்.

‘இது மனிதத் திறமைக்கு அப்பாற்பட்ட செயல்’ என்றார் சீடர்.

‘இது மன ஒருமைப்பாட்டின் பலன். தூய வாழ்க்கை வாழும் ஒருவர் இத்தகைய மன ஒருமைப்பாட்டைப் பெற முடியும்’ என்றார் சுவாமி விவேகானந்தர்.

ஒன்று தான்!!

2011-12-24T12:33:00.000-08:00

மதங்கள் பல இருக்கலாம். ஆனால் இறைவன் ஒன்று தான்.
குணங்கள் பல இருக்கலாம். ஆனால் இனம் ஒன்று தான்.
ரணங்கள் பல இருக்கலாம். ஆனால் அதை தாங்கும் இதயம் ஒன்று தான்.
ஆசைகள் பல இருக்கலாம். ஆனால் அதை உருவாக்கும் மாயை ஒன்று தான்.

ஒலிகள் பல இருக்கலாம். ஆனால் அதை கேட்கும் காதுகள் இரண்டு தான்.
ஒளிகள் பல இருக்கலாம். ஆனால் அதை பார்க்கும் கண்கள் இரண்டு தான்.
நாட்கள் பல இருக்கலாம். ஆனால் பொழுதுகள் இரண்டு தான்.

உறவுகள் பல இருக்கலாம். ஆனால் தாய் தந்தை ஒன்று தான்.
பொய்கள் பல பேசலாம். ஆனால் உண்மை ஒன்று தான்.
காதல் பல செய்யலாம். ஆனால் திருமணம் ஒன்று தான்.
நேரம் ஒடிக் கொண்டே இருக்கலாம். ஆனால் கடிகாரம் ஒன்று தான்.

பாதைகள் பல இருக்கலாம். ஆனால் பயணம் ஒன்று தான்.
நிறைய எழுத வேண்டும் என்று என் மனம் நினைக்கலாம்.
ஆனால் எழுதவது எப்பொழுதோ ஒன்று தான்.

அழிந்து வரும் குருவி இனம் - அழிப்பது மனித இனம்

2011-12-24T03:44:00.000-08:00

சிட்டுக்குருவிகளின் சுறுசுறுப்பைப் பார்த்திருக்கீறீர்களா? அருகில் ரசித்திருந்தால் அதன் அருமைப் புரியும். ஆம். எங்கள் வீட்டில் கூட சிட்டுக்குருவிகளின் கீச்சுக் குரல்கள் எங்கும் கேட்டுக்கொண்டிருக்கும். குருவிகள் என் வாழ்க்கையின் ஒரு அங்கமாகவே இருந்தது.

துணி காயப்போட கட்டியுள்ள கயிற்றில், தினமும் ஒரு குருவி இரவில் உட்கார்ந்து கொண்டே தூங்கும். எனக்கு ஒரு பத்து வயது ஆகும் வரை அதை நான் பார்த்து இருக்கிறேன். அதன் பிறகு, அது தன் இருப்பிடத்தை எங்கள் வீட்டின் மூலையில் ஓடாத ஒரு கடிகாரத்தின் மேல் அமைத்தது. அங்கு தான், அந்த குருவி தன் இனத்தைப் பெருக்கியது.

அந்த குருவியும், அதனுடைய மனைவியும் தங்களின் வாரிசான சின்ன குருவிக்கு பறக்க சொல்லிக் கொடுக்கும் காட்சிகள் இன்றைக்கும் என் மனதில் இருக்கிறது. சின்ன குருவிக்கு கொஞ்சம் உணவு ஊட்டி விட்டு, பெரிய குருவி பறந்து போய் மேலே நிற்கும், அங்கிருந்து கீச் கீச் என்று கத்தும். “வா பறந்து வா, உணவு தருகிறேன்” என்று தான் கூறியிருக்கும். அதற்கு சின்ன குருவியும் கீச் கீச் என்று கத்தும். ஒரு வேளை “எனக்கு பயமாக இருக்கு அம்மா. நீ இங்கே வந்து எனக்கு ஊட்டி விடேன்” என்று சொல்லிருக்குமோ.

அதன் பிறகு தாய் குருவி கொஞ்சம் கீழே இறங்கி வரும். அதன் பிறகு இந்த சின்ன குருவி பயந்து கொண்டே பறந்து போய் தாயின் அருகில் நிற்கும் காட்சி கண் கொள்ளாக் காட்சியாக இருக்கும். தன் வாரிசு பறக்கிறது என்ற ஆனந்தத்தில் தாயும், தன்னால் பறக்க முடிகிறது என்ற ஆனந்தத்தில் சின்ன குருவியும் பேசிக் கொள்ளும் காட்சிகள் அருமையாக இருக்கும்.

பின்னர் படிப்படியாக, அந்த குருவி நன்றாக பறக்க கற்றக் கொண்டது. அதன் பிறகு தனக்கு துணையை தேர்ந்தெடுத்து வேறு இடத்தில் வாழ்ந்தது. தினமும் காலை, எல்லாரும் எங்கள்
வீட்டில் ஆஜர் ஆவது தினமும் தவறாமல் நடக்கும்.

தினமும் அதற்கு அரிசி வைப்பதும், படித்துக் கொண்டே அவை உணவு உண்பதையும் நான் ரசித்துக் கொண்டு இருப்பேன். என்ன ஒரு இனிமையான வாழ்க்கை இந்த குருவிகளுக்கு என்று
அவ்வப்போது நான் நினைப்பதுண்டு.

ஆனால் சமீபகாலமாக குருவிகள் எங்கள் வீட்டிற்கு வருவதில்லை. அக்கம்பக்கத்திலும் குருவிகளைப் பார்க்க முடிவதில்லை. அவை எங்கே போனது?

60 கோடி மொபைல் போன்களுக்கு 5 லட்சம் டவர்கள் அமைக்கப்பட்டுள்ளன. இதில், ஏற்படும் மைக்ரோ வாய்ஸ் அதிர்வால் 30 சதவீத சிட்டுக்குருவிகள் அழிந்து விட்டனவாம். குருவி கூட்டை அழித்தால் பெரும் பாவம் வந்து சேரும் என்று நம் முன்னோர்கள் சொல்லுவார்கள். ஆனால் அறிவியல் முன்னேற்றம் என்ற பெயரில், நாம் அதன் இனத்தை ஒட்டு மொத்தமாக அழ்க்கிறோமே? அது பாவம் இல்லையா.

3g மைக்ரோ வாய்ஸ் அதிர்வால் குருவிகள் இனம் அழிந்து வருகிறது. வருங்காலத்தில் 4g, 5g, .. 10g என்று வரும் போது அதன் வலிமையான கதிர் வீச்சால், மனித இனத்திற்கும் ஆபத்து வருமே. அப்போது தான் அறிவியல் என்ற பெயரில் நமக்கு நாமே செய்து கொள்ளும் தீமைகள் பற்றி நமக்கு புரிய வருமோ??

எது எப்படியோ, 2012 உலகம் அழிந்து விடும் என்று ஒரு தரப்பு மக்கள் நம்புகிறார்கள். இப்படி குருவி போல் ஒவ்வொரு இனத்தை அழித்து விட்டு பெரும் பாவமூட்டைகளுடன் இறப்பதற்கு, நாம் எல்லாரும் ஒன்றாக இறந்து விடுவதே மேல்.

Nanban Trailer - நண்பன் டிரயிலர்

2011-12-24T02:49:00.000-08:00

Click here to see Nanban Trailer

ஏ ஆர் ரகுமான் கிட்ட அவங்க அப்பா போய், நீ பெரிய பேட்ஸ்மேன்
ஆகனும் சொல்லிருந்தாலோ,
சச்சின் கிட்ட அவங்க அப்பா போய், நீ பெரிய மியுசிக் டைரக்டர்
ஆகனும் சொல்லிருந்தாலோ, என்ன ஆயிருக்கும், யோசிச்சுப்பார்?

வெற்றிக்கு பின்னாடி போகாத.
உனக்கு பிடிச்ச துறையை தேர்ந்த்தெடுத்துக்கோ.
அதுல உன் திறமையை வளர்த்துக்கோ.

கடுமையா உழைச்சிக்கிட்டே இரு.
வெற்றி automatic ha உன் பின்னாடி வரும்.

இருக்காண்ணா - நண்பன் பாடல் வரிகள்

2011-12-23T17:00:00.000-08:00

பாடியவர்கள் - விஜய் பிரகாஷ், ஜாவித் அலி மற்றும் பலர்
பாடல் - பா. விஜய்

பல்லவி
இருக்காண்ணா
இடுப்பிருக்காண்ணா
இல்லையாணா இலியானா

உன் இடைதானா - இன்பக்
கடை தானா மெல் இடைதாண்டி
குடைதானா

அட இக்கனி முக்கனி முகடு
நான் துத்த நாகத் தகடு
ஒன் ஒதட்டுக்குள் எத்தன ஒதடு
ஒன்னு குடு குடு

அடி அஞ்சன மஞ்சன மயிலு
நீ கஞ்சன் ஜங்கா ரயிலு
ஒன் இடுப்பே ஆறாம் விரலு
நீ கிள்ளு கிள்ளு

ஒல்லி பெல்லி ஜெல்லி பெல்லி
மல்லி வாச மல்லி
ஒம்மேனி வெங்கல வெள்ளி

சொல்லி சொல்லி உன்ன அள்ளி
கிள்ளி கன்னம் கிள்ளி
விளையாட வந்தவன் கில்லி

சரணம் - 1
ஒருவாட்டி இடுப்பாட்டி
மலை எறக்க எறக்கத்துல தள்ளேன்!
இடங்காட்டி தடம்காட்டி
யென்ன அறக்க பறக்க வந்து கொல்லேன்

அடங்காட்டி மடங்காட்டி
வாய் ஒறைக்க ஒறைக்க முத்தம் வையேன்
படங்காட்டி பயங்காட்டி
நெஞ்சு எறைக்க எறைக்க தப்பு செய்யேன்

நான் சின்ன பையன்
நீ கண்ண வையேன்
நான் சொன்னா செய்யேன்
வா வாயில் வாழ வாயேன்

சரணம் - 2

லயிச்சானா லயிச்சானா - இதழ்
லவங்கம் லவங்கம் கடிச்சானா
இனிச்சானா இனிச்சானா - வாய்
மடலில் கடல தினிச்சானா

கொழுக்கானா மொழுக்கானா - நல்லா
பழுத்துப் பழுத்து தளுக்கானா
இழைச்சானா கொழைச்சானா - ரொம்ப
செதுக்கி செதுக்கி ஒழைச்சானா

நீ செங்கிஸ்தானா
இனி ஒங்கிஸ் தானா
நான் மங்குஸ் தானா
ஒங் கையில் கஜகஸ்தானா

ஹார்ட்டிலே பேட்டரி - நண்பன் பாடல் வரிகள்

2011-12-23T16:40:00.000-08:00

பாடியவர்கள் :ஹேமசந்திரன், முகேஷ்
பாடல் :நா.முத்துக்குமார்

பல்லவி
ஹார்ட்டிலே பேட்டரி
சார்ஜுதான் All is well
தோல்வியா டென்ஷனா
சொல்லிடு Allis well

டைட்டாக லைஃபே ஆனாலும்
லூசாக நீ மாறு!
வவ்வாலை போலே நீ வாழ்ந்தால்,
பூமி எங்கும் தொங்கும் தோட்டம்

கேண்டீன் கடையிலே நூலைக் கண்டால் All is well
நூலைக் கொண்டு வா பட்டம் விடுவோம்
மாசக் கடையிலே கிங்ஸும் தீர்ந்தால் All is well
துண்டு பீடியில் நட்பைக் கோர்ப்போம்!

சரணம்-1
எலே வெள்ள சொக்கா கையில் என்ன புக்கா
Educated look-ஆ சீன் போடாதே!
எலே மக்கா மக்கா மக்கடிக்கும் மாக்கா
ஒத்தக் காலு கொக்கா - நீ
மார்க்க கொத்தி நோகாதே!

மூச்ச மூட்டும் பாடல் எல்லாம் சோடா கோலியா - நீ
லோடு மேலே லோடு ஏத்த மூளை லாரியா
மூளையைத்தான் மூட்டைக்கட்டு
Follow your heart-டு beat-டு route-டு

டாப்பர் என்பதால் ஹீரோ இல்லை All is well
டாபிக் மாறினால் அவனும் ஜீரோ
ஜோக்கர் என்பதால் ஜீரோ இல்லை All is well
சீட்டுக் கட்டிலே நீதான் ஹீரோ

சரணம்-2
நீயும் கூட ப்ரம்மா
டேபில் டெஸ்க் டரம்மா
மாத்திக் குத்து கும்மா ட்யூன் போடம்மா!!

ஸ்டூடண்டஸ் என்ன யம்மா
செல்லுக்குள்ள சிம்மா
பூட்டி வைக்கலாமா
நாம் எஸ்கேப் ஆகி போவோமா?

பாத்ரூம் தாழ்ப்பாள் இல்லை என்றால்
பாட்டுப் பாடேண்டா
ஒரு டி.எம்.எஸ்ஸா ஜேசுதாஸா
ஆவோம் வாயேண்டா
மூளையைத்தான் மூட்டைகட்டு
Follow your heart-டு beat-டு route-டு

ஹாஸ்டல் ரூமுக்குள் பாம்பும் வந்தால் All is well
தேர்வில் வாங்கிய முட்டை நீட்டு!
பீரு அடிச்சிதான் தொப்பை போட்டா All is well
நீயும் ஆகலாம் போலீஸ் ஏட்டு!

நல்ல நண்பன் - நண்பன் பாடல் வரிகள்

2011-12-23T16:10:00.000-08:00

பாடியவர் :ராமகிருஷ்ணன் மூர்த்தி
பாடல் : நா. முத்துக்குமார்

நல்ல நண்பன் வேண்டும் என்று
அந்த மரணமும் நினைக்கின்றதா?
சிறந்தவன் நீதான் என்று
உன்னை கூட்டிச் செல்ல துடிக்கின்றதா?

பல்லவி
இறைவனே இறைவனே
இவனுயிர் வேண்டுமா?
எங்கள் உயிர் எடுத்துக் கொள்
உனக்கது போதுமா?

இவன் எங்கள் ரோஜாச் செடி
அதை மரணம் தின்பதா?
இவன் சிரித்து பேசும் நொடி
அதை வேண்டினோம் மீண்டும் தா!

சரணம்
உன் நினைவின் தாழ்வாரத்தில்
எங்கள் குரல் கொஞ்சம் கேட்கவில்லையா?
மனமென்னும் மேல்மாடத்தில்
எங்கள் ஞாபங்கள் பூக்கவில்லையா?

இறைவனே இறைவனே
உனக்கில்லை இரக்கமா?
தாய் இவன் அழுகுரல்
கேட்டபின்னும் உறக்கமா?

இறுதி பல்லவி
வா நண்பா வா நண்பா
தோள்களில் சாயவா!
வாழ்ந்திடும் நாளெல்லாம்
நான் உன்னைத் தாங்க வா!!

எந்தன் கண் முன்னே - நண்பன் பாடல் வரிகள்

2011-12-23T15:53:00.000-08:00

பாடியவர் : ஆலாப் ராஜீ
பாடல் : கார்க்கி

பல்லவி
எந்தன் கண்முன்னே
கண்முன்னே
காணாமல் போனேனே
யாரும் பார்க்காத
விண்மீனாய்
வீணாய் நான் ஆனேனே

இதயம் கிழியும் ஒலி கேட்டேன்
இதையா இதையா எதிர்பார்த்தேன்

சரணம்
மழை கேட்கிறேன்
எனை எரிக்கிறாய்
ஒளி கேட்கிறேன்
விழிகளை பறிக்கிறாய்

கனவை கனவை கலைத்தாயே
தொடர்ந்திட விடுவாயா?
வலிகள் வலிகள் கொடுத்தாயே
நான் உறங்கிட விடுவாயா?

என் ஃப்ரண்ட போல - நண்பன் பாடல் வரிகள்

2011-12-23T15:33:00.000-08:00

பாடியவர்கள் - க்ரிஷ், சுசித் சுரேசன்
பாடல் - விவேகா

பல்லவி
என் ஃப்ரண்ட போல
யாரு மச்சான் - அவன்
Trenda எல்லாம்
மாத்தி வச்சான்
நீ எங்க போன
எங்க மச்சான் - என
எண்ணி எண்ணி ஏங்க வச்சான்

நட்பால நம்ம நெஞ்ச தெச்சான்
நம் கண்ணில் நீர பொங்கவச்சான்

சரணம்
தோழனின் தோள்களும்
அன்னை மடி - அவன்
தூரத்தில் பூத்திட்ட
தொப்புள் கொடி

காதலை தாண்டியும் உள்ளபடி
என்றும் நட்புதான் உயர்ந்தது பத்துப்படி

உன் நட்பை நாங்கள் பெற்றோம்
அதனாலே யாவும் கற்றோம்
மேலே மேலே சென்றோம்
வான்மேகம் போல நின்றோம்

புது பாதை நீயே போட்டுத்தந்தாய்
ஏன் பாதி வழியில் விட்டு சென்றாய்
ஒரு தாயைத்தேடும் பிள்ளையானோம்
நீ இல்லை என்றால் எங்கே போவோம்

அஸ்க் லஸ்கா - நண்பன் பாடல் வரிகள்

2011-12-23T15:19:00.000-08:00

வரிகள் - கார்க்கி
குரல்கள் - விஜய் பிரகாஷ், சின்மயி
இசை - ஹாரிஸ் ஜெயராஜ்
இயக்கம் - ஷங்கர்

பல்லவி
அஸ்க் லஸ்கா ஏமோ ஏமோ - ஐ
அஸ்த் அஸ்த் லைபே
அஹாவா போலிங்கோ சிந்தா சிந்தா
இஷ்க் இஷ்க் மைலே - லவ்
இஷ்ட பிரேம பியாரோ பியாரோ
ஒரு காதல் உந்தன் மேலே

அத்தனை மொழியிலும்
வார்த்தை ஒவ்வொன்று கொய்தேன்
மொத்தமாய் கோர்த்துதான்
காதல் செண்டொன்று செய்தேன்.

உன்னிடம் நீட்டினேன்
காதலை காட்டினேன்..
ஏனோ தன்னாலே உன் மேலே
காதல் கொண்டேனே!
ஏதோ உன்னாலே என் வாழ்வில்
அர்த்தம் கண்டேனே!

சரணம்-1
ப்ளுட்டோவில் உனை நான் கூடேற்றுவேன்
விண்மீன்கள் பொறுக்கி சூடேற்றுவேன்
முக்கோணங்கள் படிப்பேன்
உன் மூக்கின் மேலே
விட்டம் மட்டம் படிப்பேன்
உன் நெஞ்சின் மேலே
மெல்லிடையோடு வளைகோடு நான் ஆய்கிறேன்.

ப்ளாட்டோவின் மகனாய் உன் வேடமா?
ஆராய்ச்சி நடத்த நான் கூடமா?
பாழும் நோயில் விழுந்தாய்
உன் கண்ணில் கண்டேன்
நாளும் உண்ணும் மருந்தாய்
என் முத்தம் தந்தேன்
உன் நெஞ்சில் நாடிமானி வைக்க
காதல் காதல் என்றே கேட்க

சரணம் - 2
தே ஜா வூ கனவில் தீ மூட்டினாய்
ராஜா என் மனதை ஏன் வாட்டினாய்
கப்பம் கேட்டு மிரட்டி - நீ
வெப்பம் கொண்டாய்
ரத்தம் மொத்தம் கொதிக்க என்
பக்கம் வந்தாய்
வெண்ணிலவாக இதமாக குளிரூட்டவா?

கண்ணாடி நிலவாய் கண் கூசினாய்
வெண்வண்ண நிழலை மண் வீசினாய்
புல்லில் பூத்த பனி நீ -
ஒரு கள்ளம் இல்லை
வைரஸ் இல்லா கணிணி - உன்
உள்ளம் வெள்ளை
நீ கொல்லை மல்லி முல்லை போலே
பிள்ளை மெல்லும் சொல்லைப் போலே

யாவரும் நலம் - நிச்சயம் பார்க்க வேண்டிய படம்

2011-12-18T04:37:00.001-08:00

யாவரும் நலம்

எத்தனை முறை பார்த்தாலும் அலுக்காத படம்!! சில வருடங்களுக்கு முன், அலுவலகத்தில் டீம் லிடருக்கு டிமிக்கி கொடுத்து விட்டு, சத்யம் தியேட்டர் போன போது, வேறு எந்த படத்திற்கும் டிக்கெட் கிடைக்கவில்லை. அன்று தான் யாவரும் நலம் படம் வெளியாகிறது. படத்திற்கு பெரிய எதிர்ப்பார்ப்பு இல்லாத காரணத்தால், முதல் காட்சி டிக்கெட் கிடைத்தது. வேறு வழியில்லாமல் போனேன். ஆனால், காட்சிகள் செல்ல, செல்ல இது போன்று ஒரு பேய் படத்தை யாருமே பார்த்திருக்க முடியாது என்று உணர்ந்தேன். ஒட்டு மொத்த மக்களும் மிகவும் உன்னிப்பாக படத்தைப் ரசித்து பார்த்தார்கள். இறுதியில் அனைவரும் எழுந்து நின்று கைதட்டி தங்களின் மகிழ்ச்சியை வெளிப்படுத்தினார்கள்.

இதுவரை ஆறு முறைப் பார்த்திருக்கிறேன். சற்றும் அலுக்கவில்லை. அருமையான படம். மாதவன் நடிப்பில் பட்டையை கிளப்பியிருக்கும் படம். இயக்குனருக்கு மனமார்ந்த நன்றி!!

நீங்கள் இந்த படத்தை இன்னும் பார்க்கவில்லை என்றால், கண்டிப்பாக பாருங்கள்.

படத்தை இங்கே பார்க்கவும்

ஒஸ்தி - படம் எப்படி??

2011-12-17T04:32:00.000-08:00

ஒஸ்தி -ஹிந்தியில் மாபெரும் வெற்றி பெற்ற டபாங்க் படத்தின் ரீமேக். கடந்த மாதம் டபாங் படத்தைப் பார்க்க வாய்ப்பு கிட்டியது. படத்தில் அப்படி ஒன்றும் இல்லை. ஒரு பக்கா தமிழ் கமர்சியல் மசாலா மாதிரி தான் இருந்தது. சல்மான்கான் நடித்த ஒரே காரணத்தால் தான் மாபெரும் வெற்றி பெற்றது என்று புரிந்து கொண்டேன். அந்த கதாபாத்திரத்திற்கு கனகச்சிதமாக பொருந்திருந்தார். இந்த வேடம் சிம்புக்கு செட் ஆகுமா என்று நான் மிகவும் வியந்தேன். எனினும் இயக்குனர் தரணி மேல் இருக்கும் நம்பிக்கையினால், அவர் தமிழில் இதைச் சிறப்பாக செய்வார் என்றும், சல்மான்கானின் நடிப்பை அப்படியே காப்பி அடிக்காமல், சிம்புவுக்கு ஏற்ற மாதிரி நடிக்க வைப்பார் என்று எதிர்பார்த்தேன். திரைக்கதையில் இருக்கும் ஓட்டைகளைத் அவர் அடைப்பார் என்றும் நினைத்தேன். ஏன் என்றால், கில்லி படத்தை தெலுங்கில் இருந்து தமிழி ரீமெக் செய்த போது, திரைக்கதையில் அசத்தும் விதமாக பல மாற்றங்களை செய்திருந்தார். ஒரிஜனலை விட ரீமெக் பிரமாதம் என்று அனைவரும் பாராட்டினார்கள்.

ஆனால் ஒஸ்தியை தரணி எப்படி கையாண்டு இருக்கிறார். ஒவ்வொரு சீனும் அப்படியே காப்பி அடித்து இருக்கிறார். காசு கொடுத்த ரீமெக் உரிமையை வாங்கியதனால், இப்படியா செய்ய வேண்டும்?? ஒரு வேளை இது சிம்புவும், அவரின் தந்தையின் அறிவுரைப்படி இப்படி செய்தாரா என்பது எல்லாம் கடவுளுக்கு தான் தெரியும்.

கதைக்கு வருவோம். இறுக்கமாக உடை அணிந்தால், போலீஸ் வேடத்தில் நடிக்கலாம் என்று சிம்புக்கு யார் சொன்னார்கள் என்று தெரியவில்லை. நிறைய சீன்களில், அவர் சாமி விக்ரம் போல், அவருடைய பைசப்ஸ் ஐ தொட்டு பார்க்கிறார். விக்ரம் செய்யலாம், அவர் அந்த அளவுக்கு உடம்மை ஏற்றி வைத்திருந்தார். ஆனால் சிம்பு அப்படி செய்வது நகைப்பாகவே இருக்கிறது.

”ல” “ல” என்று வார்த்தையுடன் சேர்த்து கொண்டால், திருநெல்வலி மக்களைப் போல் பேசுகிறார்கள் என்று நாம் எடுத்துக் கொள்ள வேண்டுமாம். யதார்த்தமாகவே தெரியவில்லை. மிகவும் கேவலமாக இருக்கிறது. சிம்பு அவர்கள் பறந்து பறந்து சண்டைப் போட்டு நம்மை கடுப்பேத்துகிறார். படத்துக்கு குஸ்தி என்று பெயர் வைத்திருக்கலாம். அவர் ரிச்சாவுடன் பேசும் காட்சிகளில், வசனங்கள் சுத்தமாக நன்றாக இல்லை. கில்லிக்கு வசனம் எழுதிய பரதன் அவர்களா, இந்த படத்திற்கு வசனம் எழுதினாரா என்று கேள்வியை எழுப்புகிறது.

மயக்கம் என்ன படத்தில் நடிப்பில் கலக்கிய ரிச்சாவை, இந்த படத்தில் ஒரு கவர்ச்சி பொம்மையாகவே வைத்து இருக்கிறார்கள். பாடல்கள் நன்றாக இருந்தாலும், படத்தில் பார்க்கும் போது, அது நன்றாக இல்லை என்றே சொல்ல வேண்டும். மொத்தத்தில் படத்தில் ஒன்றும் இல்லை. படம் பார்த்து விட்டு வெளியே வரும் போது, தலைவலி நிச்சயமாக இருக்கும்.

எஸ் டி ஆர் அவர்களே(இந்த வருசம் இப்படி தான் கூப்பிடனுமாம். இல்லைனா சார் கோபப்படுவார்), விண்ணைத்தாண்டி வருவாயா, வானம் என்று நல்லாதான போயிட்டு இருந்தது..ஏன் இந்த தேவை இல்லாத வேலை..

அம்மாவைப் பற்றி பேசும் ஒரு வசனம் மட்டும் தான் இந்த படத்தில் ஒஸ்தி. மற்றவை எல்லாம் செம நாஸ்தி!!

தமிழா விழித்திடு!!

2011-12-11T12:14:00.000-08:00

இலங்கையில் நம் உரிமையை கேட்டோம். அடித்தார்கள். எங்கள் உரிமையைத் தானே கேட்டோம். எதற்கு அடிக்கிறீர்கள் என்று கேட்டோம். மறுபடியும் அடித்தார்கள். திருப்பி அடித்தோம். தீவிரவாதிகள் என்று பெயரிட்டு இந்திய ராணுவத்தின் துணையோடு, தமிழ் இனத்தை ஒட்டு மொத்தமாக அழித்தார்கள்.

முல்லை பெரியார் அணையில் எங்கள் உரிமையைக் கேட்டோம். அடிக்கிறார்கள். திருப்பி அடித்தால், தமிழன் சண்டைக்காரன் என்கிறார்கள். இப்படியே சென்று கொண்டு இருந்தால், இந்திய வரைப்படத்தில் தமிழ்நாடு என்ற மாநிலம் மறைந்து போய்விடும். தமிழ் என்ற மொழியும் மறைந்து போய்விடும்.

இந்த பிரச்சனையைக் கண்டு கொள்ளாமல் ரஜினியின் பிறந்த நாளை எப்படி கொண்டாடலாம், சென்னைக் கிரிக்கெட் போட்டிக்கு எப்போது அனுமதிச்சீட்டு வாங்கலாம் என்று யோசித்துக் கொண்டு இருக்கும் சில தமிழர்களே, உங்களின் அறியாமையை என்னவென்று சொல்வது?

எழுந்திருங்கள். நம் தமிழ் இனத்தை காப்பாற்றி ஆக வேண்டும்.

Poraali - Movie review

2011-12-10T14:23:00.000-08:00

Poraali - A much expected movie from Director Samuthirakani after the blockbuster movie Nadodigal. Director sasikumar back to acting and joins with his friend after Nadodigal. Also Sasikumar produced this movie.

So, there were lots of expectations in this movie. SriLanka banned this movie because of the title of the movie. But sasikumar doesn't even bother about that. He didn't want to change the title just because not to loose some money from sri Lankan business.

We can always expect a nice and different movie when these two guys come together. So, I started seeing the movie with the mindset that I am going to see some different movie and the movie won't be one with masala stuff. The movie is starting with the voice of samuthirakani who talks few words which reveals the story of the movie. It was short, but sweet with director punch. It has such a mass introduction scene for Sasikumar. And audience loved it. The movie demanded such scene and it was perfect.

Kanja karuppu has done his best in the comedy part along with badava gopi. One would get the feel of not getting married if they see the scenes of badava gopi with his wife in the movie. And good to see the guy who acted as hero in the movie Kurumbu which released many years back. Three heroines did their best contribution. And above everything, its the performance of sasikumar which stands tall. He will be surely getting lots of applause from the audience in the scenes where he talks about the great people who are bachelors.

Hats off to the director who has written the screenplay in such a way that audience gets engaged with the movie till the end. I felt very much satisfied that I saw a nice movie. But the taste of the people differs. If you are one who is eagerly waiting for the release of Osthi, you are advised not see Poraali because you are masala lovers. And poraali is not a masala movie. It is a great movie with nice message.

Verdict - Must watch!!!

மயக்கம் போட்டதென்ன? - It version of Mayakkam Enna song

2011-12-10T07:11:00.000-08:00

ப்ராஜக்ட் என் ப்ராஜக்ட் இப்போ டெட்-லைனுல..
போச்சு தூக்கம் போச்சு அது மிட்-நைட்டுல..
.
.
மச்சி வாடா கிளம்பலாம்…
என்னை கோடிங் பண்ண விடுறா… நான் பண்ணியே தீர்வேன்….
.
.
சரி.. பண்ணி தொல….
.
.
ப்ராஜக்ட் என் ப்ராஜக்ட் இப்போ டெட்-லைனுல..
போச்சு தூக்கம் போச்சு அது மிட்-நைட்டுல..
காயம் புது காயம் என் ஃபிங்கருல..
பாழான ஃபிங்கர் இப்போ வெந்நீருல…
.
.
அடி டா மௌஸ..
ஒட டா கீ-போட..
கடி டா ஒயர… தேவையே இல்ல….
.
.
க்கொரியும் புரில…
கோடிங் தெரில….
சரியா வரல….
ஒன்னுமே இல்ல….
.
.
(சுத்துது சுத்துது தலையும் சுத்துது,
நைட்டு இன்னும் சாப்புடல…
பரவால பரவால, தூக்கம் தெளிஞ்சிடும்,
பேன்ட்ரீல குடிக்கிற காப்பியில…..)2
.
.
ஆயிரம் சொன்னியே, காதுல வாங்கல…..
ஆபீஸ்ல தங்குறேன், நெஞ்சு தான் தாங்கல…
சின்ன சின்னதா கோடிங் பண்ணி வச்சேன்…
ஆப்பு வச்சிட்டாங்க சைன்-ஆப்பில…..
.
.
நண்பன் அளுகிறான், கஷ்டமா இருக்கு…
அந்த கோடு அவ்வளவு வொர்த்தே இல்ல….
விசில் ஊதுற ஃபிங்கர் எல்லாம் விஷம் ஆகுதே என்ன சொல்ல…
ஓ….. ப்ளாக் இருக்கு, பே இருக்கு… பக்கத்துல ஃபிகரே இல்ல….
.
.
வேணாம் டா வேணாம் அந்த ஆன்ஸைட் மோகம்….
அங்க தான் போனா தினம் க்ளையன்ட்டின் சாபம்….
காலுக்கு போய் நான் கண்டேன் ஞானம்…
பட்டாச்சு சாமி எனக்கு இதுவே போதும்…
.
.
அடி டா மௌஸ..
ஒட டா கீ-போட..
கடி டா ஒயர… தேவையே இல்ல….
.
.
டென் மணி, இலவன் மணி… ஒரு மணி… நான் பலி…..
பேன்ட்ரீ பேன்ட்ரீ,,, ஜின்ஜர் டீ, அது காலி….
அக்கேடமில தான் நம்ம இருக்கனும் மாமா…
பீ.யூ வந்த்துட்டா ரொம்ப தொல்ல…
.
.
உன்னை சுட்டவன் உருப்பட்டுடுவான் டா…
ஏன்னா நீ ஒரு வெட்டி வெளக்கெண்ண…
.
.
ஓ…. கனவிருக்கு தூக்கம் இல்ல….
தூங்க பாக்குறேன்… கட்டிலே இல்ல….
வீ-நெட் இருக்கு, ஸிம்மே இல்ல…
வீ.டி.ஐ இருக்கு, நெட்டே இல்ல….
.
.
வேணாம் டா வேணாம் அந்த ஆன்ஸைட் மோகம்….
அங்க தான் போனா தினம் க்ளையன்ட்டின் சாபம்….
காலுக்கு போய் நான் கண்டேன் ஞானம்…
பட்டாச்சு சாமி…………போதும் மச்சான்……
.
.
அடி டா மௌஸ..
ஒட டா கீ-போட..
கடி டா ஒயர… தேவையே இல்ல….
.
.
க்கொரியும் புரில…
கோடிங் தெரில….
சரியா வரல….
ஒன்னுமே இல்ல….
.
.
(ஹேய்….சுத்துது சுத்துது தலையும் சுத்துது,
நைட்டு இன்னும் சாப்புடல…
பரவால பரவால, தூக்கம் தெளிஞ்சிடும்,
பேன்ட்ரீல குடிக்கிற காப்பியில…..)2
.
.
குட் நைட்.. குட் நைட்.. அஹ.. ஓகே..
குட் நைட்.. தாங்க் யூ சோ மச் மச்சி.
.
.Written By....
Nijom Kumar @ - Niku -

Mayakkam Enna - Movie Review

2011-12-10T00:37:00.000-08:00

Director - Selvaraghavan

After Ayirathil Oruvan, this movie is much expected for the fans of Selvaraghavan.
Media has shown injustice for his previous movie and made as a flop. Most of the media simply said that the movie is a copycat of some hollywood movie. But all movie lovers loved the movie and praised the director for his great effort in making a movie which looks like hollywood movie. Sometimes, Tamil audiences fail to recognize good efforts and good movies. This is clearly evident with the result of Ayirathil Oruvan. Selva got very much disappointed with the result of the movie and he challenged everyone that he will quit the film industry if someone proves that the movie is a copy of some hollywood movie.

But no one came in front to face the challenge of Selva. Because they are after all cheap people who simply talks without proof. Eventhough he got depressed with the failure of Ayirathil oruvan and the dropping of movie with actor Vikram for some reasons, he never turned back and he started his next project,"Mayakkam Enna" with his brother in the lead role.

And coming to Mayakkam enna movie, I know the style of selva and it's my usual style to watch movies without any expectations. As usual, I started seeing the movie by keeping my mind blank. Movie started in an unusual way and moved in a different way portraying the character of dhanush and his friends and richa. Director slowly reveals through couple of initial scenes that dhanush is a talented guy, but he is a loser and he behaves in a strange manner but have pure heart.

And heroine got attracted by this quality. Some scenes will clearly tell you that heroine is interested in dhanush, but she could not tell that directly to him. And her emotions and expressions shown that perfectly. Hats off to Selva who has brought such an amazing output from a girl who is from some other state. And in the other side Dhanush who started liking richa, but he never expressed clearly in the dialogue due to his close friendship. But it was expressed in an intelligent manner with one word, "Ennamo thapa irukkey" and through his emotions.

Many people are saying that "Kadhal en Kadhal" song doesn't have any connection with the story of the movie. I would say to them that they didn't watch the movie carefully. Dhanush who expressed his interest on Richa through one or two words and his emotions started expressing in a full flow with that song. One can understand that how much love he have for Richa and how much he struggled to handle that feel because he could not express to Richa because of his friendship.

But in one stage, Dhanush got hurted a lot when a famous photographer said that his photos are stupid. Those scenes wil bring tears from the eyes of everyone who have heart. And when dhanush expressed that to richa, both could not control their emotions and they broke everything with a hug and kiss in the bus stand. From there, movie is going to next stage. There is a scene where his friend saw them hugging, it was expressed to all his friends that dhanush is a cheat who cheated his friend for a girl. That is a awesome scene and the scenes after that expresses the guilty feel of dhanush and how the friends getting united are very emotional and will bring tears in everone's eyes.

And dhanush and richa are getting married. Then the movie is going to next stage. what happened to dhanush when he knew that he got cheated by that famous photographer. And how he reacts when he became mentally upset, what is the role of his wife during that tough time of dhanus are the remaining part of the movie.

Many scenes will bring you tears. One such scene is like when richa, the pregnant lady got fell down when she was pushed by Dhanush. And how dhanush reacts when he knew that he killed a infant are emotional ones. How Richa reacts and talks when dhanushs friend advised to leave dhanush and offered to live with him are talk of the town.

And how richa struggles to bring his husband to a good position forms the remaining part of the story. This is a must watch movie for everyone. Because most of the people are now struggling to get a job after studies. They should understand that nothing comes easily even if they have talent. One should he perseverant and be confident all the time to acheive the goal.

Verdict - Must watch

உன்னை அறிந்தால் - பாடல் வரிகள்

2011-12-06T13:58:00.001-08:00

உன்னை அறிந்தால்...நீ உன்னை அறிந்தால்
உலகத்தில் போராடலாம்
உயர்ந்தாலும் தாழ்ந்தாலும்
தலை வணங்காமல் நீ வாழலாம்

(உன்னை)
மானம் பெரியது என்று வாழும் மனிதர்களை
மான் என்று சொல்வதில்லையா
தன்னை தானும் அறிந்து கொன்டு ஊருக்கும் சொல்பவர்கள்
தலைவர்கள் ஆவதில்லையா

(உன்னை)
பூமியில் நேராக வாழ்பவர் எல்லோரும்
சாமிக்கு நிகர் இல்லையா
பிறர் தேவை அறிந்து கொண்டு
வாரிக்கொடுப்பவர்கள் தெய்வத்தின் பிள்ளை இல்லையா

(உன்னை)
மாபெரும் சபையினில் நீ நடந்தால் - உனக்கு
மாலைகள் விழவேண்டும் - ஒரு
மாசு குறையாத மன்னவன் இவனென்று
போற்றிப் புகழ வேண்டும்

உன்னை அறிந்தால்...நீ உன்னை அறிந்தால்
உலகத்தில் போராடலாம்
உயர்ந்தாலும் தாழ்ந்தாலும்
தலை வணங்காமல் நீ வாழலாம்

“காதல் என் காதல் அது கண்ணீருல” பாடல்- மயக்கம் என்ன

2011-11-09T23:35:00.000-08:00

காதல் என் காதல் அது கண்ணீருல..
போச்சு அது போச்சு அட தண்ணீருல..

ஏ மச்சி.. உட்ரா…
ஏய்.. என்ன பாட உடுடா..
நா பாடியே தீருவேன்..
சரி பாடி தொல..

காதல் என் காதல் அது கண்ணீருல..
போச்சு அது போச்சு அட தண்ணீருல..
காயம் புது காயம் என் உள்ளுக்குள்ள
பாலான நெஞ்சு இப்ப வெந்நீருல..

அடிடா அவள.. ஒதடா அவள..
விட்ரா அவள.. தேவையே இல்ல….
எதுவும் புரில.. உலகம் தெரில..
சரியா வரல.. ஒன்னுமே இல்ல..

ஹே சுத்துது சுத்துது தலையும் சுத்துது
குப்புன்னு அடிச்ச பீரினில..
படுத்துக்க படுத்துக்க உடனே தெளிஞ்சுடும்
காலைல அடிக்கிற மோருணுல..

ஆயிரம் சொன்னியே காதுல வாங்கல..
சூப்புல தேங்குறேன் நெஞ்சுதான் தாங்கல
சின்ன சின்னதா டிரீம் எல்லாம் கண்டேன்..
ஆசிட் ஊத்திட்டா கண்ணுக்குள்ள..

நண்பன் அழுவுற கஷ்டமா இருக்கு
கொஞ்சம் கூட அவ ஒர்த்தே இல்ல..

தேன் ஊருன நெஞ்சுக்குள்ள கள் ஊறுதே என்ன சொல்ல
ஒ படகிருக்கு வலையிருக்கு கடலுக்குள்ள மீனா இல்ல

வேணாம் டா வேணாம் இந்த காதல் மோகம்
பொண்ணுங்க எல்லாம் நம்ம வாழ்வின் சாபம்..
பின்னாடி போயி நா கண்டேன் ஞானம்..
பட்டாச்சு சாமி எனக்கிதுவே போதும்..

மான் விழி தேன் மொழி, என் கிளி நான் பலி
காதலி காதலி என் ஃபிகர் கண்ணகி..

ஃப்ரெண்ட்ஸு கூடத்தான் இருக்கனும் மாமா..
பிகரு வந்துடா ரொம்ப தொல்ல..
உன்ன சுட்டவ உருப்பட மாட்ட..
உன்ன தவிர என்னகொன்னும் இல்ல..

ஒ.. கனவிருக்கு… கலரே இல்ல,…
படம் பாக்கறேன்.. கதையே இல்ல….
உடம்பிருக்கு உயிரே இல்ல..
உறவிருக்கு, பெயரே இல்ல..

வேணாம் டா வேணாம் இந்த காதல் மோகம்
பொண்ணுங்க எல்லாம் நம்ம வாழ்வின் சாபம்..
பின்னாடி போயி நா கண்டேன் ஞானம்..
பட்டாச்சு சாமி போதும் மச்சான்..

ஹே சுத்துது சுத்துது தலையும் சுத்துது
குப்புன்னு அடிச்ச பீரினில..
படுத்துக படுத்துக உடனே தெளிஞ்சுடும்
காலைல அடிக்கிற மோருணுல..
குட் நைட்.. குட் நைட்.. அஹ.. ஓகே..
குட் நைட்.. தங்க யு சோ மச் மச்சி.

வேலாயுதம் மாபெரும் வெற்றி பெரும்

2011-10-22T08:25:00.001-07:00

வானத்தை நோக்கி சேற்றை வீசுவதால், வானத்தில் கறைப்பட போவதில்லை.
அதே போல், விஜய்யை இணையத்தில் கடுமையாக விமர்சித்து, கேலி பேசுவதால், அவரின் ரசிகர்களும் குறையப் போவதில்லை. புகழும் மங்க போவதில்லை. வருமானத்தில் ஒரு குறிப்பட்ட தொகையை(10%) நல்ல காரியங்களுக்கு பயன்படுத்தும் ஒரு நல்ல மனிதன். அவரால் படிக்கும் ஆயிரத்துக்கும் மேற்பட்ட குழந்தைகளின் குடும்பத்தினரின் ஆசியும், அவரை தன் விட்டில் ஒருவராய் நினைக்கும் லட்சக்கணக்கான குடும்பங்களின் ஆசியும், அவரை உயிராய் எண்ணும் கோடிக்கணக்கான ரசிகர்களின் ஆசியும் அவரை என்றைக்கும் புகழின் உச்சியிலேயே வைத்து இருக்கும்.

வாழ்கையில் சறுக்கல்கள் ஏற்படுவது சகஜம் தான். யாருக்கும் அது விதிவிலக்கல்ல.
அந்த சறுக்கல் நேரத்திலும், அவருக்கு ஆதரவாய் தான் மேற் சொன்னவர்கள் இருப்பார்களே தவிர, விலகி போகமாட்டார்கள். நல்லவர்களுக்கு சோதனைகள் வரும். ஆனால் சோதனைக்கு பிறகு நிச்சயம் சாதனையே.

இன்னும் பல ஆயிரக்கணக்கான ஏழைக் குழந்தைகள் படிக்க வேண்டும். ஆயிரம் எதிர்ப்புகள் இருந்தாலும், உண்மையான உழைப்பு இருந்தால், வெற்றி நிச்சயம். அதில் சந்தேகம் இல்லை. வேலாயுதம் படம் மாபெரும் வெற்றி பெற மனமார்ந்த வாழ்த்துகள்.

காளியிடம் வரம் பெற்ற கதை (தெனாலி ராமன் கதை)

2011-10-15T13:19:00.001-07:00

சுமார் நானூற்று எண்பது வருடங்களுக்கு முன் ஆந்திர மாநிலத்தில் உள்ள ஒரு சிற்றூரில் ஓர் ஏழை அந்தணக் குடும்பத்தில் பிறந்தான் தெனாலிராமன். இளமையிலேயே அவன் தன் தந்தையை இழந்தான். அதனால் அவனும் அவனுடைய தாயாரும் தெனாலி என்னும் ஊரில் வசித்து வந்த அவனுடைய தாய் மாமன் ஆதரவில் வாழ்ந்து வந்தனர். தெனாலி ராமனுக்குப் பள்ளி சென்று படிப்பது என்பது வேப்பங்காயாகக் கசந்தது. ஆனால் மிகவும் அறிவுக்கூர்மையும் நகைச் சுவையாகப் பேசக்கூடிய திறனும் இயற்கையாகவே பெற்றிருந்தான். வீட்டுத்தலைவர் இல்லாத காரணத்தால் குடும்பத்தைக் காப்பாற்ற வேண்டிய நிலை தெனாலி ராமனுக்கு ஏற்பட்டது. அதனால் என்ன செய்வது என்ற கவலை அவனை வாட்டியது.

ஒருநாள் தெனாலிக்கு ஒரு முனிவர் வந்தார். அவர் இராமனின் நிலையைக்கண்டு அவனுக்கு ஒரு மந்திரத்தைக் கற்றுக் கொடுத்தார். அந்த மந்திரத்தை பக்தியுடன் ஜபித்தால் காளி பிரசன்ன மாவாள் என்றும் சொல்லிச் சென்றார். அதன்படியே இராமனும் ஊருக்கு வெளியே இருந்த காளி கோயிலுக்குச் சென்று முனிவர் கற்றுக் கொடுத்த மந்திரத்தை நூற்றியெட்டு முறை ஜெபித்தான். காளி பிரசன்னமாகவில்லை. இராமன் யோசித்தான். சட்டென்று அவனுக்கு நினைவுக்கு வந்தது. முனிவர் சொன்னது ஆயிரத்துஎட்டு முறை என்பது. உடனே மீண்டும் கண்களை மூடிக் கொண்டு காளியை ஜெபிக்கத் தொடங்கினான்.

இரவும் வந்து விட்டது. ஆனாலும் இராமன் காளி கோயிலை விட்டு அகலவில்லை. திடீரென்று காளி அவன் எதிரே தோன்றினாள்.

"என்னை ஏன் அழைத்தாய்? உனக்கு என்ன வேண்டும்?" என்று கோபமாகக் கேட்டாள் காளி. அவளை வணங்கி எழுந்த இராமன் கைகளைக் கூப்பித் தொழுதவாறே கேட்டான்.

"தாயே நானோ வறுமையில் வாடுகிறேன். என் வறுமை அகலும் வழியும் எனக்கு நல்லறிவும் தரவேண்டுகிறேன். காளி பெரிதாகச் சிரித்தாள்.

" உனக்குப் பேராசைதான். கல்வியும் வேண்டும் செல்வமும் வேண்டுமா?"

"ஆம் தாயே. புகழடையக் கல்வி வேண்டும். வறுமை நீங்கப் பொருள் வேண்டும். இரண்டையும் தந்து அருள் செய்ய வேண்டும்." என்றான் இராமன்.

காளி புன்னகையுடன் தன் இரண்டு கரங்களை நீட்டினாள். அதில் இரண்டு கிண்ணங்கள் பாலுடன் வந்தன. அந்தக் கிண்ணங்களை இராமனிடம் தந்தாள் காளி.

"இராமா! இந்த இரண்டு கிண்ணங்களிலும் உள்ள பால் மிகவும் விசேஷமானது. வலது கிண்ணம் கல்வி. இடது கிண்ணம் செல்வம். நீ ஒரு கிண்ணத்திலுள்ள பாலை மட்டுமே குடிக்க வேண்டும். உனக்கு எது மிகவும் தேவையோ அந்தக் கிண்ணத்தின் பாலை மட்டும் குடி" என்றாள் புன்னகையுடன்.

இராமன் " என்ன தாயே! நான் இரண்டையும் தானே கேட்டேன்.ஒரு கிண்ணத்தை மட்டும் அருந்தச் சொல்கிறாயே. நான் எதை அருந்துவது தெரியவில்லையே" என்று சற்று நேரம் சிந்திப்பது போல நின்றான். பிறகு சட்டென்று இடது கரத்திலிருந்த பாலை வலது கரத்திலிருந்த கிண்ணத்தில் கொட்டிவிட்டு அந்தக் கிண்ணத்துப் பாலை மடமடவெனக் குடித்து விட்டுச் சிரித்தான். காளி திகைத்து நின்றாள்.

"நான் உன்னை ஒரு கிண்ணத்திலுள்ள பாலைத்தானே குடிக்கச் சொன்னேன்!"

"ஆம் தாயே, நானும் ஒரு கிண்ணத்துப் பாலைத்தானே குடித்தேன்." என்றான்.

"ஏன் இரண்டையும் ஒன்றாகக் கலந்தாய்?"

"கலக்கக் கூடாது என்று நீ சொல்லவில்லையே தாயே!"

காளி புன்னகை புரிந்தாள். "இராமா! என்னையே ஏமாற்றி விட்டாய். நீ பெரும் புலவன் என்று பெயர் பெறாமல் விகடகவி என்றே பெயர் பெறுவாய்." என்று வரம் தந்து விட்டு மறைந்தாள்.

இராமன் விகடகவி என்று சொல்லிப் பார்த்துச் சிரித்துக் கொண்டான். திருப்பிப் படித்தாலும் விகடகவி என்றே வருகிறதே என்று மகிழ்ந்தான்.

ஆதி திரைப்பட பாடல் வரிகள்

2011-10-15T12:57:00.000-07:00

வெண்ணிலா ஒன்னே ஒன்னு
சூரியனும் ஒன்னே ஒன்னு
வாழ்க்கையும் ஒன்னே ஒன்னு,
வாழ்ந்து பாரம்மா

பூவென்றால் வாசம் எடு
தீயென்றால் தீபம் எடு
எதிலும் நன்மை உண்டு
ஆழ்ந்து பாரம்மா

கோடை ஒரு காலம்
குளிர் வாடை ஒரு காலம்
இது காலம் தரும் ஞானம்

இன்பம் ஒரு பாடம்
வரும் துன்பம் ஒரு பாடம்
இதை ஏற்றுக் கொண்டு போனால்,
மனம் எப்போதும் பாடும்

மனசாட்சி என்பது ஆட்சி செய்கையில்
வீழ்ச்சி இல்லையம்மா

பாடி வா, ராகம் வரும்
ஓடி வா, வேகம் வரும்
நீந்தி வா, கரையும் வரும்
எல்லாம் நம்மொடு

வரும் சோகம் ஒரு மேகம்
அது சொல்லாமலே போகும்
என்றும் சந்தோசம் தான் வானம்

வெடி படத்தின் திரைக்கதை இப்படி தான் உருவாகிருக்குமோ?

2011-10-05T14:50:00.000-07:00

புரட்சித்தளபதி விஷால் படம் பண்ண சொல்லிருக்காரு. அசிஸ்டண்ட் டைரக்டர்ஸ் இங்க வாங்கப்பா.

கமர்சியலா, சம மாஸா படம் இருக்கணும்னு சொல்லிருக்காரு. ஆனா இப்ப, என் கிட்டே கதை ஒன்னும் இல்ல. உங்களுக்கே தெரியும், நான் கோர்ட் கேஸ்னு அலைச்சலில் இருக்கேன். ஆனால் விஷால் வாய்ப்பை வீணடிக்க விரும்பவில்லை. உங்களை நம்பி தான் ஒகே சொன்னேன். திரைக்கதையை இரண்டு நாட்களுக்குள் தயார் செய்து விஷாலிடம் சொல்ல வேண்டும்.cகமர்சியலா இருக்கணும். தரணி படம் மாதிரி ஸ்கிரின்பிளே படு வேகமா போகனும்னு விஷால் சொல்லிருக்காரு.

அதனால், தில், தூள் டிவிடி எடுங்க.

”விஜய் இல்லாமா மாஸா”. இருக்கவே முடியாது. திருப்பாச்சி, வேட்டைக்காரன் எடுங்க.

முதலில் திருப்பாச்சி.
தங்கச்சி செண்டிமண்ட் என்றைக்கும் ஓர்க் அவுட் ஆகும். கிளைமாக்ஸ் ரெடி. வில்லனைக் கொல்றாரு. தங்கச்சியைப் பார்த்து கண் கலங்கறாரு. தங்கச்சி அழறாங்க. அப்படியே வணக்கம் போடறோம்.

தில் எடு.
இந்த மாதிரி வில்லனிடம் ஒவ்வொரு தடவை போன்ல பேசும் போதும் லூசு, பரதேசி என்று கூப்பிடறது நல்லா இருக்கு. நோட் பண்ணுங்க.

தூள் எடு.
சூப்பர் வில்லன். இவரை தான் நம்ம படத்துக்கு வில்லனா போடணும். விவேக் கலக்கிட்டாருப்பா. நம்ம படத்துல விவேக் வைச்சுக்கலாம். இதே மாதிரி, விவேக் ஹீரோயினைக் கரக்ட் பண்ண செய்ற முயற்சிகளைக் காமெடி சின்ஸ் ஆகிடலாம். அந்த போட்டோவில் இருக்கும் விவேக் போல், நாம் விவேக்கை சிக்ஸ் பேக்ல் காட்டலாம்.

வேட்டைக்காரன் எடு.
#வேதநாயகம் நா பயம்#

இந்த பயம் என்ற வார்த்தையை மையமா வைச்சு வில்லன் சீன்ஸ் டெவலப் பண்ணுங்க.

இந்த நாலு படத்துலயும் ஹிரோ, வில்லனுடன் போனில் தான் பேசுகிறான். சவால் விடுகிறான். அனல் பறக்கும் வசனங்கள் பேசுகிறான். எனவே நாமும் இது போல் வைச்சுக்கலாம்.

அப்புறம் என் favourite pokkiri. இண்டர்வெல்க்கு பிறகு ஹிரோ போலீஸ் என்று கூறுவோம். suspense ha irukum.

இவ்வளவு தான். எனக்கு நாளைக்குள் முழு திரைக்கதை ரெடி பண்ணி கொடுங்க. நான் விஷால் கிட்டே சொல்லனும்.

மயக்கம் என்ன பாடல் வரிகள் - என்னென்ன செய்தோம்

2011-10-03T06:06:00.001-07:00

என்னென்ன செய்தோம் இங்கு
இது வரை வாழ்விலே

எங்கெங்கு போனோம் வந்தோம்
விதி என்னும் தேரிலே

காணாத துயரம் கண்ணிலே
ஓயாத சலனம் நெஞ்சிலே

இறைவா, சில நேரம் எண்ணியதுண்டு
உன்னை தேடி வந்ததும் உண்டு
சந்நதியில் சலனம் வெல்லுமா, இறைவா

அன்பான புன்னகை செய்வாய்
அழகான பார்வையில் கொள்வாய்
நீ என்பது நானல்லவா
விடை சொல்கிறாய்

கல்லாக இருப்பவன் நீயா
கண்ணீரைத் துடைப்பவன் பொய்யா
உள் நெஞ்சிலே உன்னை வாங்கினால் கரை சேர்க்கிறாய்

வாழ்கையின் பொருள் தான் என்ன
வாழ்ந்து தான் பார்த்தால் என்ன

கதை சொல்கிறாய்
பயம் கொள்கிறாய்

காலைச் சூரியனின் ஆதிக்கமா
ஆடும் பறவைகளும் போதிக்குமா

உனது அரசாங்கம் பெரும் காடு
உலகம் அதிலே ஒரு சிறு கூடு

உன்னை அணைத்துக் கொண்டு
உள்ளம் மருகி நின்றால்
சுடும் தீயும் சுகமாய் தீண்டிடும்

இறைவா, சில நேரம் எண்ணியதுண்டு
உன்னை தேடி வந்ததும் உண்டு
சந்நதியில் சலனம் வெல்லுமா, இறைவா

உள்ளிருக்கும் உன்னைத் தேடி
ஒயாமல் அலைவோர் கோடி

கருவரையா நீ
கடல் அலையா

மலைகள் ஏறி வரும் ஒரு கூட்டம்
நதியில் மூழ்கி ஏழும் பெரும் கூட்டம்

எம்மில் கடவுள் யார் தேடுகிறோம்?
பொய்யாய் எவரின் பின்னோ ஓடுகிறோம்

கண்ணைப் பார்க்க வைத்த, கல்லைப் பேச வைத்த
பெரும் தாயின் கருணை மறக்கிறோம்

இறைவா, சில நேரம் எண்ணியதுண்டு
உன்னை தேடி வந்ததும் உண்டு
சந்நதியில் சலனம் வெல்லுமா, இறைவா

அன்பான புன்னகை செய்வாய்
அழகான பார்வையில் கொள்வாய்
நீ என்பது நானல்லவா
விடை சொல்கிறாய்

கல்லாக இருப்பவன் நீயா
கண்ணீரைத் துடைப்பவன் பொய்யா
உள் நெஞ்சிலே உன்னை வாங்கினால் கரை சேர்க்கிறாய்

புத்தியுள்ள மனிதரெல்லாம் - பாடல் வரிகள்

2011-10-02T02:05:00.000-07:00

புத்தியுள்ள மனிதரெல்லாம் வெற்றி காண்பதில்லை
வெற்றி பெற்ற மனிதரெல்லாம் புத்திசாலி இல்லை

பணம் இருக்கும் மனிதரிடம் மனம் இருப்பதில்லை
மனம் இருக்கும் மனிதரிடம் பணம் இருப்பதில்லை

பணம் படைத்த வீட்டினிலே வந்ததெல்லாம் சொந்தம்
பணம் இல்லாத மனிதருக்கு சொந்தமெல்லாம் துன்பம்

புத்தியுள்ள மனிதரெல்லாம் வெற்றி காண்பதில்லை
வெற்றி பெற்ற மனிதரெல்லாம் புத்திசாலி இல்லை

பருவம் வந்த அனைவருமே காதல் கொள்வதில்லை
காதல் கொண்ட அனைவருமே மனம் முடிப்பதில்லை

மனம் முடித்த அனைவருமே சேர்ந்து வாழ்வதில்லை
சேர்ந்த வாழும் அனைவருமே சேர்ந்து போவதில்லை

புத்தியுள்ள மனிதரெல்லாம் வெற்றி காண்பதில்லை
வெற்றி பெற்ற மனிதரெல்லாம் புத்திசாலி இல்லை

கனவு காணும் மனிதனுக்கு நினைப்பதெல்லாம் கனவு
அவன் காணுகின்ற கனவினிலே வருவதெல்லாம் உறவு

அவன் கனவில் அவள் வருவாள், அவனை பார்த்து சிரிப்பாள்
அவள் கனவில் யார் வருவார்? யாரை பார்த்து அணைப்பாள்?

புத்தியுள்ள மனிதரெல்லாம் வெற்றி காண்பதில்லை
வெற்றி பெற்ற மனிதரெல்லாம் புத்திசாலி இல்லை